Bullgarët dhe mbi 3 milionë shtetasit e tjerë evropianë, që jetojnë në Britaninë e Madhe, do të ruajnë statusin dhe të drejtat e tyre edhe nëse Mbretëria e Bashkuar pa marrëveshje del nga BE. Këtë e deklaroi Kryenegociatori  i BE për Brexitin Mishel Barnie në një takim në Strasburg me deputeten bullgare në Parlamentin Evropian Eva Majdel. Barnie ka marrë sigurime për këtë nga qeveria britanike.

Evrodeputeti bullgar Emill Radev gjithashtu shprehu bindje, se BE do të mbrojë të drejtat e qytetarëve të tij, që jetojnë në territorin e Britanisë së Madhe dhe nuk do të lejojë asnjëfarë diskriminimi ndaj tyre pas Brexitit. Ai shprehu shqetësim, se mungesa e marrëveshjes midis Londrës dhe Brukselit do të kthehet në problem edhe për shtetasit e Mbretërisë, që kanë zgjedhur të jetojë në shtet tjetër anëtar të BE. Ata mund të humbasin të drejtat e tyre të pensionit dhe të detyrohen të paguajnë shuma të ndryshme nga ato të deritanishme në rast se kanë nevojë për ndihmë mjekësore, mendon Radevi. Pas hedhjes poshtë të marrëveshjes me BE nga ana e Parlamentit anglez, të panjohurat rreth Brexitit bëhen edhe më shumë, ndërsa rrugëdalje nga kjo situate, ende nuk ka.