Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Çfarë makinash nget dhe blen bullgari?

Foto: BGNES

Bullgarët pa makina nuk munden. Kjo vihet re nga të dhënat për numrin e automobilave dhe të popullsisë në vend.Tek ne ka 7 milionë veta dhe sipas policisë rrugore automobilat në Bullgari janë rreth 4 milionë. Më interesante është pyetja se çfarë automobilash blejnë bullgarët? Përgjigja me dy fjalë është: makina të vjetra – kryesisht gjermane dhe mundësisht me naftë, të cilat në vetë Gjermaninë pritet se së shpejti nuk do të mund të përdoren për arsye ekologjike. Sipas Eurostatit, makinat deri më 5 vjet në Bullgari janë vetëm 5% ose rreth 160 000, ato deri më 10 vjet janë 10%, ose rreth 400 000 dhe ato midis 10 dhe 20 vjet – 60% ose afro 2,4 milionë. Automobilat më të vjetër – mbi 20 vite janë afro 1 milionë, që përbëjnë 25% të të gjitha automjeteve.

Preferencat ndaj makinave më të vjetra janë të kuptueshme – për shkak të aftësive blerëse më të ulëta të bullgarëve. Çmimi mesatar i një makine të blerë të vjetër është rreth 2000-3000 euro. Çmimet e automobilave të rinj fillojnë nga 10 000 euro e sipër dhe mundet të kuptohet lehtësisht se përse me rrogë mesatare prej 644 eurosh, numri i makinave të reja të blera për një vit është vetëm rreth 35 000.

Bullgaria është në një nga vendet e para në botë për nga prodhimi i pjesëve të këmbimit, i sistemeve dhe i komponentëve për pothuajse të gjitha markat botërore të veturave. Në vend punojnë  mbi 250 kompani në këtë sektor dhe ato u japin punë rreth 65 000 bullgarëve. Por ambiciet e qeverisë janë akoma më të mëdha dhe në këtë moment po zhvillohet një luftë e ashpër për tërheqjen e njërit prej prodhuesve më të mëdhenj gjermanë të automobilave në botë, i cili të hapë uzinë në Bullgari. Për këtë investim shanse të mëdha ka dhe Turqia, por Bullgaria bën çdo gjë të mundur t’i bindë investitorët gjermanë, se ajo disponon me vend dhe ofron kushte më të përshtatshëm për uzinën e tyre të re. Sipas publikimeve në mediat gjermane, preferencat tani për tani anojnë ndaj Turqisë, por vendimi përfundimtar pritet deri më 1 muaj. Paralelisht me këtë po zhvillohen bisedime për hapjen e një uzine të një prodhuesi të madh nga Koreja e Jugut  të automobilave dhe akoma një tjetër të një kompanie nga po ky vend aziatik, i cili është lider botëror në prodhimin e baterive për makina elektrike.

Dhe kur u bë fjalë për automjete elektrike, duhet thënë se në Bullgari makinat hibride dhe elektrike akoma nuk janë kaq të përhapura. Sipas të dhënave të fundit në vend lëvizin rreth 800 makina krejtësisht elektrike dhe mbi 2000 makina hibride.  Aktualisht  në tregun e brendshëm  ofrohen 18 marka të ndryshme automobilash me lëvizje alternative, çmimet e të cilave lëvizin midis 30 dhe 40 mijë euro. Sipas ekspertëve në degë përveç çmimit të lartë një nga pengesat kryesore  për zhvillimin e këtij “transporti të së ardhmes” tek ne është dhe mungesa e pikave të mjaftueshme për karrikim të këyre veturave, si dhe mungesa e një sërë shpërblimesh dhe zbritjesh, që u ofrohen në vendet e zhvilluara evropiane pronarëve të automobilave elektrikë.

Përgatiti në shqip: Nataniela Vasileva



Последвайте ни и в Google News Showcase, за да научите най-важното от деня!

Më shumë nga rubrika

Dita e Nënës së Krishterë është Ungjillëzimi

Çdo vit, më 25 Mars, Kisha shënon një nga festat e saj më të ndritshme – Ungjillëzimi i Hyjlindëses. I shënuar nga lajmi i mirë i ngjizjes së papërlyer, ai personifikon mëshirën e pafund të Zotit për njerëzit dhe veçanërisht për gruan  nënë, të..

botuar më 24-03-25 5.30.PD

Qytetarët në Bullgari tashmë mund të informohen në lidhje me parashikimet për ndotjen e ajrit

Shkencëtarët nga Instituti Kombëtar i Meteorologjisë dhe Hidrologjisë (NIMH) kanë krijuar një faqe ku përdoruesit mund të shohin parashikimin e ndotjes së ajrit me grimcat e imta të pluhurit. Cilësia e ajrit atmosferik në Bullgari vazhdon të jetë një..

botuar më 24-03-24 9.15.PD

Bashkia e Burgasit ofron informacione dhe shërbime të dobishme në një mjedis online

Portofoli dixhital i autoritetit lokal në Burgas, i njohur si " Smart Burgas " tani ka një shtesë të re - chatbotin " Smarty ". Ky është një mjet dixhital i dobishëm që bashkon shërbimet e Bashkisë në një kanal ndërveprimi të njohur dhe të lehtë për..

botuar më 24-03-24 8.10.PD