Nën hijen e festave të fundvitit mbeti një ekspozitë interesante rregulluar në Galerinë e Arteve Figurative të qytetit të Sofjes. Në të prezantohet një galeri tjetër e cila nuk ekziston, por e cila ishte simbol i artit inovativ gjatë gjysmës së parë të shekullit XX. Kjo është e ashtuquajtura “Galeria e të gjashtëve”. Një pjesë prej ekspozitës iu kushtua përvjetorit të 120 të lindjes së piktorit të njohur Deçko Uzunov (1899-1986). Lidhur me këtë u prezantuan vepra të tij nga koleksionet e galerive të arteve figurative në qytetet Pllovdiv, Karllovo, Ruse, Stara Zagora, Pazarxhik dhe nga koleksione private. Ekspozita e cila mund të shihet deri më 16 shkurt përfshin edhe kritika për ekspozitat e tjera të rregulluara në “Galerinë e të gjashtëve”, si dhe vepra të krijuesve të kësaj galerie.