“Lufta kundër terrorizmit krijoi terrorizëm”, deklaroi në Sofje regjisori Wim Wenders, President i Akademisë Evropiane të Filmit. Ai ishte mysafir dhe lektor në edicionin e 22 të Sofia Film Fest.

Para publikut bullgar regjisori paraqiti projektin e tij ambicioz “Zhytje” (“Sumbergence”). Njëri prej protagonistëve pasqyron aktivitetin e Al Kaidës në bregdetin afrikan, duke u paraqitur si ekspert për gjendjen e furnizimeve ujore. Në lidhje me subjektin e filmit Wenders shpjegoi se e respekton shumë islamin dhe se ka shumë miq myslimanë. Pikërisht për këtë shkak ai mendon se në veprat e terroristëve nuk ka aspak dinjitet. “Thënë sinqerisht nuk mendoj se në kohën e sotme do të kishte një problem kaq të madh me islamikët radikalë dhe grupazhet e tyre, në qoftë se ata nuk ishin përgatitur kaq mirë nga politika dhe veprimet amerikane”, shtoi regjisori. Ai bëri të ditur se gjatë pranverës së vitit 2019 bota do të shohë dokumentarin e tij të ri “Njeriu i fjalës”,  ku Papa Frani ndan disa mendime të tij të rëndësishme.