Radioja Kombëtare Bullgare © 2021 Të gjitha të drejtat janë të rezervuara

Takimi botëror i mediave bullgare vuri në rendin e ditës çështje kyçe për diasporën bullgare

Kryetari i Asociacionit të Mediave Bullgare nëpër Botë dhe drejtor i përgjithshëm i Agjencisë Telegrafike Bullgare Maksim Minçev mbylli zyrtarisht Takimin e 15-të Botëror të Mediave Bullgare, i cili u mbajt në Tiranë

Në më se 40 shtete nga Evropa, Amerika Veriore dhe Jugore botohen gazeta, revista dhe ueb sajte të cilët janë të orientuara ndaj diasporës bullgare. Përfaqësues të tyre bashkë me gazetarë nga Bullgaria, diskutuan në kryeqytetin e Shqipërisë Tiranë tema të interesit reciprok në kuadrin e Takimit të 15-të Botëror të Mediave Bullgare, organizuar nga Agjencia Telegrafike Bullgare.

Përmirësimi i imazhit të Bullgarisë në botë, ruajtja e gjuhës dhe kulturës bullgare dhe të ndjenjës së përkatësisë kombëtare janë pjesë përbërëse të misionit të mediave bullgare. Në takimin në Tiranë shkrimtari i njohur dhe aktivist shoqëror, akademik Anton Donçev komentoi, se është me rëndësi kultura e bashkisë, ndërsa kritiku letrar profesor Mihaill Nedellçev shtoi duke përhapur tezën, se është e domosdoshme të ndryshohen prioritetet e kombit.


Ndoshta detyra e re kombëtare e Bullgarisë është që të gjithë ne, bullgarët e ndarë kudo në botë dhe bullgarët në Bullgari, të jemi bashkë, pra rimëkëmbja e bashkisë kombëtare bullgare në të gjitha kufijtë e saj të mundshme dhe të pamundshme, ndoshta është detyra e re kombëtare.

Njerëzit që flasin gjuhën bullgare, bëhen gjithnjë e më pak, madje gjuha është treguesi kryesor për identifikim – tha artisti Vlladimir Penev gjatë një nga diskutimet në kuadrin e forumit në Tiranë, si ish ministër i kulturës (2013). Në fakt ky është një nga detyrat kryesore të mediave bullgare jashtë shtetit, pjesa dërmuese prej të cilave vështirë rezistojnë. Për këtë arsye edhe përfaqësuesit e tyre insistuan për përkrahje më aktive nga ana e shtetit. Ata përfituan nga takimi mediatik në kryeqytetin shqiptar për të shtruar probleme strategjike.

Radko Stojanoviç nga Bosilegrad citoi të dhënat zyrtare të shtetit serb, sipas të cilave pakica bullgare në Serbi nga 80 000 u ul në 15 500 veta.

Deri tashti nuk kam dëgjuar nga aktivistë shoqëror në Bullgari si do të duket ajo pas 10-15-20 vitesh, çfarë do të jetë popullsia atëherë - tha ai. – Tani Bullgaria kufizon me vetveten. Por njerëzit aty kemi lënë të jetojmë në varfëri dhe në mjerim dhe unë nuk shoh perspektivë. Dhe dëshiroj këtu t’u bëj apel mediave dhe aktivistëve shoqërorë të nxisin shtetin bullgar të hartojë një strategji për këtë se si do të duket Bullgaria pas 10, 15 ose 50 vitesh, por ajo të legalizohet në se është e domosdoshme me miratimin e ligjeve të reja, kështu që Bullgaria të ecë përpara.

Në takimin mediatik në Tiranë deputeti i shumicës në pushtet Toma Bikov, i cili është edhe anëtar i Komisionit për Kulturë dhe Media në Kuvendin Popullor, komentoi temën për diasporën bullgare ashtu:


Sipas meje, me prioritet është hapësira kulturore bullgare, e cila nuk është vetëm në kufijtë e Bullgarisë – ajo duhet të jetë unike, sidomos mbi çështje të rëndësishme siç janë për shembull arsimi i ri bullgar dhe mundësia që një pjesë prej bullgarëve të rikthehen. Problemet dhe nevojat e çdo vendi në të cilin jetojnë bullgarë duhet të shqyrtohen në specifikën e tyre.

Duke shikuar drejt takimeve të ardhshme botërore të mediave bullgare drejtori i përgjithshëm i Agjencisë Telegrafike Bullgare Maksim Minçev shpalli, se tashmë ka ftesa për mikpritjen e forumit nga Sllovakia, Kroacia, Suedia, Kanadaja, Argjentina, Qipro.

Për bashkëpunimin e mirë me Agjencinë Telegrafike Bullgare para Radio Bullgarisë foli Armela Krasniqi krye drejtoreshë e Agjencisë Telegrafike Shqiptare.

Ajo theksoi se me Agjencinë Telegrafike Bullgare mbajnë marrëdhënie të mrekullueshme profesionale, duke përfshirë dhe shkëmbimin e teknologjive të larta dhe të informacionit.

Përgatiti në shqip: Svetllana Dimitrova

Foto: BTA

Më shumë nga rubrika

Mësimi në distancë është problematik

Mësimi në distancë thellon pabarazitë arsimore, përkeqëson njohuritë e fëmijëve dhe kërcënon të rrisë numrin e nxënësve të cilët e braktisin shkollën. Kjo ndodhi pavarësisht përpjekjeve dhe përshtatjes së shpejtë të mësuesve, tregon një analizë e..

botuar më 21-07-23 1.10.MD

Çdo vit 30 000 bullgarë diagnostikohen me kancer

Gjatë pothuajse afro 2 vjetëve të fundit bota jeton me frikën, rreziqet dhe betejën kundër Covid-19 dhe sikurse në disa momente që të gjithë ne harruam për “betejat” e tjera shëndetësore të njerëzimit.  Sipas statistikës, gjatë vitit 2020, në..

botuar më 21-07-20 2.32.MD

Të rinjtë bullgarë do të bisedojnë me astronautët nga Stacioni Kozmik Ndërkombëtar

A e dini se Kozmosi ndryshon perceptimin tonë të shijes? Kurse lëvizja e kufizuar e kozmonautëve kërkon që ata të pranojnë ushqime të posaçme për sistemin e kockave dhe kalori të llogaritura me përpikëri për çdo një porcion. Si është jeta..

botuar më 21-07-19 7.15.PD