Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Nxënësit e Shkollës Kombëtare për Arte Folklorike “Filip Kutev” në Kotell me çmimin më të madh në “Altin Mobilya” në Turqi

Foto: nufi-kotel.com

Para pak kohe nxënësit dhe mësuesit e Shkollës Kombëtare për Arte Folklorike “Filip Kutev” në Kotell mbrojtën profesionalizmin e vet në një forum ndërkombëtar në Turqi. Ky është suksesi i radhës i shkollës së parë te ne dhe në Ballkan për art tradicional, e cila tashmë ka një histori 50 vjeçare. Më shumë hollësi na solli drejtoresha e shkollës zonja Maria Gradeshlieva.

“Para disa ditësh një grup yni prej 20 valltarësh dhe 8 muzikantësh mori pjesë në edicionin e shtatë të Festivalit dhe Konkursit Ndërkombëtar “Altin Mobilya” /“Mobilie e Artë”/ në qytetin İnegöl të Turqisë. Në jurinë ndërkombëtare kishte përfaqësues të 10 shteteve. Ne morëm çmimin më të madh “Mobilie e Artë” dhe për herë të tretë i pushtuam skenat turke. Le të rikujtojmë se gjatë vitit 2016 orkestra dhe kori pranë shkollës morën “Grand Pri” në një konkurs në Stamboll, ndërsa në vitin 2018 nxënësit tanë fituan çmimin “Altin karagöz” në festivalin ndërkombëtar me të njëjtin emër në qytetin Bursa. Sivjet në “Mobilie e Artë” pas nesh u klasifikuan grupet e Gjeorgjisë dhe të Ukrinës, të cilat ishin shumë të mira, ata sikurse fluturonin në skenë. Kjo është një njohje e madhe dhe për mësuesit tanë-koreografë: Donço Kisjov, Konstantin Konstantinov, Mirosllav Vasilev, të cilët me përpjekje të përbashkëta e përgatitën grupin. Udhëheqësit të orkestrës Todor Petrov i detyrohet niveli i lartë i muzikës. Janka Doçeva – menaxherja jonë, ishte anëtare e jurisë ndërkombëtare. Në festivale të tilla zihen shumë miqësi, lindin ide profesionale. Bashkë me një grup nga Maqedonia kemi në plan të organizojmë një seminar për valltarë sipas parimit të këmbimit, gjë që deri tani nuk kemi pasur në shkollën tonë. Desha ta falënderojë Shoqatën e Mërgimtarëve Bullgarë “Balgöç” në İnegöl, të cilët na përkrahnin gjatë tërë kohës. Me ta gjithashtu kemi plane të përbashkëta krijuese. E falënderoj Seyhan Özgür, me ndihmën e të cilit e morëm ftesën, të ciceronit tonë. Ky sukses është i përbashkët. Shkolla folklorike në Kotell zhvillon çdo vit konkurset kombëtare “Ylberi i këngës mbi Kutev” (për muzikë tradicionale) dhe “Kërraba e artë” (për valle popullore). Programet tona do të pasurohen me ide të reja” – thotë zonja Gradeshlieva dhe shton:


“Kemi ide që “Kërraba e artë” të shndërrohet në një konkurs ndërkombëtar. Tani për tani kanë shfaqur dëshirë për pjesëmarrje grupe nga Serbia dhe Turqia. Përveç kësaj fituam një projekt të madh dhe ai tashmë startoi – jemi duke rinovuar godinën e shkollës dhe do të ndërtojmë sallë multifinksionale sportive. Gjatë inaugurimit te ne ishte Ministri i Kulturës Boill Banov. Duke folur me të unë i thash për idenë që në shkollën tonë të mësojnë fëmijë nga shtetet ballkanike. Ai e pëlqeu dhe tha se do të bashkëpunojë për realizimin e saj. Së shpejti do të jetë fakt shkolla e parë ballkanike për folklor në Kotel. Shpresoj që ëndrra ime të realizohet – këtë vit, ose vitin tjetër. Folklori ynë është i pranishëm edhe në këngë, edhe në valle, edhe në ritmin me shtetet fqinje. E reja tjetër është se do ta hapim me një koncert edicionin e pestë të konkursit folklorik “Perla e Primorskos” në qytetin tonë bregdetar Primorsko me ftesë të drejtorit të tij Stojko Stojkov. Më 6 shtator do të kemi koncert në skenën teatrale në Primorski. Zonja Janka Doçeva punon mbi një projekt për pjesëmarrjen tonë në Japoni gjatë vitit 2020. Ndoshta do të kemi kënaqësinë të marrim pjesë edhe në festivalin ndërkombëtar në Itali. Kohët e fundit fitojmë çmime në konkurse ndërkombëtare dhe mund të them me krenari se përgatitja në shkollën tonë është e një niveli shumë të lartë profesional.”

Përgatiti në shqip: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

Kalorësi djallëzor Shën Theodhori

"Në një rajon të gjerë në Bullgarinë Veriore, kalorësi Shën Theodhor perceptohet si një personazh djallëzor. Përkufizimet popullore për të janë si më poshtë: një shenjtor vampir, përbindësh ose goblin... Ai vizitonte festat e beqarëve, të cilat ishin të..

botuar më 24-03-23 11.05.PD
Foto: Instituti i Etnografisë dhe Folkloristikës me muze në Akademinë Bullgare të Shkencave

Veroret - një simbol i shpresës për gjërat e mira që do të vijnë

Martenica (verorja) është një nga simbolet e Bullgarisë - konsiderohet si një pararojë e pranverës dhe largimit të errësirës. Çdo vit më 1 mars, edhe larg atdheut, ne bullgarët i zbukurojmë të afërmit dhe miqtë tanë me fijet e përdredhura të bardha e të..

botuar më 24-03-01 7.10.PD

Aprillci pret mijëra të ftuar për festën e proshutës dhe rakisë së ngrohtë

Qyteti i vjetër malor i Aprillci pret një nga festivalet më interesante dhe më të shijshme bullgare - Festën e proshutës dhe rakisë së ngrohtë. Në datat 24 dhe 25 shkurt, qyteti malor, i vendosur rrëzë majës së Maragidik, po përgatitet të mirëpresë më..

botuar më 24-02-24 8.10.PD