Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Viti 2013 – Qeverisja në izolim

БНР Новини
Foto: arkiv

2013 mbetet në historinë më të re të vendit tonë si viti i protestave. Për shkak të tyre gjatë shkurtit nga pushteti u largua qeveria e GERB ne krye me Bojko Borisovin, ndërsa pas zgjedhjeve më 12 maj qeveria e koalicionit midis PSB dhe Lëvizjes për të Drejtat dhe Liritë që erdhi në pushtet filloi me emërime skandaloze.

Një situatë pati në Kuvendin Popullor, ku qeveritareve nuk u mjaftoi vetëm një votë që të fillojnë mbledhjet e rregullta parlamentare dhe të zgjedhin kabinetin e ri, çoi në krijimin e metaforës “gishti i artë”. Mbartësi i tij u bë lideri i Partisë “Ataka” Volen Siderov: “Vota e cila siguroi këtë mbledhje sot është imja. Ndryshe nga 97 përfaqësuesit e tjetre në këtë sallë që janë nga Partia GERB, unë jam njeri i përgjegjshëm dhe konsekuent.”

Qeveria e Pllamen Oresharskit u zgjodh me votat e PSB dhe Lëvizjes për të Drejtat dhe Liritë dhe me pëlqimin e heshtur të nacionalistëve. Që me hapat e saj të parë ajo shkaktoi indinjatën e shoqërisë, për shkak të mungesës së transparencës në marrjen e vendimeve, ndërsa për protestat njerëzit u organizuan nëpërmjet rrjeteve sociale.

Një prej vendimeve të para të qeverisë nga data 14 qershor ishte për ndryshime strukturore në shërbimet për sigurinë kombëtare. Për këtë qellim nga Ministria e Punëve të Brendshme u nxor Drejtoria për luftë kundër krimit të organizuar dhe u transferua në Agjencisë Shtetërore për Sigurinë Kombëtare (DANS).Për kryetar të saj pa asfare debate u zgjodh deputeti Deljan Peevski dhe ky fakt shpërtheu paqen sociale dhe i nxori spontanisht njerëzit nëpër rrugët e Sofjes dhe të qyteteve të tjera të mëdha të vendit. Bullgarët panë mënyrën arrogante të të vepruarit prapa perdes, sipas së cilës u jepeshin urdhra qeverisë dhe ky fakt i bashkoi si kurrë deri tani. Pyetja – kush e propozoi Deljan Peevski, u bë pyetja e vitit. Ja se çfarë tha njeri prej protestuesve.

“Ajo që e kishin planifikuar të bëjnë me megastrukturën DANS plus Drejtorinë për luftë kundër krimit të organizuar ishte një Ministri paralele e Punëve të Brendshme nën kontrollin e oligarkisë. Çfarë mund të presim si rezultat? Reagimi ishte fare normal. Përveç kësaj këta njerëz, të cilët aktualisht mendojnë se janë qeveri, nuk mund të qeverisin – është e dukshme. Ne shohim, se ata nuk mund të marrin vendime në mënyre të pavarur.”

Vera e vitit 2013 është e nxehtë jo vetëm për shkak të temperaturave, por për shkak të gradave të pakënaqësisë popullore.

23 korriku do të mbahet mend si “Nata e autobusit të bardhë” dhe me rrethimin nga protestuesit të parlamentit, ku zhvilloheshin në këtë moment debatet për aktualizimin e buxhetit. Policia u përpoq të shpojë bllokadën me një autobus, me të cilin ajo donte të shpëtojë nga “dashuria e popullit” deputetët dhe ministrat. U arrit në përleshje, gjatë të cilëve kishte njerëz të plagosur. Rrethimi vazhdoi deri në mëngjesin e ditës tjetër.

Gjatë muajit gusht të lejeve vjetore nuk kishte qetësi për ministrat e qeverise së koalicionit dypartiak dhe për “gishtin e artë” që i përkrahte në parlament. Shumica e deputeteve dhe ministrat iu drejtuan rezidencave dhe shtëpive të pushimit në det, por ata ishin shoqëruar nga marshi i protestuesve që u bë i njohur me emirin “Marshi i Oresharskit”.

Më 22 tetor të vitit 2013 filloi një protestë e re – kësaj here e studenteve. Krijohet lëvizja “Studentët që zgjodhën herët” me kërkesa për moral të ri në politikë dhe për dorëheqjen e qeverisë. Më 12 nëntor parlamenti u rrethua për herë të dytë, kësaj herë nga studentët e pakënaqur. Përsëri kishte dhunë policore dhe njerëz të plagosure. “Dorëheqje!”, “Ju jeni turp” brohoritnin njerëzit e mbledhur rreth Kuvendit Popullor.

Me gjithë presionin e vazhdueshëm të rrugës dhe protestave që nuk pushonin, qeveria e Pllamen Oresharskit vazhdoi të qeveriste deri më 23 korrik të vitit 2014. Atëherë, pas 405 ditëve, Kryeministri dha dorëheqjen e kabinetit.

Përgatiti në shqip: Sofia Popova



Последвайте ни и в Google News Showcase, за да научите най-важното от деня!

Më shumë nga rubrika

Viti 1993: Ljuben Berovi – “njeriu prej kashte”

Pas rrëzimit të kabinetit të kryeministrit Filip Dimitrov, qeveria e mëpasshme e Bullgarisë mbeti në pushtet dy vjet. Më 30 dhjetor të vitit 1992 këshilltari i çështjeve ekonomike të presidentit Zhelju Zhelev – profesor Ljuben Berov, qëndroi në krye të..

botuar më 15-07-18 9.05.PD
Kabineti i Filip Dimitrovit

1992: Filip Dimitrov – kryeministër “me pak, por përgjithmonë”

“Detyra jonë është që ta bëjmë Bullgarinë një shtet normal, jo një shtet të përkryer. Për njeriun është diçka natyrore që të jetojë në një botë, në të cilën shteti nuk i kap atë për qafë, nuk përcakton punën e tij, nuk paracakton botëkuptimin e tij dhe..

botuar më 15-07-11 1.15.MD

1991-a: Elisaveta Bagriana – shekullorja dhe unikja

E bukur, e mençur, e talentuar dhe disi ekzotike, Elisaveta Bagriana (1893-1991) është ylli i hapësirës kulturore bullgare, ku dominojnë burrat. Megjithë dhembshurinë dhe natyrën e saj delikate, poetesha është treguar papritur e fortë dhe mbijetuese në..

botuar më 15-07-04 11.15.PD