Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Ministri i Jashtëm i Kosovës Behgjet Pacolli para Radio Bullgarisë: “Bashkëjetesa është alternativa e vetme”

БНР Новини
Foto: BGNES

Më 20 prill për vizitë në Bullgari erdhi Zëvendëskryeministri i parë dhe Ministër i Punëve të Jashtme i Republikës së Kosovës z. Behgjet Pacolli. Gjatë vizitës së tij ai zhvilloi një sërë takimesh: me Ministren e Punëve të Jashtme të Republikës së Bullgarisë znj. Ekaterina Zaharieva, me Kryetaren e Komisionit të Politikës së Jashtme pranë Parlamentit znj. Xhema Grozdanova, me Ministrin e Mbrojtjes z. Krasimir Karakaçanov etj. Krahas vizitës së tij Dhoma Tregtare Industriale Bullgare organizoi bashkë me Odën Ekonomike të Kosovës forumin ekonomik Bullgari-Kosovë, ku u përfshinë kompani nga sektorë të ndryshëm.

Në Ambasadën e Republikës së Kosovës në Sofje z. Pacolli dha një intervistë të posaçme për Radio Bullgarinë, ku foli për avancimet dhe vështirësitë në marrëdhëniet midis dy shteteve tona, për konkluzionet e arritura në takimet e zhvilluara. Ministri Pacolli e filloi intervistën me fjalët se nuk mbërrin në Bullgari me pritje konkrete. “Kjo është një vizitë e rregullt, e cila bëhet në kohën kur Bullgaria kryeson Presidencën e Unionit Evropian. Me këtë vizitë unë e kthej vizitën, të cilën Ministrja bullgare e Punëve të Jashtme na bëri në Kosovë.” Z. Pacolli e vuri theksin në bisedimin tonë te samiti i pritur në Sofje gjatë muajit maj “BE-Ballkani Perëndimor” dhe te pritjet e tij që ai të jetë një takim i barabartë, ku të gjitha shtetet të trajtohen në një mënyrë, duke theksuar shprehimisht se nuk ka alternativë tjetër veçse bashkëjetesa. Ai shprehu shpresën e vet se samiti do të kontribuojë për përparimin e Kosovës në integrimin e saj të plotë evropian dhe se Bullgaria do të ndihmojë për arritjen e një dialogu të mirë me pesë vendet anëtare të Unionit, të cilat ende nuk e kanë njohur pavarësinë e saj – Spanja, Rumania, Qiproja, Greqia dhe Sllovakia, si dhe për zgjidhjen e problemeve mes Beogradit dhe Prishtinës, duke i quajtur bisedimet midis Serbisë dhe Kosovës “ndoshta më të rëndësishmet e çdo presidence evropiane”.

Zoti Pacolli e falënderoi Bullgarinë për përkrahjen e saj ndaj Kosovës në të gjitha sferat. “Kosova do të mundohet gjithmonë të veprojë kështu qe Bullgaria asnjëherë të mos jetë e zhgënjyer nga ajo” – shprehu mirënjohjen e vet Ministri kosovar.






Последвайте ни и в Google News Showcase, за да научите най-важното от деня!

Më shumë nga rubrika

Automjeti luftarak i këmbësorisë amerikane

Kontroll i BNR-së: A po transportohen tanqe përmes territorit tonë në Ukrainë?

Që nga fillimi i luftës në Ukrainë, lëvizja e pajisjeve ushtarake në territorin e Bullgarisë shpesh ka shkaktuar komente dhe deklarata në hapësirën online, lidhur me shqetësimet për përfshirjen e Bullgarisë në veprimet ushtarake. Një vit më parë, për..

botuar më 24-03-27 7.20.PD

Radan Kënev për Parlamentin e ardhshëm Evropian dhe debatin e vonuar evropian në Bullgari

Pak muaj para zgjedhjeve evropiane, të cilat do të mbahen në të gjithë BE-në midis 6 dhe 9 qershorit, dhe në kontekstin e pasigurt politik bullgar, Radan Kënev, eurodeputeti nga grupi PPE (Partia Popullore Evropiane), i zgjedhur nga lista e DB-së..

botuar më 24-03-26 7.30.PD
Kirill Petkov

Kirill Petkov: Marrëveshja është arsyeja e dështimit të negociatave

Drejtuesit e “Po e vazhdojmë ndryshimin – Bulgaria Demokratike” (PP-DB) nuk kanë dalë ende me një koment zyrtar pas vendimit të kandidates për kryeministre të GERB, Maria Gabriel për të hequr dorë nga mandati i saj për të formuar një kabinet, e cila..

botuar më 24-03-25 2.33.MD