Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Pallati Kombëtar i Fëmijëve feston 65 vjetorin e tij

БНР Новини
Foto: wikipedia.org

“Qëndisma” – kështu quhet koncerti, me të cilin Pallati kombëtar i fëmijëve shënon 65 vjetorin e tij me 4 dhjetor në sallën numër 1 të Pallatit Kombëtar të Kulturës. Pse “Qëndisma”? Për Radio Bullgarinë përgjigjet Marek Djakov – kompozitor, dirigjent dhe instrumentist, korepetitor  i Ansamblit  koreografik “Bëdniçe” pranë Pallatit, pedagog në shkollën e fizarmonikës dhe dirigjent i Ansamblit “Goce Dellçev”.

“Qëndisma është titulli i programit, i cili është lidhur me pranin bullgare në të. Në tërë muzikën e spektaklit, në të gjitha interpretimet muzikore dhe valltare është i pranishëm folklori bullgar. Prandaj vendosëm që ky emër do të shprehë më mirë koloritin e programit tonë.”

Pyetjes çfarë fshihet mbrapa këtyre 65 vjetëve, Drejtoresha e Pallatit Kombëtar të Fëmijëve Tatjana Doseva iu përgjigj, se kjo është dashuria ndaj fëmijëve. Aktualisht nxënësit në format e përhershme për punë me fëmijët janë 2 200. Për vit mbi 20 000 fëmijë nga tërë vendi dhe nga jashtë frekuentojnë këtë qendër për krijimtari të fëmijëve.

“Pallati Kombëtar i Fëmijëve pret përvjetorin e vet të 65 me shumë forme të reja, me shumë fëmijë me një program të tërësishëm i cili do të vazhdojë gjatë tërë vitit shkollor, por theksi do të vihet mbi këtë spektakël unik – theksoi zonja Doseva. – Karakteristike për spektaklin është, se kompozitorët tanë të talentuar Marek Djakov dhe Ljubomir Denev-bir, i cili është dirigjent i njërit prej kolektivave – të filarmonisë “Pionier”, shkruan muzikën posaçërisht për spektaklin. Ajo do të ekzekutohet nga filarmonia “Pionier”. Në skenën do të vallëzojnë nxënësit tanë. Në  fund të programit do të dalin formacionet vokale të Pallatit bashkë me ish nxënësit e tij. Shpresoj, se programi do të pëlqehet shumë.”

Ky spektakël do të jetë me pjesëmarrjen e posaçme të Kostandin Gençevit – fyell, dhe Petjo Kostadinovit – gajde, të dytë janë solistë të Orkestrës për Muzikë Popullore të Radios Kombëtare Bullgare dhe të Ansamblit “Goce Dellçev” – Sofje.

Cili është roli i Pallatit Kombëtar të Fëmijëve në jetën kulturore të kryeqytetit?

“Pa dyshim është i madh, por unë dua të theksoj, se jo vetëm në jetën kulturore të kryeqytetit, por edhe të tërë vendit, sepse specialistët  tanë  ndihmojnë në mënyrë metodike tërë sistemin e kurseve jashtë shkollës në vend. Para pak kohe ekspozita jonë udhëtuese “Bota magjike e Angell Karalijçevit” vizitoi Komplekset e bashkuara të fëmijëve në qytetet Pernik, Bllagoevgrad dhe Strazhica. Kjo është dëshmia e radhës, se Pallati Kombëtar i Fëmijëve luan rol të rëndësishëm në zhvillimin kulturor të vendit” – përgjithësoi Tatjana Doseva.

Njeri prej fëmijëve  që frekuenton Pallatin Kombëtar të Fëmijëve është Kristian, ai është në klasën e tretë.

“Quhem Kristian Anev, kam 9 vjeç. Vallëzoj në Ansamblin koreografik “Bëdniçe” prej 5 vjetësh. Kërcej valle popullore, sepse më pëlqejnë shumë, është shumë e këndshme dhe mësoj gjëra të reja. Jam shumë i emocionuar, dua të marrë pjesë në koncertin jubilar.”

Si për çdo ditëlindje, ka dhe urime. Marek Djakov:

“Pallati i fëmijëve si deri më sot, edhe në të ardhmen duhet t’i tërheq fëmijët me shumë dashuri. Fëmijët duhet me dashuri dhe dëshirë  të shkelin pragun e Pallatit të Fëmijëve.”

Ja dhe urimi i Tatjana Dosevës.

“Kurrë të mos plaket, të bëhet 650 vjeç! Gjithmonë këtu të ketë shumë fëmijë, gjithmonë të ketë mësues të mirë, kompetentë të cilët t’i duan fëmijët. Dhe, kuptohet, të ketë një sjellë të mirë nga tërë shoqëria dhe më shumë para për aktivitetet tona!”

Përgatiti në shqip: Sofia Popova

Fotografi: Shevkie Çakër



Последвайте ни и в Google News Showcase, за да научите най-важното от деня!

Më shumë nga rubrika

U dhanë çmimet vjetore teatrore “Ikarus”

Në Ditën Botërore të Teatrit - 27 mars, në një ceremoni në Teatrin Popullor "Ivan Vazov", u dhanë për të 50-tën herë çmimet e artit skenik "Ikarus". "Haga" u shpërblye për performancën më të mirë. Krijuar nga autorja ukrainase Sasha Denisova dhe..

botuar më 24-03-28 9.31.PD

"Nga gazeta në muze" - karikaturat nga socializmi, të mbledhura në një ekspozitë

Një përpjekje për të rikthyer zhanrin e karikaturave në kushtet e sistemit totalitar të qeverisjes në Bullgari midis viteve 1944 dhe 1989 po bën ekspozita “Nga gazeta në muze”, e cila për të pestin muaj tashmë po tërheq vizitorët në Muzeun e Artit nga..

botuar më 24-03-23 9.30.PD

“Sofia Film Fest” viziton sërish Varnën

Më 22 mars, me filmin bullgar "Kurthi", në kryeqytetin tonë detar Varna fillon edicioni i XV-të i "Sofia Film Fest", njoftojnë organizatorët nga "Artin Vision". Nga  22 deri më 30 mars, adhuruesit e artit kinematografik në Varna mund të shohin një..

botuar më 24-03-22 6.55.PD