Me një dokumentar, ligjërata publike dhe ekspozitë fotografike në urën pranë Pallatit Kombëtar të Kulturës në Sofje do të shënohet 15 vjetori i anëtarësimit të Bullgarisë në NATO dhe 70 vjetori i krijimit të Organizatës së Traktatit Atlantiku-Verior.

Dokumentari ndjek procesin nga fillimi i përgatitjes për anëtarësimin e vendit tonë në Aleancë deri në angazhimet e tij aktuale si pjesë e NATO-s. Në Planin kombëtar të festimit është përfshirë realizimi i një projekti artistik bullgar në Selinë Kryesore të NATO-s, i cili simbolizon rrugën euroatlantike e Bullgarisë dhe aderimin e vendit në Aleancë. Në program bën pjesë një koncert i Orkestrës Frymore të Gardës dhe i Ansamblit të Forcave të Armatosura. Planifikohet gjithashtu që Sofja të bëhet mikpritëse e Konferencës Ndërkombëtare të nivelit të lartë, kushtuar arritjeve të Bullgarisë si anëtare e NATO-s dhe së ardhmes së Aleancës.