Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Premiera e shumëpritur e veprës “Të mjerët” në operën e Sofjes

Akademiku Pllamen Kartallov: “Jam i lumtur nga puna me artistët e mi të shkëlqyer”

Më 6 dhjetor në skenën e operës së Sofjes, për herë të parë tek ne do të prezantohet shfaqja muzikore “Të mjerët”. Historia emocionuese nga romani më i njohur i Viktor Hygoit është rikrijuar shumë herë në produkte teatrale, televizive dhe kinematografike. Libri është  shkruar në vitin 1862. Gjatë vitit 1978, kompozitori Claude-Michel Schönberg ka shkruar muzikë në bazë të romanit të Hygoit, e cila hyn në një  album, bashkë me vjersha të Alain Boublil. Më vonë të dy e përpunojnë konceptin e albumit në formën e një krijimi muzikor dhe skenik, i cili bëhet jashtëzakonisht i njohur. E quajnë shfaqja muzikore më e mirë e të gjitha kohërave. Shfaqja e parë e veprës “Të mjerët” është në Paris gjatë vitit 1980. Pasojnë shfaqje në Londër dhe Nju Jork, kurse ajo bëhet më e njohura për dhjetëvjeçarë të tërë me radhë. Paraqitja e saj në Bullgari është planifikuar relativisht vonë pas këtyre premierave, por janë të domosdoshme vite të tëra derisa të bëhet fakt.

Akademiku Pllamen Kartallov, drejtori i operës së Sofjes dhe regjisori i spektaklit tregon se çfarë është për të premiera e ardhshme:


Një ringjallje të një ideje, për realizimin e së cilës erdhi koha e saktë. Producenti Cameron Mackintosh i dha të drejtat akoma gjatë vitit 1987. Lidhëm marrëveshje dhe filluam dëgjimin e madh. U paraqitën mbi 200 këngëtarë nga e gjithë Bullgaria-këngëtarë të operës, të operetës, këngëtarë pop, aktorë të filmave dhe aktorë teatral. Zgjodhëm të dyja grupet, por nuk mundëm të gjejmë para për mikrofonat specialë. Sot tingëllon pak qesharake... Sikurse atëherë ne i dolëm përpara kohës. Dekada të tëra më vonë, mund të them se, jam shumë i lumtur nga puna me artistët e mi-këngëtari i muzikës pop Orlin Pavllov /në rolin e Zhaverit/, aktori dhe muzikant Vlladimir Mihajllov /në rolin e Zhan Valzhanit/ këngëtarja xhaz dhe pop Vesella Dellçeva /në rolin e Fantinit/, aktori Nikollaj Sotirov /në rolin e Peshkopit/, e reja e shkëlqyer dhe e talentuar Ani Vutova /në rolin e Kozetës/. Janë shumë... Në qoftë se unë vetë do të duhet të zgjedh një personazh, të cilin do të duhet ta luaj, mbase ky do të ishte Zhan Valzhani – një rol shumë emocionues. Pavarësisht se në punë si drejtor shpesh bëhem një Zhaver i vërtetë, i cili është shumë i përpiktë sa i përket disiplinës dhe ligjit...

Ja sesi këngëtari i njohur pop Orlin Pavllov e shikon pjesëmarrjen e vet në shfaqjen “Të mjerët”:


Një sfidë e madhe është të jesh në skenën e operës dhe të baletit të Sofjes. Për herë të parë punoj me maestro Kartallovin, në përgjithësi për herë të parë punoj me një regjisor të operës. Ky është produkti më i madh muzikor, të cilin mund ta shikojmë në Bullgari. Kaluam përmes një kastingu mjaft të rëndë, materiali për tu kënduar po kështu është i vështirë. Mendoj se, zgjedhja e të dyja grupeve është me të vërtetë e mirë dhe publiku do të ketë momente të shkëlqyera. Unë luaj Zhaverin dhe kjo është edhe një sfidë tjetër përpara meje. Zhaveri mendon, se ai është instanca kryesore, kryeprokurori dhe gjykatësi, një njeri i pashpirt, qëllimi i të cilit është të fusë rregulla dhe të ndjekë heroin Zhan Vallzhan. Ky është një anti-hero. Në një moment ai thyhet, sepse e shikon se ish i dënuari ka zemër, ka fisnikëri... Kjo e çorodit, e çekuilibron deri në shkallë të tillë se ai e vret veten. Detyra ime është të jem personazhi i errët, i keqi, i rrepti... Është shumë e vështirë, sepse unë nuk jam i tillë në jetë. Është shumë e dobishme puna ime me regjisorin Kartallov, me dirigjentin Igor Bogdanov, me Svetosllav Llazarovin, i cili punon mbi përgatitjen tonë muzikore, me të gjithë të cilët kontribuuan për realizimin e këtij spektakli të shumëpritur.

Interesi i publikut është shumë i madh, prandaj le të themi se gjatë muajit dhjetor do të shikojmë përgjithësisht 7 shfaqje të “Të mjerëve”, akoma gjashtë të tjera do të zhvillohen gjatë muajit të parë të vitit 2020.

Aktori dhe muzikant Vlladimir Mihajllov në rolin e Zhan Valzhanit

Përgatiti në shqip: Nataniela Vasileva

Foto: BGNES



Последвайте ни и в Google News Showcase, за да научите най-важното от деня!

Më shumë nga rubrika

Studioja vokale “Dëga” feston 30 vjetorin me një koncert

Studioja vokale "Dëga" (Ylber) do të mbajë një koncert festiv më 30 mars, kushtuar tre përvjetorëve të rrumbullakët - 30 vjet nga krijimi i formacionit, 40 vjet të veprimtarisë krijuese të Snezhana Polihronova - Kërnollski dhe 50 vjet të Shtëpisë së..

botuar më 24-03-29 8.25.PD

"Gënjeshtra dhe të vërteta"

SLNG është një nga grupet që kontribuuan në muzikën moderne bullgare në fillim të mijëvjeçarit të ri. Pas vdekjes së frontmenit Dimi Ekimov, SLNG u kthye në një formacion të rinovuar - Vlladi Mihajllov, i njohur edhe si vokalist i grupit SAFO dhe..

botuar më 24-03-28 8.15.PD
Tatjana Llollova

Ditën Botërore të Teatrit e shënojmë me një vepër nga projekti “Artistë që këndojnë”

Për më shumë se gjashtë dekada, 27 mars shënohet si Dita Botërore e Teatrit. Kjo datë festohet me ngjarje të ndryshme kushtuar teatrit në mbarë botën, përfshirë edhe në vendin tonë. Data u zgjodh në vitin 1961 në Kongresin e IX-të të Institutit..

botuar më 24-03-27 8.15.PD