Në Ballkan ka zhvillime, të cilat dallohen nga thënia e vjetër, se janë fuçi baruti. Këtë e tha duke hapur Forumin Ekonomik në qytetin Pllovdiv kryeministri Bojko Borisov. Bullgaria dhe Maqedonia shfaqën vullnet, Greqia dhe Maqedonia gjithashtu treguan vullnet të mirë, Hashim Thaçi dhe Aleksandër Vuçiç i shtrënguan duart, tha zoti Borisov. Ai shtoi, se Ballkani zhvillohet në sajë të përpjekjeve të të gjitha shteteve. Lidhur me këtë ai theksoi rëndësinë e infrastrukturës rrugore si për Greqi, Rumaninë ashtu edhe për të gjitha shtetet e Ballkanit Perëndimor. Si shembull tregoi lidhjet transportuese, të cilat lejojnë që për disa orë të kalohet distanca midis qyteteve Pllovdiv dhe Selanik; korridorin № 8 i cili lidh qytetet Sofje, Shkup dhe Tirana, korridorin № 10 nga Stambolli përmes Plovdivit dhe Sofjes deri në Lublanë dhe Bratislavë. E gjithë kjo është në shërbim të biznesit, thekoi zoti Borisov.