Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Ngjarjet me adresë ballkanike

Zjarret në Greqi: situata është alarmante

Foto: AP / BTA

Që nga e shtuna në Greqi është në fuqi alarmi i kur për shkak të temperaturave të larta dhe ajrit të fortë. Pavarësisht nga të gjitha masat e ndërmarra të parandalimit të shtunën janë regjistruar 59 zjarre, kurse të dielën – 63. Në rajonin e qytetit Peania, afër kryeqytetit policia ka evakuuar njerëzit , informoi Sekretariati i Përgjithshëm i Mbrojtjes Civile.


Protestat në Beograd provokuan përplasje me policinë

Foto: Tanjug

Gjatë fundjavës në kryeqytetin e Serbisë Beograd u zhvillua protesta e 36-të me radhë të qytetarëve nga iniciativa “1 nga 5 miliona”. Protestuesit benë përpjekje të kalojnë gardhën para ndërtesës së Presidencës, për të lënë atje listën me kërkesat e tyre, por kjo shkaktoi konfrontim mes tyre dhe rojës civile. Për shkak të kësaj një nga organizatorët e protestës rezultoi në spital. “Lidhja për Serbinë” dënoi ashpër aksidentin dhe kërkoi identifikim të shpejtë të personave të përgjegjshëm për të. 


Mijëra njerëz në Bukuresht bënë thirrje për dorëheqjen e qeverisë

Foto: AP / BTA

Në kryeqytetin rumun Bukuresht rreth 24 mijë veta u mblodhën para Presidencës për të kërkuar dorëheqjen e qeverisë, duke brohoritur “Vjedhës!” dhe “Dorëheqje!”. Përsëri gjatë gushtit të vitit të kaluar rreth 80 mijë veta ishin shpërndarë nga policia me gaz lotsjellës, pompa me ujë dhe shkopinj prej gome. Të shtunën protestuesit nderuan kujtimin e adoleshenteve– Aleksandra dhe Luiza, vrasjet e të cilave tronditën vendin dhe shkaktuan protesta nëpër rrugët e tërë Rumanisë.


Që nga maji deri tani Frontex ka ndaluar 1300 migrantë në kufirin mes Shqipërisë dhe Greqisë

Foto: REUTERS

Agjencia evropiane për sigurinë kufitare Frontex shpalli rezultatet e punës së vet në vazhdim të disa muajve në Kakavijë të Shqipërisë. Drejtori i Departamentit të Kufirit në Policinë e Shtetit Eduard Merkaj deklaroi se që nga 22 maji, kur Frontex ka filluar kontrollimet e tij deri tani janë regjistruar 1300 shtetas të huaj, të cilët kanë planifikuar të kalojnë kufirin nga Shqipëria në drejtim të Greqisë. Bëhet fjalë kryesisht për shtetas të Sirisë, Irakut, Pakistanit dhe territoreve të Palestinës. Në operacionin e Frontex-it në kufirin shqiptaro-grek kanë marrë pjesë 66 policë nga 12 shtete të BE-së.


Forca e sigurisë së Kosovës do të marrë pjesë në misione jashtë vendit

Foto: REUTERS

Komandanti i Forcës së Sigurisë së Kosovës Gjenerallejtënant Rrahman Rama shpalli se gjatë vitit 2021 Ushtria e Kosovës për herë të parë do të marrë pjesë në një mision ushtarak jashtë vendit bashkë me ushtarë amerikanë në Irak, apo në Afganistan. Në këtë mision do të marrë pjesë Garda Kombëtare e shtetit Aiova. Sipas Ramës “pjesëmarrja e Kosovës në misione për mbrojtjen e paqes do të jetë një arrije e madhe”.

Përpiloi: Stoimen Pavllov

Përgatiti në shqip: Jordanka Ivanova

Më shumë nga rubrika

Në BE, shkalla e vdekshmërisë për shkak të një aksidenti kardiovaskular është më e larta në Bullgari

Çdo vit në BE ka më shumë se 6 milionë raste të reja dhe mbi 1.8 milionë vdekje që lidhen me sëmundjet kardiovaskulare, raporton BTA, duke cituar zëvendëskryeministren dhe ministren e punëve të jashtme në dorëheqje Maria Gabriel. Në një konferencë..

botuar më 24-03-28 11.23.PD

Mbi 900 fëmijë në vendin tonë janë në pritje të prindërve birësues, është dyfishuar numri i atyre që duan të birësojnë

Në fillim të këtij viti më shumë se 1600 familje kanë treguar gatishmëri për të birësuar një fëmijë dhe numri i fëmijëve për të cilët janë kërkuar birësues të përshtatshëm ka qenë pak më shumë se 900. Sipas të dhënave të Agjencisë së Ndihmës..

botuar më 24-03-28 8.54.PD
Doc. Iskren Ivanov

Doc. Iskren Ivanov: Bankierët kanë frikë se do të shpallen emrat e evropianëve me ndikim që ndihmuan dhe po e ndihmojnë Moskën

Një konsensus parimor se si të ndihmohet Ukraina për të blerë armë dhe municione - kjo është ajo që liderët evropianë arritën në Këshillin e fundit Evropian. Ose paratë të vijnë nga të ardhurat e grumbulluara nga asetet ruse të “ngrira” për..

botuar më 24-03-27 7.55.MD