Projektet të cilët kontribuojnë për afrimin ekonomik dhe social midis regjioneve të BE-së duhet të mbeten prioritet në politikën e investimeve të BE-së. Kjo theksohet në një rezolutë miratuar nga Parlamenti Evropian. Përveç financimit me prioritet nga BE-ja, ato rajone kanë nevojë edhe për strategji, të cilat t’i japin perspektivë popullsisë. Eurodeputeti bullgar Georgi Pirinski tha, se në Evropë ka 47 rajone në prapambetje me papunësi të lartë, me varfëri, me përjashtim social dhe me pak investime. Rajonet në fjalë janë në tetë shtete të BE-së dhe ndahen në rajone me produkt të brendshëm bruto, i cili i afron atij të mesëm të BE-së, por me rritje të vogël (në Itali, Spanjë, Greqi, Portugali), dhe rajone me produkt i ulët i brendshëm, por me rritje të mirë (Bullgari, Rumani, Hungari, Poloni). Pothuajse çdo banor i gjashtë i BE-së jeton në një rajon në prapambetje (83 milion veta), prej të cilëve 32 milion në rajone me të ardhura të ulëta dhe 51 milion – në rajone me rritje të vogël.