Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Komisioni Evropian na sfidon të përfshihemi në luftimin e dezinformatës për Covid-19

Foto: EPA/BGNES

Numri i lajmeve të rreme për epideminë e koronavirusit kohët e fundit përhapen me shpejtësi online. Këtë e theksoi në një apel video drejtuar shtetasve evropianë presidentja e Komisionit Evropian Ursula von der Leyen. Ajo theksoi, se “vala e informacionit jo të saktë ose dezinformatës po zmadhohet mbi bazën e pasigurisë, shqetësimit dhe informacionit që ndryshohet shpejt”. Për këtë arsye ajo bëri thirrje për bashkëpunim në luftimin e kësaj tendence negative.

“Shqetësohem, se informacioni jo i saktë mund t’u dëmtojë njerëzve. Si shembull mund të marrim thënien se pirja e zbardhuesit e vret virusin, por një akt i tillë mund të vrasë njeriun. Kështu shfrytëzohen frikët e njerëzve për të fituar para duke u shitur sapun të shtrenjtë i cili gjoja e vretmikrobin e koronavirusit. Të gjithë kësaj duhet t’i jepet fund!”

Në internet dhe në rrjetet sociale përhapen një sërë informatash të rreme si ajo se vetëm të moshuarit sëmuren nga koronavirusi, ose se mungon solidaritet evropian për luftimin e krizës. Për të kundërshtuar me sukses numrin e madh të lajmeve të rreme institucionet evropiane filluan të bashkëpunojnë me platforma online të cilat inkurajohen të popullarizojnë burimet e sakta kështu që njerëzit të mos gjejnë në hapësirën online përmbajtjen jo të saktë. Shfrytëzoni për informim media me autoritet të cilat meritojnë besim, bëjnë thirrje nga Komisioni Evropian.

“Mediat sociale duhet të verifikojnë faktet kështu që të hiqen thëniet e rrezikshme. Do të vazhdojmë të kontrollojmë hapat e ndërmarra nga platformat”, thekson presidentja e Komisionit Evropian Ursula von der Leyen.

I prirë nga dëshira të ndihmojë shtetasit të verifikojnë faktet, Komisioni Evropian hapi një degë speciale në uebsajtin e vet “Luftimi i dezinformatës” https://ec.europa.eu/info/live-work-travel-eu/health/coronavirus-response/fighting-disinformation_bg, ku secili mund të gjejë informacionin dhe faktet për të cilët interesohet.

Ndër burimet e besueshme të informacionit për Covid-19 Komisioni Evropian këshillon të ndiqen këshillat e organeve të mbrojtjes shëndetësore në çdo vend anëtar të BE-së dhe të shfrytëzohet informacioni nga ueb sajtet e organizatave përkatëse evropiane dhe botërore, siç janë ato të Qendrës Evropiane për Profilaktikë dhe Kontroll të Sëmundjeve dhe të Organizatës Botërore të Shëndetësisë.

Shtetasit mund të japin kontributin e tyre në luftimin e dezinformatës duke mos përhapur informacion të pa verifikuar, botuar dhe përhapur nga burime të dyshimta. Në kohën e pandemisë globale jeta e shumë njerëzve varet nga informacioni i saktë dhe me kohë.

Unitet. Kjo është një nga fjalët më të shfrytëzuara nga institucionet evropiane kohët e fundit. Bashkitë, regjionet dhe shtetet e veçanta kanë detyrën të sigurojnë shërbim mjekësor dhe të kujdesen për më të dobëtit dhe më të prekurit ndër nesh. Bashkia akademike dhe shkencore, sektori privat, BE dhe institucione të tjera regjionale dhe ndërkombëtare gjithashtu kanë përgjegjësitë dhe funksionet e tyre. Por në fund të fundit efikasiteti i përgjegjës globale kundër pandemisë dhe kundër dezinformatës për Covid-19 kërkojnë besim dhe ndihmë reciproke. Së bashku mund të ndalim këtë.

Përgatiti në shqip: Svetllana Dimitrova



Последвайте ни и в Google News Showcase, за да научите най-важното от деня!

Më shumë nga rubrika

Festa hebraike Pesah fillon më 22 prill

Pas perëndimit të diellit (ora 17) më 22 prill, fillon Pesah - një nga tre festat më të mëdha për hebrenjtë. Si datë dhe ditë, festa është e ndryshueshme dhe ndodh pas ditës së 14-të të muajit pranveror të Nisanit, duke filluar pas ekuinoksit..

botuar më 24-04-22 8.49.PD

"Kapakë për të ardhmen" me një promovim pranveror për blerjen e pajisjeve për repartet e fëmijëve dhe neonatologjisë

Nisma për mbledhjen e kapakëve prej plastmase e njohur si "Kapakë për të ardhmen" vazhdon të gjenerojë energji pozitive. Prej disa vitesh ajo ka treguar se si një produkt i mbeturinave si kapakët e shisheve plastike mund të bëhet simbol i së..

botuar më 24-04-21 6.30.PD

Bukuria e fizikës prezantohet me ditë të dyerve të hapura në Fakultetin e Fizikës të Universitetit të Sofjes

Fizikë argëtuese me eksperimente nga të gjitha fushat e fizikës, demonstrime të metodave për kërkimin e botëve të reja në hapësirë, kushtet e nevojshme për të quajtur një planet "binjaku i Tokës", një takim me kërkuesit bullgarë të ekzoplaneteve..

botuar më 24-04-20 8.40.PD