„Pa tingull“ (Without Sound/Kamen Startchev) është emir i ekspozitës së piktorit Kamen Starçev në të cilën ai do të prezantojë vepra të krijuara në vitin 2019. Veprat janë në stilin karakteristik për krijuesin – grafika vektor/shtypje pigmenti mbi letër. Kamen Starçevi lindi në vitin 1971 në Sofje. Akademinë kombëtare e arteve figurative e mbaroi në klasën e skulptorit profesor Emill Popov. Biografia e tij krijuese përfshin shumë ekspozita në Evropë. Pronarë të veprave të tij janë Galeria Kombëtare e Arteve Figurative dhe Galeria e Arteve Figurative të Sofjes.

Ekspozita “Pa tingull” e cila hapet më 25 nëntor është kulmi i veprimtarive të cilat e vënë fillimin e Trianales së Tetë Ndërkombëtare të Grafikës në Sofje – 2019. Dhe kjo nuk është e rastit, sepse Kamen Starçevi është mbajtës i çmimit të madh të edicionit të mëparshëm të këtij aktiviteti. Trianalja e Grafikës është një forum krijues që organizohet që nga viti 1995. Kjo veprimtari pasqyron zhvillimin e grafikës në Bullgari dhe në botë. Organizator i këtij aktiviteti që do të zgjatet deri në fund të janarit 2020 është Lidhja e Piktorëve Bullgarë.