Programi i ditës
Radioja Kombëtare Bullgare © 2022 Të gjitha të drejtat janë të rezervuara

Geori Kornazov dhe Big Band-i prezantojnë “Suznanie”

Foto: arkiv

I përkushtuar krejtësisht muzikës xhaz trombonisti Georgi Kornazov nuk pushon të na befasojë me përmasat e frymëzimit të tij. Ai jeton në Francë, por rregullisht prezanton punën e vet muzikore para publikut bullgar. Vetëm para disa muajsh ju treguam për albumin “Suznanie” (Vetëdije) me muzikë të tij autori, të incizuar bashkë me pianistin Leonardo Montana. Akoma atëherë ai na tregoi se një pjesë e pjesëve janë aranzhuar për orkestër me tre solistë, duke pasur parasysh tre solistë konkretë – vetë ai, Rosen Zahariev – Roko (trombë dhe flugelhorn) dhe Antoni Donçev (piano).

Tashmë disa ditë Big Band-i i Radios Kombëtare Bullgare dhe solistët punojnë me këmbëngulje mbi projektin e Georgi Kornazovit. Koncerti do të zhvillohet më 30 shtator në Studion e Parë të radios Kombëtare Bullgare. Në fakt pjesët përbëjnë një suitë prej 13 pjesësh.

“Po përfundojmë incizimet e këtyre pjesëve me idenë se do të bëjmë një CD – shpjegoi autori. – Me Roko na lidh një miqësi shumëvjeçare. Antoni Donçev është një nga mësuesit e mi në fushën e xhazit. Lexova se ka 17 shkalla të vetëdijes njerëzorë. Sipas meje ato janë polarizuar në ekstremet e ndryshme. Supozohet se shkallën e sipërm të vetëdijes e zotërojnë mësuesit e mëdhenj të njerëzimit – Buda, Krishna, Krishti. Mendoj se në shkallën më të ulët ndodhen diktatorët dhe njerëzit me mendim kriminel. Artistët e vërtetë, të cilët japin gjithçka falas, shikojnë lartë. Ata jetojnë në skenë, pa pasur synime materiale – dhe nuk mund të bëjnë gjërat ndryshe. Muzikën që po e prezantoj e shkrova 5 muaj dhe atëherë nuk kam marrë asnjë qindarkë për punën time. Dhe kjo është zgjedhja ime. Gjithçka e bukur në këtë botë lind nga dashuria dhe dedikimi. Të gjitha pjesët e suitës mbajnë emra të ndryshme - “Mëngjes”, “Brengë”, “Vetëdije”... Sipas meje nga pikëpamja teknike nuk janë të vështira për interpretim. Vështirësitë për interpretuesit janë lidhur me prezantimin e tyre në një tërësi – kështu siç janë menduar.”

Përgatiti në shqip: Jordanka Ivanova

Më shumë nga rubrika

Marshi "Druzhna pesen" – një emblemë muzikore e festimeve të Ditës së 1 Majit në të kaluarën

Pavarësisht ndryshimeve socio-politike në fund të viteve '90 të shekullit të XX, të cilat "ri dizajnuan" kalendarin zyrtar të festave të bullgarëve, Dita e Punës - 1 maji, festohet me solemnitetin e duhur. Dhe sot e kësaj dite shumë njerëz e..

botuar më 22-05-01 6.45.PD

Kori i fëmijëve i Radios Kombëtare Bullgare është në turne në Belgjikë

Nga 29 prill deri më 2 maj Kori i Fëmijëve i Radios Kombëtare Bullgare realizon turneun e pestë në Belgjikë. Nën shkopin e dirigjentes Venecia Karamanova dhe në shoqërim të pianos, koristët do të japin dy koncerte, në Gent dhe Bruksel. Ftesat për..

botuar më 22-04-29 12.10.MD

Doni dhe albumi i tij i ri për emigrantët e ktheu Bullgarinë në frymëzim dhe kujtim

“ Ky album është për të gjithë ata që e ndiejnë, e kanë ndjerë apo do të ndjejnë vetminë. Është për emigrantët e brendshëm ose të jashtëm, për të gjithë ata që kanë shqisat për të dëgjuar tingullin e kujtesës "- kështu e përshkroi Dobrin..

botuar më 22-04-28 1.56.MD