Presidenti Rumen Radev nuk ka thënë nëse dhe kur do të nënshkruajë dekretin për emërimin e Ivan Geshevit kryeprokuror të Bullgarisë. Të gjitha përgjigjet janë në Kushtetutë, tha Presidenti dhe premtoi se do ta zgjidhë kazusin brenda një afati të shkurtër. Nuk jam njeri i cili i zvarrit punët, shtoi Radev. Sa i përket zgjedhjes së diskutueshme të Kryeprokurorit Kryeministri Bojko Borisov komentoi se nuk ka hyrë në kurthin e opozitës për të propozuar kandidat të vet. E ndryshuam ligjin në mënyrë të tillë kështu qe prokurorët të zgjedhin prokurorin e tyre, ndërsa gjyqtarët të zgjedhin gjyqtarët.