Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Rosen Kukosharov me albumin e tij të parë “But a Dream”

Foto: arkiv perosnal

Rosen Kukosharov merret me muzikë më shumë se 20 vjet. Ai këndon, shkruan tekste për interpretues të ndryshëm bullgarë, punon me emra të njohur të muzikës bullgare pop, si Lili Ivanova, Maria Ilieva, Orlin Pavllov etj. Ai ka pasur mundësinë të jetë në një skenë me Jamiroquai dhe Freestyl. Rosen tashmë ka disa këngë të veta, të cilat i sollën atij katër çmime nga konkursi për interpretues bullgar pop e rock të BNR-së “Prolet” /“Pranvera”/. Që tani, gjatë vjeshtës u përhap në tregun muzikor albumi i parë i muzikantit “But a Dream” /“Thjeshtë një ëndërr”/.

Këto janë këngë, të cilat i kam grumbulluar në vazhdim të shumë viteve dhe që tani arrita t’i realizoja. Stili i disa prej tyre ishte i ndryshuar pak a shumë. Sigurisht që në album ka dhe kompozime të reja të krijuara posaçërisht për të. Në “But a Dream” kam vërë theksin te muzika xhaz, ka dhe shumë improvizime, gjë për të cilën kanë kontribut të gjithë muzikantët, me të cilët kam punuar. Për mua ky album është një rritje, një ëndërr e realizuar. Qëllimi im nuk ishte vetëm të kisha album, por për të treguar diçka të vlershme në të. Kisha dëshirë gjithashtu për të punuar me vëllain tim më të madh – Milen Kukosharov, i cili që prej kohe është i njohur në lëmin e muzikës xhaz.

Albumi “But a Dream” ka tetë kompozime origjinale të Rosen Kukosharovit. Përveç këngëve në anglisht, ai ka përfshirë dhe dy këngë në bullgarisht, të cilat kanë dekorata dhe janë transmetuar në eterin bullgar. Stili xhaz i albumit të Rosen Kukosharovit i detyrohet jo vetëm vëllait të tij, Milen Kukosharov, i cili është ndër pianistët më të njohur bullgar të xhazit, por edhe në saje të Dimitër Karamfillovit – kontrabas dhe të Vasill Vutevit – bateri, me të cilat i interpreton pjesët. Të gjitha këto tekste janë shkruar nga interpretuesit, ndërsa për orkestrimet ka kontribuuar shumë vëllai i tij.

Kënga, e cila ia jep emrin albumit “But a Dream” ka një tekst interesant. Në të ka “huazime” nga “Princi i Vogël”, “Piter Pan” dhe “Alisa në botën e çudirave”... Brenda ka stereotipa të fëmijës, që nuk do që të rritet, është treguar rezistenca e njeriut në rritjen e tij, qëllimi për ta ruajtur fëmijën në vetvete. Tema që po prek në tekst është se çfarë ndodhet me njeriun, kur ai tashmë nuk është i tillë siç ka qenë.

Ivan Boshev është njeriu i cili e ka incizuar albumin. Ai është gjithashtu dhe bashkëproducent me Milen Kukosharovin – motori kryesor i realizimit të tij.

Promovimi zyrtar i albumit ishte në Plovdiv para disa ditësh, në edicionin e pestë të Festivalit të Muzikës Xhaz. 

Përgatiti në shqip: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

"Gënjeshtra dhe të vërteta"

SLNG është një nga grupet që kontribuuan në muzikën moderne bullgare në fillim të mijëvjeçarit të ri. Pas vdekjes së frontmenit Dimi Ekimov, SLNG u kthye në një formacion të rinovuar - Vlladi Mihajllov, i njohur edhe si vokalist i grupit SAFO dhe..

botuar më 24-03-28 8.15.PD
Tatjana Llollova

Ditën Botërore të Teatrit e shënojmë me një vepër nga projekti “Artistë që këndojnë”

Për më shumë se gjashtë dekada, 27 mars shënohet si Dita Botërore e Teatrit. Kjo datë festohet me ngjarje të ndryshme kushtuar teatrit në mbarë botën, përfshirë edhe në vendin tonë. Data u zgjodh në vitin 1961 në Kongresin e IX-të të Institutit..

botuar më 24-03-27 8.15.PD

Dashuria e përbashkët dhe një këngë e re në një takim të duetit SHIK me publikun e Sofjes

Dueti SHIK ka një vend të rezervuar në zemrat e adhuruesve të muzikës së bukur me këngët e tyre melodike, shumë prej të cilave janë kthyer në hite. Autori i tyre është Krasimir Gjullmezov - një kompozitor, aranzhues, instrumentist dhe këngëtar i..

botuar më 24-03-26 8.15.PD