Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Kuajt – një ëndërr fëmijërore e realizuar e Musfata Suljemanit

Mustafa Sulejmani nga fshati Zagoriçe afër qytetit Shumen të Bullgarisë Verilindore është prodhues shumëvjeçar bujqësor, përpunon 8 mijë dynymë toke, rrit kryesisht grurë, elb, misër, luledielli, jonxhë dhe tërshërë, rreth 1000 dele dhe 500 lopa. Por në ekonominë e tij bujqësore një vëmendje e veçantë u kushtohet 8 kuajve për vrapim.

Gjithçka filloi në vitin 2013, kur një shok ia ofroi atij kalin Herakëll. Kalli i vrapimit i solli pronarit të tij 16 fitore vetëm brenda një viti dhe kuptohet shumë çaste emocionuese. Pas Herakëllit Mustafa bleu dhe kuaj të tjerë me emrat interesantë – Agjitacia, Argona, Presijan, Anhila, Shargo, Poligonia, Panhila, të gjitha këta të racës së pastër angleze Thoroughbred. Kuajt e tij marrin pjesë në shumë gara që zhvillohen në fshatra të ndryshme bullgare, si dhe në qytetet Isperih dhe Bellosllav, ndërsa në Garat kombëtare të kuajve në qytetin Ballçik, të organizuar nga Asociacioni Kombëtar Bullgar i garave me kuaj, fitojnë vendet e para. Krenaria e fundit e madhe e Mustafas është pela Panhila.

Mustafa SulejmaniDeri sa kolegët preferojnë të blejnë kuaj të seleksionuar nga Gjermania, Franca dhe Anglia, unë zgjodha një pelë të rritur në Bullgari. Me gjithë pohimet, se kuajt bullgarë nuk janë konkurrentë, me Pahnhilën ne treguam se mund të fitojmë dhe të dalim përpara kuajve të racës të rritur jashtë shtetit” – rrëfen Mustafa.

Me pelën e re Panhila janë lidhur dhe shpresat e reja të pronarit. Për herë të parë pela e tij do të garojë jashtë shtetit. Gjatë muajt mars në qytetin rumun Brashov do të zhvillohen garat ndërkombëtare të kuajve dhe kjo është një sfidë e re jo vetëm për Mustafa Sulejmanin, por edhe 17 vjeçarin Xhem dhe 20 vjeçarin Ismail, të cilëve u janë besuar të gjitha përkujdesjet, trajnimet dhe përgatitja e kuajve elitë. Pas peripecive të shumta Mustafa i zgjodhi këta dy djem për të cilët sot thotë, se mbajnë në zemrën e tyre dashurinë ndaj kuajve.

Sipas mendimit tim, duhet të besojmë më shumë në të rinjtë. Në këtë mënyrë do të arrijmë t’i mbajmë në Bullgari. Djemtë e mi kalojnë tërë kohën e tyre rreth kuajve. Jetojnë me fitoret e tyre dhe mund t’ju them, se besimi është reciprok. Sa i përket garës në Rumani, ëndrra jonë e përbashkët është të dëshmojmë se edhe kuajt bullgarë mund të vrapojnë dhe të fitojnë.”

Biseda jonë arriti edhe tek menyja e një kali elitar dhe pronari krenar me buzëqeshje na tregoi:

Ne në tryezë mund të mos kemi ushqim të veçantë, por për kuajt gjithmonë përzgjidhet ushqim i veçantë – molla, karota, panxharsheqeri, mjaltë, rrush i thatë dhe granula të posaçme, që furnizohen nga Evropa, ndërsa gjatë verës u japim dhe elb dhe tërshërë, të prodhuar në ekonominë tonë. Qëllimi është që kuajt tanë të jenë të qëndrueshëm dhe të shëndetshëm, jo të majmë.”

Mustafa Sulejmani e trashëgoi dashurinë ndaj kuajve nga paraardhësit e tij dhe pohon, se kjo ka qenë ëndrra e tij fëmijërore – një ditë të ketë kalë të vet. Ndërsa sot i biri Sulejman gjithashtu vazhdon traditën dhe merr pjesë në rritjen dhe në përkujdesjet për kuajt elitarë.

Prodhuesi bujqësor nga fshati i vogël Zagoriçe u jep punë 35 familjeve duke shpjeguar, se shpreson në punën e tyre dhe se pa to e gjithë kjo nuk do të ishte e mundshme, prandaj bën çmos që t’i mbajë këtu dhe të mos largohen jashtë shtetit.

Me gjithë tekat e motit, për ne viti 2018 ishte i begatshëm. Kishim rendimente të larta prej misrit në sfondin e rendimentit të dobët të lulediellit. Arritëm të sigurojmë ushqim për kafshët për tërë dimrin”, thotë Mustafa Sulejmani dhe shton, se viti 2019 do të jetë viti i shpresave të mëdha për fitore.

Përgatiti në shqip: Sofia Popova

Foto: arkiv personal

Më shumë nga rubrika

“Ora e Tokës” ose si ta ndryshojmë botën në 60 minuta

“Nëse secili prej nesh, pavarësisht se ku jemi, gjen 60 minuta kohë dhe ia jep Tokës, do të kemi fuqinë të mbrojmë shtëpinë tonë të përbashkët dhe ta lëmë atë më se të mrekullueshme për brezat pas nesh” – ja çfarë thonë organizatorët për eventin më të..

botuar më 24-03-23 8.30.PD

Dita Botërore e Ujit e vë theksin mbi aksesin e pabarabartë në burimet ujore

Bullgaria shënon Ditën Botërore të Ujit - 22 Mars me ngjarje të shumta në mbarë vendin. Këtë vit, tema e Ditës Botërore të Ujit të OKB-së është "Uji për Paqe", duke theksuar aksesin e pabarabartë në ujë në mbarë botën dhe nevojën për të mbrojtur dhe..

botuar më 24-03-22 6.05.PD

Efikasiteti energjetik i ndërtesave: (pa)mundësia bullgare dhe standardet e reja evropiane

Nuk do të mjaftojë më ndërtimi i ndërtesave më të gjelbra, por duhet të rinovohen edhe ato ekzistuese. Ritmi i rinovimit të ndërtesave të vjetra në Bashkimin Evropian është shumë nën pritshmëritë - vetëm 1% dhe 1.5% çdo vit, por për të arritur..

botuar më 24-03-20 5.35.MD