Bullgaria u përfshi në Iniciativën Civile Evropiane “Le t’i shpëtojmë bletët dhe bujqit”, e cila filloi më 25 nëntor. Nëpërmjet grumbullimit të së paku 1 mln nënshkrimeve fushata ka qëllim të shkaktojë ndryshime legjislative të nivelit evropian për ndalimin e pesticideve sintetike. Ngulet këmbë që gjatë vitit 2030 përdorimi i tyre në bujqësi të ndalohet 80 për qind, duke filluar me ato që janë më të rrezikshme, ndërsa gjatë vitit 2035 eksploatimi i tyre të ndalohet krejtësisht. Vetëm bujqësia e lirë nga pesticidet mund të sigurojë ushqimin për brezat e tanishëm dhe të ardhshëm dhe t’u përgjigjet sfidave, rrjedhim i ndryshimit të klimës, mendojnë organizatorët e iniciativës civile. Çdo vit te ne preparatet helmuese asgjësojnë dhjetëra mijë familje bletësh. Prandaj bletarët bullgarë shpresojnë të grumbullojnë minimum 15 mijë nënshkrime kundër përdorimit të pesticideve.