Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Historia e “trenit të yndyrtë” në kujtesën kolektive të regjionit të Bullgarisë Veriperëndimore

2
Foto: bdz.bg

Në kujtesën kolektive të Bullgarisë Veriperëndimore një tren, i cili në shikim të parë duket si eksponat muzeor nga shekulli i kaluar, lëshon avull me aromën e ushqimit shtëpiak dhe kujtime kontradiktore. Ky është treni nga Llomi dhe Vidini për në Sofje, i cili në fakt lëviz në vijën ndërkombëtare Sofja – Budapesta, por ndër njerëzit, të cilët udhëtojnë në të, ende është i njohur si “treni i yndyrtë”: “Ai transportonte ushqim nga Vidini për në Sofje” – na tregojnë banuesit e Vracës në një anketë të korrespondentes së BNR-së Iva Antonova. – “Kishte vite, kur njerëzit e quanin kështu, por nuk e dinin pse – vazhdojnë të anketuarit dhe shtojnë: - “Treni i yndyrtë” është një emër i gëzueshëm dhe i trishtuar në të njëjtën kohë nga e kaluara e afërt.”

Dikur treni ka ushqyer qindra familje në kryeqytet në kohërat e krizave shoqërore-politike. Me të në Sofje mbërrinin pako të mëdha dhe të vogla me mish, pastërma derri, djathë, kaçkavall, rrush, speca, domate dhe produkte të tjera të prodhuara nga njerëzit e kësaj krahine pjellore – rajoni i Kutllovicës, Vracës, Berkovicës, Vidinit dhe Llomit. “Kam dëgjuar për historinë e “trenit të yndyrtë” nga kujtimet e prindërve të mi, të cilët janë nga vise të ndryshme të krahinës së Bullgarisë Perëndimore – na tregon një grua nga Vraca. - E kanë quajtur kështu pas Luftës së Parë Botërore. Në atë kohë vija hekurudhore tashmë ishte e ndërtuar. Në këto vite shumë të vështira pas luftës ajo e mori këtë emër, sepse në këtë destinacion udhëtonin prodhuesit bujqësorë me prodhimin e vet - kryesisht vaj luledielli, si dhe produkte prej mishi. Kjo traditë ka vazhduar në vitet në vazhdim dhe kryesisht gjatë Luftës së Dytë Botërore, kur janë konfiskuar provizionet e tyre. Njerëzit i kanë fshehur kafshët e veta, që të mund të nxjerrin bukën e gojës në ndonjë mënyrë.”


Prandaj prodhuesit nga Bullgaria Veriperëndimore e kanë kapur trenin e natës deri në Sofje, që të mund t’i shesin produktet e tyre: kryesisht mish derri, pula, pata etj. Kryeqytetasit i kanë pritur që në Stacionin Qendror të Hekurudhës, ku ka pasur bursë të zezë, sepse gjatë viteve të luftës njerëzit në Sofje kanë vdekur nga uria.

Tradita e udhëtimit gjatë natës ka vazhduar edhe pas viteve të luftës që deri në vitet 70 të shekullit të kaluar. Shumica e tregtarëve kanë udhëtuar me trenin e natës për shkak të kontrollit, ndërsa shumë prej sofjanasve të rinj, të cilët kanë banuar me qira në lagjet e largëta të qytetit, kanë shpresuar kryesisht tek produktet e dërguara nëpërmjet “trenit të yndyrtë” nga të afërmit dhe miqtë.

Tani, kur provinca që prej kohe nuk e ushqen kryeqytetin, ndërsa Bullgaria Veriperëndimore është shpallur regjioni më i prapambetur i vendit, të gjitha këto kujtime na duken si legjenda. Ka edhe histori kolorite, si për shembull ajo për gjyshin me damixhanën, të cilën e kanë plasur pa dashje me një shat në korridorin plot njerëz. Kur dhjetë litrat e rakisë së shkëlqyeshme prej rrushi janë derdhur në dyshemenë e vagonit, për shkak të duhanpirësve ka shpërthyer zjarr, të cilin e kanë shuar në qytetin Vraca.

Foto: arkiv

Përgatiti në shqip: Vesella Mançeva


Последвайте ни и в Google News Showcase, за да научите най-важното от деня!

Galeria

Më shumë nga rubrika

Një filial i Universitetit në qytetin Ruse do të hapet në Taraklia

Një filial i Universitetit Ruse do të hapet në qytetin moldavian Taraklia. Kjo u vendos me një dekret të Këshillit të Ministrave. Udhëheqja e Universitetit në Ruse përpiqet për të hapur një filial të tij në qytetin moldavian që nga viti 2016...

botuar më 24-03-28 5.32.MD

Në BE, shkalla e vdekshmërisë për shkak të një aksidenti kardiovaskular është më e larta në Bullgari

Çdo vit në BE ka më shumë se 6 milionë raste të reja dhe mbi 1.8 milionë vdekje që lidhen me sëmundjet kardiovaskulare, raporton BTA, duke cituar zëvendëskryeministren dhe ministren e punëve të jashtme në dorëheqje Maria Gabriel. Në një konferencë..

botuar më 24-03-28 11.23.PD

Mbi 900 fëmijë në vendin tonë janë në pritje të prindërve birësues, është dyfishuar numri i atyre që duan të birësojnë

Në fillim të këtij viti më shumë se 1600 familje kanë treguar gatishmëri për të birësuar një fëmijë dhe numri i fëmijëve për të cilët janë kërkuar birësues të përshtatshëm ka qenë pak më shumë se 900. Sipas të dhënave të Agjencisë së Ndihmës..

botuar më 24-03-28 8.54.PD