Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Tablo shumëngjyrëshe në pushtetin vendor pas raundit të dytë të zgjedhjeve në Bullgari

Foto: BGNES

Të dhënat zyrtare të shpallura nga Komisioni Qendror i Zgjedhjeve tregojnë se raundi i dytë i zgjedhjeve lokale nuk ka ndryshuar bilancin e forcave politike pas raundit të parë.

Forca kryesore në pushtetin vendor vazhdon të jetë partia qeverisëse GERB. Ajo fitoi në 15 qytete, të cilat janë qendra të qarqeve me kandidatë të vet, kurse në 2 të tjera fituan kandidatë të pavarur të përkrahur nga ajo (Kjustendill dhe Montana). Para katër vjetëve GERB-i fitoi në 21 qytete të mëdha. Por humbja e tanishme e pozitave nuk është diçka shqetësuese, sepse atje ku nuk vendosi kryetarë të vet të bashkive,  ai ka përparësi  sa i përket numrit të këshilltarëve bashkiakë dhe kjo do të thotë se prania e saj në strukturat e pushtetit vendor është bilancuar.

Pas raundit të dytë Partia Socialiste Bullgare ka drejtues të qarqeve me qendra në qytetet Ruse, Pernik, Razgrad dhe Bllagoevgrad dhe ka pozita të mira në këshillat e tyre bashkiake. Rezultatet e socialistëve sivjet janë më të mira në krahasim me ato të vitit 2015 dhe kështu sipas tyre ata “kthehen në pushtetin vendor”. Ky fakt komentohet dhe nga lideri i partisë GERB dhe kryeministri i vendit Bojko Borisov si “normalizimi” i pushtetit vendor, sepse sipas tij nuk është normale që partia e tij t’i udhëheqë të gjitha qytetet e mëdha.

Lëvizja për të Drejtat dhe Liritë fitoi më vete ose në koalicion në 47 bashki (rezultati i saj në 2015 ishte 39 bashki). Përveç kësaj përfaqësues të Lëvizjes janë dhe 18% prej të gjitha këshilltarëve bashkiakë. Në të njëjtën kohë zgjeron dhe arealin e vet gjeografik në vend. Për një formacionin, i cili ka pozita më të forta  kryesisht në regjionet me pakicë turke, zgjerimi i pranisë së tij është me rëndësi të madhe.

Prej tri partive nacionaliste në koalicionin qeverisës “Patriotët e Bashkuar”, i cili është partner me GERB-in në pushtetin ekzekutues, vetëm VMRO-ja ka një prani më të konsiderueshme në pushtetin vendor, dy të tjerët  - “Fonti Kombëtar për Shptimin e Bullgarisë” dhe partia “Ataka” në fakt nuk kanë pozita të fituara në këto zgjedhje.

Pas raundit të dytë në disa vende tablotë e pushtetit vendor janë tepër shumëngjyrëshe. Në qytetin Vidin në balotazh fitoi kandidati i Bashkimit të Forcave Demokratike kundër kandidatit të GERB-it. Në Jamboll fitorja e Demokracisë së Drejtpërdrejtë kundër kandidatit të GERB-it ishte shumë befasuese. Në Dobriç kandidati i lëvizjes “Bullgaria e Qytetarëve” fitoi kundër rivalit nga GERB. Kjo tablo shumëngjyrëshe lë përshtypje për më shumë pluralizëm në strukturat e pushtetit vendor.

Raporti i forcave politike pas raundit të dytë të zgjedhjeve vendore është në përputhje me parashikimet e disa analistëve për ndryshim, që mund të shkaktojë zgjedhje të parakohshme. GERB mori më pak përkrahje, por pavarësisht nga kjo mbetet forca e parë politike. Partia Socialiste Bullgare fitoi pozita, por jo të mjaftueshme për të qenë alternativë të GERB-it. Performanca e keqe e “Frontit kombëtar për Shpëtimin e Bullgarisë” dhe e partisë “Ataka” do të thotë se opozita e brendshme në koalicionin qeverisës bëhet më e dobët.  Bashkë me VMRO dhe me bashkimet taktike me Lëvizjen për të Drejtat dhe Liritë me disa deputetë të pavarur, siç deri tani GERB mund të vazhdojë dhe ta përfundojë pa shqetësime mandatin e tij të plotë. Dhe siç komentoi akoma para raundit të parë të zgjedhjeve vendore Kryeministri Borisov, pushteti i deritanishëm mbetet i qëndrueshëm.

Përgatiti në shqip: Jordanka Ivanova


Последвайте ни и в Google News Showcase, за да научите най-важното от деня!

Më shumë nga rubrika

Automjeti luftarak i këmbësorisë amerikane

Kontroll i BNR-së: A po transportohen tanqe përmes territorit tonë në Ukrainë?

Që nga fillimi i luftës në Ukrainë, lëvizja e pajisjeve ushtarake në territorin e Bullgarisë shpesh ka shkaktuar komente dhe deklarata në hapësirën online, lidhur me shqetësimet për përfshirjen e Bullgarisë në veprimet ushtarake. Një vit më parë, për..

botuar më 24-03-27 7.20.PD

Radan Kënev për Parlamentin e ardhshëm Evropian dhe debatin e vonuar evropian në Bullgari

Pak muaj para zgjedhjeve evropiane, të cilat do të mbahen në të gjithë BE-në midis 6 dhe 9 qershorit, dhe në kontekstin e pasigurt politik bullgar, Radan Kënev, eurodeputeti nga grupi PPE (Partia Popullore Evropiane), i zgjedhur nga lista e DB-së..

botuar më 24-03-26 7.30.PD
Kirill Petkov

Kirill Petkov: Marrëveshja është arsyeja e dështimit të negociatave

Drejtuesit e “Po e vazhdojmë ndryshimin – Bulgaria Demokratike” (PP-DB) nuk kanë dalë ende me një koment zyrtar pas vendimit të kandidates për kryeministre të GERB, Maria Gabriel për të hequr dorë nga mandati i saj për të formuar një kabinet, e cila..

botuar më 24-03-25 2.33.MD