Programi i ditës

Radioja Kombëtare Bullgare © 2021 Të gjitha të drejtat janë të rezervuara

Sërnica ruan shijen e papërsëritshme të kaçkavallit të Rodopeve

{ include file="./partials/authors.html" } БНР Новини
Foto: Shevkie Çakër

Familja e Ismail Karaxhovit nga fshati piktoresk në malin e  Rodopeve ruan me zell traditat dhe shijen e kaçkavallit të rajonit të saj.  Si lindi ideja për krijimin e baxhos familjare?

“Vendbanimi ynë ndodhet në vetë zemrën e Rodopeve. Ajri është i pastër si kristal, bagëtitë ushqehen vetëm me bar të pastër dhe kemi qumësht shumë cilësor. Ideja për prodhimin e kaçkavallit u rilind, pasi një firme greke, e cila kishte studiuar së në këtë rajon ka lëndë të parë shumë cilësore, bleu ish baxhon shtetërore “Serdika” dhe më ngarkojë të blejë për të qumështin nga rajoni. Kjo ishte në vitet 2001-2002 – tregon Ismail Karaxhov. – Deri sa blinim qumështin një i afërm i cili dikur kishte prodhuar kaçkavall dhe djathtë sipas mënyrës së vjetër tradicionale – me dorë, filloi të prodhojë kaçkavall edhe për ne. Konstatuam, se prodhuesit e qumështit kanë interes ndaj kaçkavallit tonë – tradicional dhe të pastër. Dhe kështu filluam të prodhojmë edhe ne kaçkavall me dorë. Kjo vazhdoi disa vite.”

Çfarë produkte prej qumështit prodhoni tani?

“Kaçkavall, gjalpë dhe gjizë. Kemi tre reparte për këto tre produkte – rrëfen Ismail Karaxhovi. – Tani po zgjerojmë baxhon për prodhimin e djathit të bardhë, të kosit, qumështit dhe të djathit të shkrirë. Qëllimi ynë është që produktet tona të jenë 100 % të pastra dhe të prodhuara me qumështin  e rajonit. Nuk blejmë qumësht nga vende të tjera, sepse cilësia e produkteve bie.”

Nuk mund të mos e pyesim zotin Karaxhov për shijen karakteristike të kaçkavallit të tyre. Ai u përgjigj, se për shijen kontribuon më shumë qumështi. Sepse rajoni i Sërnicës është ekologjikisht i pastër dhe kafshët këtu nuk ushqehen me foragjere. Si lëndë e parë përdoret qumështi i kategorisë së parë. Momenti tjetër i rëndësishëm është tharmi. Në baxho punohet me tharm mbi bazë bimore dhe të kulturës bakteriale bullgare. Përveç kësaj higjiena është në nivelin më të lartë.

Cili është kontributi i projekteve evropiane? Ja se si mendon zoti Karaxhov:

“Në fillim nuk kishim dëgjuar për projektet evropiane, por në qoftë se nuk do të ishin subvencionet evropiane, nuk do të arrinim deri këtu. Makineritë janë shumë të shtrenjta dhe pa ndihmën e mjeteve nga fondet evropiane nuk do të mund t’i blinim.”

A ka konkurrencë në këtë treg? Pyetjes sonë pronari i baxhos iu përgjigj me buzëqeshje:

“Ka konkurrencë, por ne arrijmë t’i bëjmë ballë, sepse produktet tona janë me cilësi të lartë. Bile mund të them, se nuk kemi konkurrencë. Formula për këtë është – cilësi e lartë dhe çmim i lartë. Nëse cilësia dhe çmimi janë të ulëta, vetëm  atëherë mund të flasim për konkurrencë. Kaçkavallet tona janë ndër më të shtrenjtat, sepse janë shumë cilësore.”

Përgatiti në shqip: Sofia Popova

Më shumë nga rubrika

Ambasadori Hristo Guxhev nënshkroi në Prishtinë marrëveshje për zbatimin e projekteve në përkrahje të bashkësive bullgare në Kosovë

Më 1 dhjetor 2021, në ndërtesën e Ambasadës së Republikës së Bullgarisë në Prishtinë, ambasadori Hristo Guxhev nënshkroi marrëveshje për realizimin e projekteve në kuadër të programit për mbështetjen e organizatave të komuniteteve bullgare dhe të..

botuar më 21-12-01 9.56.MD

Rumen Radev shpalli fillimin e “Krishtlindjeve Bullgare” në përkrahje të fëmijëve të sëmurë

Në prani të mjekëve, prindërve dhe fëmijëve Presidenti Rumen Radev shpalli fillimin e nismës së XIX bamirëse “Krishtlindjet Bullgare”, e cila mbahet nën patronazhin e presidentit. “ Për vite të tëra, “Krishtlindjet Bullgare” kontribuojnë në..

botuar më 21-11-30 3.48.MD

Dhuna në familje – një pandemi e fshehur në ditët e Covid-19

Sipas Agjencisë Evropiane për të Drejtat e Njeriut (FRA) dhe Organizatës Botërore të Shëndetësisë /OBSH/, një në tre gra është viktimë e dhunës dhe që nga fillimi i masave kundër epidemisë dhe izolimit, situata është përkeqësuar në shumë shtëpi...

botuar më 21-11-27 9.25.PD
Подкасти от БНР