Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Kristalina Georgieva – bullgarja në krye të Fondit Monetar Ndërkombëtar

Foto: BGNES

Që nga e marta e ardhshme – 1 tetor, Fondi Monetar Ndërkombëtar do të drejtohet nga Kristalina Georgjieva. Në këtë mënyrë ajo bëhet gruaja bullgare me post më të lartë në botë. Deri përpara pak kohe dhe zonja Irina Bokova, ish-drejtoresha e përgjithshme e UNESKO-s, ishte në këtë shoqëri elitare.

Në praktikë Kristalina Georgjieva nuk kishte konkurrent për postin e drejtorit të Fondit Monetar Ndërkombëtar pasi francezja Christine Lagarde e liroi që ta marrë drejtimin e Bankës Qendrore Evropiane. Është kureshtare të përmendet se që nga viti 1944, shefët i Bankës Botërore janë amerikanë, derisa ata të Fondit – evropianë. Tradita edhe këtë herë ishte respektuar, me qenë se Kristalina Georgieva është kandidatura e Bashkimit Evropian. Mbase këtu është vendi të sqarojmë se zgjedhja e Kristalina Georgievës për drejtoreshe të Fondit Ndërkombëtar Monetar, pavarësisht se i respekton traditat, fut dhe dy elemente të reja në praktikë. Deri vonë në krye të Fondit nuk mundej të qëndronte njeri në moshë më shumë se 65 vjeç, gjë e cila detyroi që posaçërisht për Georgievën ky rregull të ndryshohet me ngut, me qenë se bullgarja tani shpejt mbushi 66 vjeç. Noviteti i dytë është se për herë të parë këtë post e zë përfaqësues i një vendi nga të ashtuquajturat tregje të reja në zhvillim, të cilat gjatë viteve 90-të të shekullit të kaluar ishin shpëtuar ekonomikisht pikërisht nga Fondi Ndërkombëtar Monetar.

Fondi administron mjete me vlerë 1 trilionë dollarë dhe tani fjala përfundimtare për lëshimin e kredive për vendet në nevojë, hartimi i rekomandimeve dhe planet shpëtuese për shtetet në gjendje të keqe financiare dhe ekonomike, do të varet nga bullgarja, e cila është në krye të Fondit. Kjo përgjegjësi e madhe duket se nuk e tremb, me qenë se biografia e saj flet për një përvojë mjaft të madhe të grumbulluar gjatë viteve si dhe për kompetencat në këtë drejtim. Kristalina Georgieva ka përfunduar Ekonomi Politike në Institutin e Lartë Ekonomik në Sofje, ka mbrojtur tezën e doktoratës, ka qenë pedagoge në po këtë institut. Gjatë vitit 1993 ka filluar punë në Bankën Botërore, që të zërë gjatë vitit 2017 postin e dytë për nga rëndësia në këtë institucion financiar ndërkombëtar – atë të drejtorit të përgjithshëm ekzekutiv. Përpara kësaj, që nga viti 2010 deri në vitin 2014 ajo ka qenë Komisionere evropiane, përgjegjëse për bashkëpunimin ndërkombëtar dhe ndihmën humanitare, dhe më vonë – Zëvendëskryetare dhe Komisionere evropiane mbi buxhetin dhe burimet njerëzore. Kjo karrierë e shkëlqyer evropiane përfundon me dëshirë të saj, kur ajo është kthyer në Uashington, në Bankën Botërore.

Ekspertët dhe vëzhguesit mendojnë se Georgieva ka kualifikimin, njohjet dhe aftësitë e duhura, të domosdoshme për një drejtues të Fondit Monetar Ndërkombëtar. Ajo zotëron përveç gjuhës bullgare dhe gjuhën ruse (është përgjigjur dhe për Rusinë në Bankën Botërore) dhe gjuhën angleze. Nga pikëpamja politike ajo është mesatarisht e djathtë dhe i simpatizon Partisë Popullore Evropiane.  

“Po pres me padurim të punojë me të gjitha 189 vendet-anëtare, me Këshillin Ekzekutiv dhe nëpunësit e tij me të gjithë partnerët tanë gjatë viteve të ardhshme”, tha drejtoresha e re e Fondit Ndërkombëtar Monetar, bullgarja Kristalina Georgieva.

Me prioritet në mandatin e saj 5-vjeçar do të kontribuojë që shtetet të pakësojnë deri në minimum rrezikun nga krizat dhe të jenë gati për përballimin e krizave eventuale. Një qëllim afatgjatë i Fondit Monetar Ndërkombëtar nën drejtimin e saj do të jetë të mbështesë politikat e shëndosha monetare, fiskale dhe strukturore për ndërtimin e ekonomive më të forta dhe për përmirësimin e jetës së njerëzve.

Përgatiti në shqip: Nataniela Vasileva


Последвайте ни и в Google News Showcase, за да научите най-важното от деня!

Më shumë nga rubrika

Mijëra punëtorë nga jashtë janë tërhequr nga vendet e lira të punës në Bullgari

Për vite me radhë, punëdhënësit në Bullgari kanë përjetuar mungesë të personelit. Sipas Konfederatës Bullgare të Punësimit, persona të përshtatshëm mund të gjenden vetëm për 30% të pozitave të hapura në tregun e punës. Arsyeja kryesore që jep..

botuar më 24-03-11 7.20.PD

Gratë në vendin tonë marrin gati 13% paga më të ulëta

Gratë në vendin tonë marrin mesatarisht 12,6% paga më të ulëta se burrat, por në një sërë aktivitetesh ekonomike diferenca në shpërblim është shumë më e madhe, sipas të dhënave të Institutit të Kërkimeve Sociale dhe Sindikale pranë..

botuar më 24-03-08 10.48.PD

Sofja ka pagën mesatare më të lartë në vend - 2900 leva /1482.75 euro/

Paga mesatare në Bullgari në tremujorin e katërt të vitit të kaluar arriti në 2123 leva /1085.47 euro/. Rritja me bazë vjetore është 13%, sipas të dhënave të Ministrisë së Punës dhe Politikës Sociale. Paga mesatare në Sofje është më e larta -..

botuar më 24-03-07 2.52.MD