Gjatë vitit të kaluar, mes titujve të kërkuar më tepër  në Bibliotekën Regjionale në qytetin Dobriç janë “Ditari i Gregut” të Jeff Kinney, “Tregime” të Jordan Jovkovit  dhe “Princi dhe lypësi” të Mark Twainit. Sipas studimit të bërë nga instituti kulturor lexuesit më të moshuar më shpesh kanë zgjedhur krijime të shkrimtarëve Romain Gary, Michel Houellebec, Frédéric Beigbeder, Amélie Nothomb, Margaret Mazzantini, Haruki Murakami dhe autorë të tjerë  të letërsisë moderne. Nga shkrimtarët bullgarë më të preferuar janë Gjeorgji Gospodinov, Zahari Karabashliev, Zdravka Evtimova, Gjeorgji Bozhinov e të tjerë. Lexuesit më të rinj kanë zgjedhur më shpesh  “Gjyshja gango” të David Walliams, “Ky është sekret” të shkrimtarëve Ivajllo Dragiev dhe Hristijana Peneva, “Top misteret e Bullgarisë” nga Sllavi Panajotov. Biblioteka regjionale është depozita më e madhe e librave në krahinë dhe disponon më shumë se 400 000 botime, kurse në fillim të vitit 2020 e plotësoi fondin e vet me mbi 2400 tituj të rinj.