Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Në një muhabet të ëmbël me llokume dhe hallva të prodhuara në Bullgari

БНР Новини
Foto: arkiv

Pavarësisht nga larmia e madhe prej prodhimeve të sheqerit në treg, llokumi dhe hallva bullgare zbukurojnë tavolinën tonë si në ditët e festave, ashtu edhe në ditët e zakonshme. Sot ju takojmë me Maria Georgievën. Ajo është menaxhere e firmës së qytetit Jamboll, e cila prodhon lloje të ndryshme të hallvës, tahinit, llokumeve dhe bonboneve me fruta.

Firmat, të cilat prodhojnë produkte me tahin në Bullgari mbase numërohen në majën e gishtave të njërës dorë. Ne jemi një prej tyre. Firma jonë familjare është e krijuar gjatë vitit 1999. Filluam me prodhimin e disa llojeve të hallvës – tregon Maria Georgieva. – Lënda bazë për tahin hallvën është tahini, dhe më saktë tahini i lulediellit. Më vonë përfshimi dhe mjaft produkte të tjera midis të cilave llokume, bonbone dhe hallvë prej susami. Në Bullgari susami si prodhim dhe rendiment është i përhapur shumë dobët. Kështu që ne nuk mund ta sigurojmë këtë lëndë këtu. Si parim blejmë susam nga jashtë, nga i cili prodhojmë tahinin e susamit. Në fakt kryesisht vjen nga India dhe Nigeria.

Gjatë viteve të fundit vihet re një tendencë drejt një të ushqyeri të shëndetshëm, përdorimit të ushqimeve organike dhe tahini është një pjesë nga ky lloj të ushqyeri. A përfshihet Bullgaria në këtë tendencë? Përgjigja e Maria Georgievës është inkurajuese:

Gjatë viteve të fundit dhe në Bullgari përdoret mjaft tahini. Gjykojmë për këtë nga shitjet tona. Po forcohet konsumi i këtij produkti dhe mes njerëzve të rinj. Këtu përfshihet dhe tahini integral prej susami. Mendoj se Bullgaria i përgjigjet këtyre tendencave botërore drejt një të ushqyeri më shëndetësor. Kurse sa i përket hallvës, baza është tahini i marrë nga luledielli. Si parimi hallva mbi bazën e tahinit mund të jetë prej luledielli, prej susami, prej qiqrave në varësi nga bërthama e cila përdoret për tahinin. Në tregun bullgar, në ndryshim nga tregu turk dhe grek, më shumë përdoret tahin – hallva prej luledielli. Në nuga hallvën përmbahet kryesisht sheqer dhe glukozë, kurse në atë prej luledielli dominon tahini prej luledielli.

Nga fëmijëria ime më kujtohet shija e tahin-hallvës prej luledielli. Firma juaj a e ruan këtë shije tradicionale bullgare?

Do të thosha se, shija është krejtësisht e ruajtur. Ne prodhojmë në bazë të një recete tradicionale, me fjalë të tjera kështu siç është prodhuar hallva në Bullgari përpara 40,50 dhe 100 vjetëve – pohon Maria Georgieva. Me këtë ndryshim, se është përmirësuar pamja tregtare e produktit. Ai është një nga më të lashtët. Përveç kësaj është dhe shumë e dobishme për fëmijët. Sepse përbërësja bazë është fara e bluar e lulediellit. Në ndryshim nga susami, në Bullgari prodhohet mjaft luledielli dhe prandaj punojmë me prodhues bullgar të lulediellit.

Llokumi është një nga prodhimet bazë tradicionale prej sheqeri në tavolinën tonë. Në bazë të cilës gjë dallohet llokumi bullgar nga ai, i cili prodhohet në vendet fqinje?

Mendoj se Turqia është prodhuesja numër një në prodhimin e llojeve të ndryshme të llokumit. Aty ai është një prodhim i specializuar. Por si cilësi të shijes llokumi ynë nuk mbetet mbrapa nga asnjë tjetër i prodhuar në vendet fqinje. Sa i përket konsumit të llojeve të ndryshme të llokumit, këtu duhet të flasim pak për traditat. Më i preferuar dhe i kërkuar është llokumi bojë rozë ose “me ngjyra” siç e quajmë. Aroma  të cilën e përdorim është esenca e trëndafilit bullgar.

Ku i propozoni produktet tuaja?

Për momentin përveç në Bullgari, kemi dhe eksport për në Rumani dhe Slloveni. Shpresojmë se me kalimin e viteve do t’i zgjerojmë shitjet tona.

Përgatiti në shqip: Nataniela Vasileva



Последвайте ни и в Google News Showcase, за да научите най-важното от деня!

Më shumë nga rubrika

Dita Botërore e Ujit e vë theksin mbi aksesin e pabarabartë në burimet ujore

Bullgaria shënon Ditën Botërore të Ujit - 22 Mars me ngjarje të shumta në mbarë vendin. Këtë vit, tema e Ditës Botërore të Ujit të OKB-së është "Uji për Paqe", duke theksuar aksesin e pabarabartë në ujë në mbarë botën dhe nevojën për të mbrojtur dhe..

botuar më 24-03-22 6.05.PD

Efikasiteti energjetik i ndërtesave: (pa)mundësia bullgare dhe standardet e reja evropiane

Nuk do të mjaftojë më ndërtimi i ndërtesave më të gjelbra, por duhet të rinovohen edhe ato ekzistuese. Ritmi i rinovimit të ndërtesave të vjetra në Bashkimin Evropian është shumë nën pritshmëritë - vetëm 1% dhe 1.5% çdo vit, por për të arritur..

botuar më 24-03-20 5.35.MD

Të rinjtë bullgarë janë ndër njerëzit më të lumtur në botë

Bullgaria është në vendin e 81-të për nga lumturia në botë , duke u përmirësuar me katër pozicione krahasuar me vitin e kaluar në studimin e Rrjetit të Kombeve të Bashkuara për zgjidhje të zhvillimit të qëndrueshëm, i cili mbulon 143 vende dhe..

botuar më 24-03-20 9.16.PD