Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Bullgarët e vegjël në Ukrainë e presin pranverën me verore të qëndisura

Me dëshirë dhe me zell të madh bullgarët e vegjël punojnë simbolin e pranverës - veroret kuq e bardhë. Tradita të dhurojmë amulete të punuara bukur për shëndet ditën e parë të muajit mars është e gjallë mes bullgarëve pavarësisht se ku ndodhen ata nëpër botë.  

Çdo pranverë fëmijët nga shkolla bullgare e së dielës “Svetlina” /Drita/ në qytetin Zaporozhie - në Ukrainë, me padurim përgatiten për këtë festë të dashur për të mëdhenj e të vegjël - Festa e Gjyshe Martës.

Gjatë katër viteve të fundit me fëmijët punuam verore tradicionale - topa, xhufka, thekë të gjatë ose figurat antropomorfe të heronjve folklorik të quajtur Pizho dhe Penda - tregon pedagogjia e pikturimit dhe e punës së dorës Svetllana Balueva. - Vura re se, fëmijët në tërësi nuk interesohen shumë nga puna e dorës, prandaj vendosa të tërheq vëmendjen e tyre . Në grupin më të madh bullgar për qëndisje në Facebook më propozuan modele të shumta. Unë i kopjova dhe ua tregova fëmijëve. Kurse ata vet zgjodhën se cilat të punojnë në verore. Saktësuam që të gjitha pyetjet, folëm pak dhe për simbolikën dhe veçoritë e qëndistarisë bullgare”.

Veroret e mrekullueshme të punuara nga fëmijët do të zbukurojnë dhomën e mësimit, kurse çdo fëmijë do të tregojë se çfarë simbolizon verorja e tij, çfarë përbën dhe si është punuar. Të tjerët do të vlerësojnë dhe krijimet më të mira dhe të bukura do të marrin dekorata-një kompletë për të qëndisur, penj, bonbone si dhe ëmbëlsira të tjera.  

“Përveç kësaj i luta njerëzit të cilët kanë këmisha tradicionale bullgare dhe shami të qëndisura, ti sjellin. Do ti përfshijmë në ekspozitë, do ti krahasojmë me ato ukrainase. Këmishët kanë simbolikën e vet dhe një nga gratë, e cila i ka qëndisur do të tregojë për të më shumë. Përpara kësaj me fëmijët folëm për veshjet popullore bullgare, ju tregova se çfarë lloji ka. Vet unë qëndis kukulla dhe madje krijove figura me kostume grash dhe burrash dhe ua tregova fëmijëve. U qe shumë interesante jo vetëm ti shikojnë, por dhe ti kapin me dorë” - thotë Svetllana Balueva.

Shkolla bullgare e së dielës “Svetlina” në qytetin Zaporozhie ekziston që nga viti 2015. Aktualisht aty mësojnë 132 fëmijë në moshë nga 3 deri në 18 vjeç kur bëhen kandidat-studentë. Republika e Bullgarisë ofron mundësi për marren e një arsimi të lartë falas në universitetet bullgare Në periudhën e viteve 2015-2019, këtu ka pasur 49 studentë.

Në të gjitha veprimtaritë që zhvillohen në shkollë edhe prindërit  marrin pjesë aktive, sepse për përvetësim më të mirë të programit fëmijët arsimohen bashkë me ta. Në këtë mënyrë nxënësit ndihen më të përgatitur dhe me një kurajë më të madhe në klasë, kurse në shtëpi u është më lehtë të mund të mësojnë. Dhe jo vetëm kaq:

Në Zaporozhie ka një bashkësi bullgare, por fëmijët rrallë shkojnë në takime aty. Një komunikim i tillë, gjatë të cilit fëmijët dhe të moshuarit të jenë bashkë, ka tek ne-këtu mësojmë gjuhën, këtu komunikojmë, këtu mbretëron një frymë të interesit ndaj çdo gjëje të re. Ne jo vetëm se i shënojmë festat bullgare, por dhe u tregojmë për to, mësohemi ti kuptojmë, sepse kultura ukrainase ndikon mbi ne mjaft fortë - shënon Svetllana Balueva. Por, rrënjët e paraardhësve tanë i detyrojnë fëmijët të ndiejnë lidhjen me mëmëdheun e tyre të largët, të mos shkëputen prej tij. Po, ne me të vërtetë jemi qytetarë të Ukrainës, por pavarësisht nga kjo në trupin tonë rrjedh dhe një gjak tjetër, gjaku bullgar, dhe ne nuk duhet të harrojmë për të.”

Përgatiti në shqip: Nataniela Vasileva

Foto: arkiv personal



Последвайте ни и в Google News Showcase, за да научите най-важното от деня!

Më shumë nga rubrika

Doc. Iskren Ivanov

Doc. Iskren Ivanov: Bankierët kanë frikë se do të shpallen emrat e evropianëve me ndikim që ndihmuan dhe po e ndihmojnë Moskën

Një konsensus parimor se si të ndihmohet Ukraina për të blerë armë dhe municione - kjo është ajo që liderët evropianë arritën në Këshillin e fundit Evropian. Ose paratë të vijnë nga të ardhurat e grumbulluara nga asetet ruse të “ngrira” për..

botuar më 24-03-27 7.55.MD

Qeveria ndau fonde për komunitetet bullgare në regjion

Këshilli i Ministrave miratoi dhe ndau fonde deri në 2 100 000 leva në kuadër të Programit për të mbështetur organizatat e komuniteteve bullgare në Shqipëri, Serbi, Kasovë, Ukrainë dhe Moldavi dhe për qytetarët e Republikës së Maqedonisë së Veriut..

botuar më 24-03-27 4.49.MD

Bullgarët janë të shqetësuar për gjëra më të rëndësishme sesa kriza politike

Për 2/3 e bullgarëve, problemet më të rëndësishme janë "papunësia" - 39 për qind dhe kostoja e jetesës - 26 për qind, sipas një sondazhi përfaqësues të Eurobarometrit nga shkurti 2024. Për 28 për qind, kujdesi shëndetësor është shqetësimi tjetër më..

botuar më 24-03-27 12.24.MD