Ekspozita “Mbrojtësit”, e hapur më 6 maj në ditën e Shën Gjergjit në Venecie, përfshin 25 ikona të piktores Lili Vlladimiriva dhe 17 skulptura të akademikut Krum Damjanov. Kuratori prof. Xhuliano Pizani e quan “një dialog unikal mes krijuesve”, për shkak të gërshetimit të suksesshëm midis stilistikës moderne dhe zbatimit klasik.

Emri i saj nuk është zgjedhur rastësisht, deklaroi gjatë hapjes Ministrja e Presidencës Bullgare të Këshillit të Bashkimit Evropian Liljana Pavllova, sepse ne si evropianë kemi qëllim të ruajmë unitetin dhe gjithçka që kemi arritur, pavarësisht nga dallimet midis nesh, feja, gjuha dhe kombësia. Në fjalimin e saj ajo rikujtoi se me fillimin e Presidencës Bullgare ka filluar gjithashtu Viti Evropian i Trashëgimisë Kulturore, i iniciuar nga Komisioni Evropian, kurse “arsimi dhe kultura janë në thelbin e identitetit tonë evropian.”

Ekspozita do të mbetet në galerinë e Venecies “Mizerikordia” deri në fund të muajit maj.