Programi i ditës
Radioja Kombëtare Bullgare © 2022 Të gjitha të drejtat janë të rezervuara

Po zhvillohet edicioni i 75 i ekspozitës më të madhe industriale në Bullgari

Foto: BTA

Në qytetin Plovidiv është duke u zhvilluar edicioni i 75 i Panairit Teknik Ndërkombëtar. Ngjarja, në të cilën marrin pjesë afro 600 firma nga 34 shtete, do të vazhdojë deri në 28 shtator. Në fakt kjo është ekspozita më e vjetër industriale në Bullgari, ndërsa disa e quajnë takimin më të rëndësishëm teknologjik në Ballkan. Sipas traditës në të tregohen arritjet e fundit të teknologjive, produktet dhe shërbimet në sferën e elektronikës dhe elektroteknikës, të energjetikës dhe ekologjisë, të teknologjive të informacionit, robotikës dhe automatizimit, inxhinierisë mekanike, ndërtimit, sektorit ujor, industrisë kimike, transportit, industrisë automobilistike. Sivjet ekspozitat e specializuara janë pesë – inxhinieria mekanike, teknika ndërtimore, automobilat, transporti, teknologjitë e informacionit dhe ato digjitale dhe energjetika dhe ekologjia. Ekspozuesit, të cilët gjatë 2019-ës prezantohen për herë të parë në panair janë 39 për qind, ndërsa vitin e kaluar ishin 35 për qind. Sipas organizatorëve kjo rritje flet jo vetëm për interes në rritje ndaj aktivitetit, por edhe për shfaqjen e segmenteve të të reja në industri. Për medaljet e arta të panairit, të cilat janë çmimet më të larta në industrinë bullgare, gjatë 2019-ës konkurrojnë 35 pajisje të reja. Vitin e kaluar partner i panairit ishte India, ndërsa sivjet është Federata Ruse. Një prej sensacioneve të panairit vjen pikërisht nga Rusia – një makinë që pikturon. Sipas shpikësve të saj nga Universiteti Elektroteknik i Shën Petersburgut veprat e saj nuk dallohen shumë nga ato të pikturuara nga njerëzit. Tani për tani pikturat janë vetëm me ngjyrë gri, por tashmë është krijuar një mënyrë për t’u përdorur të gjitha ngjyrat. Me ndihmën e intelektit artificial do të mund të pikturohen imazhe unikale, siç janë veprat klasike të artit. Më 24 shtator nga ora 19.00 deri në orën 19.20 për herë të parë në këtë ekspozitë do të vendoset kontakt me Stacionin Kozmik Ndërkombëtar.

Edicioni i 75 i Panairit Teknik Ndërkombëtar në qytetin Plovdiv zhvillohet në një vit shumë të suksesshëm për Bullgarinë. Siç theksoi gjatë hapjes së aktivitetit Kryeministri Bojko Borisov, gjatë 2019-ës të gjitha agjencitë botërore të normimit të kreditit janë duke e rritur rejtingun e kreditit të Bullgarisë dhe ajo po ecën bindshëm në rrugën e aderimit në mekanizmin valutor ERM 2, që quhet gjithashtu “salla e pritjes në eurozonë”.

Përpiloi: Stoimen Pavllov

Përgatiti në shqip: Vesella Mançeva

 

Më shumë nga rubrika

Inflacioni dhe mungesa e gazit – një kombinim i rrezikshëm

Çmime fluturuese dhe furnizime të pezulluara të gazit - a do të përballen konsumatorët e mallrave dhe të shërbimeve me varfërinë në rritje, bizneset që përballen me falimentimin dhe një mjedis gjithnjë e më të pasigurt? Gjatë marsit..

botuar më 22-04-29 7.15.PD

I gjithë kapaciteti i lidhjes së gazit me Greqinë është rezervuar

Lidhja e re bullgaro-greke e gazit është gati në 92për qind. Interkonektori do të jetë gati në fund të qershorit, do të testohet me gaz nga korriku, tha për BNT Teodora Georgieva, drejtoreshë ekzekutive e palës bullgare të kompanisë ICGB, e cila..

botuar më 22-04-28 11.12.PD

Bullgaria nuk do të zhvillojë bisedime nën presion me Gazprom

Gazi natyror përdoret si armë politike dhe ekonomike, tha Ministri i Energjetikës Aleksandër Nikollov me rastin e ndërprerjes së furnizimit me gaz nga Rusia. Rusia ndalon furnizimin me gaz për Bullgarinë “Përderisa unë jam ministër,..

botuar më 22-04-27 12.07.MD