Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Po bien si shi dorëheqjet për shkak të skandalit me apartamentet e politikanëve

Foto: BGNES

Botimet e shtypit në Bullgari e përqendrojnë vëmendjen mbi vargun e vazhdueshëm të dorëheqjeve për javë të tretë të radhës mes qeveritarëve në lidhje me skandalin për marrjen e apartamenteve të reja me çmime çuditërisht të ulëta.

Gazeta “Dnevnik” thekson se, vetëm gjatë ditës së djeshme janë dhënë tre dorëheqje të reja – të nënprefektit të Sofjes Tomi Nikollov, për shkak të publikimeve në media se ka ndërtuar në mënyrë të paligjshme shtëpi mbi një tokë bujqësore, të deputetit Deljan Dobrev, për shkak të një lajmi të “rremë” sipas tij, se njerëz të tij të afërt kanë fituar prona të patundshme me çmime shumë të ulëta, dhe të kryetarit të bashkisë së qytetit detar Sozopoll Panajot Rejzi për dhjetëra marrëveshje të dyshimta të lidhura prej tij për punime ndërtimore, disa prej të cilave të shoqëruar me falsifikime dokumentash.  Në fakt, shumë shpejt pas lajmit për tërheqjen e tij, Rejzi deklaroi para Radios Kombëtare Bullgare  se ikën nga radhët vetëm të partisë GERB, por mbetet kryetar bashkie i qytetit Sozopoll.

Mediat rikujton se, gjatë javës së kaluar Kryeministri Bojko Borisov rekomandoi që çdo një i përzier në skandal me blerjen e pronave me çmime nën ato të zakonshmet për tregun e lirë të japë dorëheqje ose të dalë në një pushim të gjatë, derisa organet të bëjnë kontrollimet e duhura. Për shkak të korrupsionit në pushtet, presidenti Rumen Radev thirri Këshillin Konsultativ për Siguri Kombëtare, kurse pasi asnjë nga partitë nuk e përkrahu deklaratën, e propozuar nga Radevi, ai u bëri thirrje shtetasve bullgarë që të mos tolerojnë shfaqjet e korrupsionit dhe të amullisë së institucioneve shtetërore.Gazeta “Kapital”komentoi se, ngjarjet në disa momente  duken  jashtë kontrollit të Kryeministrit Biorisov, dorëheqjet, të cilat bien si pikat e shiut sikurse nuk sjellin qetësinë e duhur në shoqëri, por në mënyrë paradoksale në këtë etapë nuk ka të ngjarë që stabiliteti i qeverisjes të jetë i lëkundur, apo të paktën deri në zgjedhjet parlamentare evropiane në fund të muajit maj, mbase nuk ka një frikësim serioz për dorëheqje të kabinetit.

Gazeta “Dnevnik”  komenton se me dorëheqjet e fundit “viktimat” e skandalit të pronave të lira u bënë 7. E para e dha dorëheqjen Ministrja e drejtësisë Cecka Caçeva, kurse pas saj këtë e bënë zëvendësministrat e energjetikës Krasimir Përvanov dhe të sportit Vanja Koleva. Nga posti kryetar i Grupit Parlamentar i partisë GERB u largua Cvetan Cvetanovi. Përveç atyre të cilët dhanë dorëheqje për marrëveshje të dyshimta me prona të paluajtshme, janë kontrolluar ende Kryetari i Komisionit kundër korrupsionit dhe të sekuestrimit të pasurisë së fituar në mënyrë të paligjshme Pllamen Georgjiev, si dhe drejtor i Shërbimit Kombëtar të Hetimit Borisllav Sarafov. Prokuroria e Lartë e Kasacionit dhe Komisioni kundër korrupsionit kanë filluar kontrollime për ligjshmërinë e pronave të reja të paluajtshme të Ministres së turizmit Nikolina Angjellkova dhe të deputetit të Partisë Socialiste Bullgare Valeri Zhabljanov.Autor:

Përgatiti në shqip: Nataniela Vasileva



Последвайте ни и в Google News Showcase, за да научите най-важното от деня!

Më shumë nga rubrika

Zgjedhje të parakohshme në asnjë kohë

Që nga sot, 27 shtator, Bullgaria është sërish në një fushatë zgjedhore 30 ditore. 28 parti dhe 11 koalicione paraqitën dokumentet në Komisionin Qendror të Zgjedhjeve për pjesëmarrje në zgjedhjet e ardhshme të parakohshme parlamentare dhe në..

botuar më 24-09-27 6.55.PD
Bojko Borisov

Në Sofje e konsiderojnë reagimin e BE-së ndaj Maqedonisë së Veriut si të arsyeshëm

Bullgaria dhe Maqedonia e Veriut kanë nënshkruar një Marrëveshje të Fqinjësisë së Mirë, e cila është pjesë e planit të zgjerimit të BE-së dhe askush nuk mund të tërhiqet prej saj, tha kreu i GERB-it, Bojko Borisov, i cili është edhe kryetar i..

botuar më 24-09-26 11.34.PD
Takimi i ministrave Ivan Kondov dhe Igli Hasani gjatë sesionit të 79-të të Asamblesë së Përgjithshme të OKB-së në Nju Jork

Për Sofjen dhe Tiranën, Korridori Nr. 8 mbetet një objektiv i përbashkët strategjik

Në Nju Jork, në kuadër të sesionit të vjeshtës të Asamblesë së Përgjithshme të OKB-së, ministri i jashtëm në detyrë Ivan Kondov u takua me ministrin për Evropën dhe punët e jashtme të Shqipërisë, Igli Hasani. Ata kanë shprehur gatishmërinë për të..

botuar më 24-09-24 8.52.PD