Qeveria bullgare miratoi nënshkrimin e marrëveshjes për blerjen nga Shtetet e Bashkuara të Amerikës të avionëve të rinj luftarakë F-16. Bullgaria do të blejë 6 avionë me një vend dhe dy me 2 vende. Çmimi i përafërt është 1,25 mlrd dollarë. Bullgaria ka negociuar 60 miliona dollarë më pak në krahasim me çmimin e shpallur paraprakisht, komentoi ministri i mbrojtjes Krasimir Karakaçanov. Por më parë marrëveshja duhet të miratohet nga Kongresi në Uashington dhe pritet se çmimi real për paketën e makinave, pajisjeve dhe shërbimeve të lidhura me to do të ulet akoma – nën 1,2 mlrd. dollarë. Para nënshkrimit përfundimtar të marrëveshjes Parlamenti bullgar gjithashtu duhet të jepe pëlqimin e vet për marrëveshjen dhe për mënyrën e pagimit.