Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

“Kërko thesarin“ në Sofje

4
Urdhri „Kalorësi i Madarës“ shkalla e 1

Jeta në Bullgari pak nga pak po normalizohet. Pas izolimit të gjatë njerëzit po e shfrytëzojnë motin e mirë, në mënyrë që të kalojnë më shumë kohë jashtë. Kurse që nga 15 maji deri më 15 qershor do të mund  të gërshetojnë shëtitjen e këndshme në pjesën qendrore të Sofjes me pjesëmarrje në lojën “Kërko thesarin”. Qëllimi i saj është të popullarizojë vende, persona dhe ngjarje të lidhura me historinë e Bullgarisë, si dhe urdhrat dhe medaljet si një mjet vlerësimi publik për njerëzit e merituar. 20 “thesaret” të cilat duhet t’i gjejnë entuziastët, janë kontejnerë me çmime të përcaktuara në periudhën që nga viti 1945 deri në vitin 1991.

“Arsyeja për të zgjedhur këtë periudhë është se atëherë janë krijuar dhe shpërndarë më shumë urdhra dhe medalje - sqaron Evgjenij Ivanov, një nga organizatorët. Ndër urdhrat janë “Kirill dhe Metodij”, “Republika Popullore e Bullgarisë”, i cili ka qenë një nga urdhrat më të lartë, “Medalje për mëmësi”, me të cilën janë dekoruar nënat të cilat kanë lindur, kanë rritur dhe edukuar 3 e më shumë fëmijë. Ky urdhër nuk merr pjesë në sistemin bashkëkohor të dekorimit. Është përfshirë një mori e madhe prej  urdhrave, të cilët u janë dhënë njerëzve me merita nga më të larmishmet dhe shpresojmë shumë se nëpërmjet lojës mund të mësojmë më shumë për sistemin e çmimeve bullgare.”

Kontejneri përmban po kështu dhe informatë se kur është vendosur dhe kur është revokuar çmimi, kush është autori i tij dhe një përshkrim të shkurtër se për çfarë meritash është dhënë. 25 pjesëmarrësit e parë  me më shumë thesare të zbuluara do të marrin një katalog “Tituj nderi, urdhra dhe medalje të Bullgarisë nga periudha 1944-2020”, si dhe urdhër ose medalje themeluar në periudhën që nga viti 1945 deri në 1985.

“Katalogu i jep një pamje të re sistemit bullgar të dekorimit, parakushteve për lindjen dhe zhvillimin e tij, ka dhe shembuj të patreguar deri në këtë moment. Më e rëndësishmja: sqaron se përse është dhënë çdo një urdhër, titull nderi ose medalje.

Është përfshirë një informacion dhe për përbërjen e metalit – diçka e cila nuk merr pjesë deri tani në asnjë katalog - thotë Evgjenij Ivanov dhe lë të kuptohet se dekoratat do të fshihen rreth vendeve të shënuara për historinë: Urdhri “Kirill dhe Metodij” do të jetë afër vendeve të lidhura me kulturën bullgare. Urdhrat dhe medaljet ushtarake - në afërsi me monumentet kombëtare. Ne i popullarizojmë këto vende dhe duam që njerëzit të mësojnë se çfarë qëllimi kanë urdhrat dhe medaljet dhe se për çfarë meritash jepen”.  

Urdhri „Republika Popullore e Bullgarisë“ shkalla e 2 me kutiA e njohin bullgarët historinë e vet ose duhet vazhdimisht të rikujtohet për vendet më të rëndësishme, për personalitetet dhe ngjarjet?

“Kam frikë se, historia bullgare interpretohet nga pikëpamja e politikës - mendon Evgjenij Ivanov. Historia nuk duhet të shikohet në mënyrë të njëanshme.Në çdo një etapë ka ngjarje, me të cilat mund të krenohemi. Dhe ne mundohemi të tregojmë pikërisht këtë: se ka njerëz, të cilët kanë merituar dhe kanë qenë të nderuar me çmime shtetërore. Ky është qëllimi i projektit të Bashkimit Evropian, në kuadrin e të cilit realizohet loja: t’u japim një mundësi më të gjerë qytetarëve të propozojnë personalitete për urdhra dhe medalje.Ka deficit në sistemin modern të dekorimit dhe detyra jonë është që të vëmë në dukje vendimet mundësisht më të mira.”

Organizatorët mbështeten tek vetëdija e pjesëmarrësve dhe saktësojnë se, personat nën moshën 18 vjeç duhet të jenë të shoqëruar nga prindërit e vet, sepse kontejnerët janë të fshehur në vende, të cilat kërkojnë praninë e njerëzve të mëdhenj. Është i nevojshëm dhe një regjistrim paraprak. Të gjitha kushtet mund të gjenden në faqen e lojës në Facebook:

Përgatiti në shqip: Nataniela Vasileva


Последвайте ни и в Google News Showcase, за да научите най-важното от деня!

Galeria

Më shumë nga rubrika

U dhanë çmimet vjetore teatrore “Ikarus”

Në Ditën Botërore të Teatrit - 27 mars, në një ceremoni në Teatrin Popullor "Ivan Vazov", u dhanë për të 50-tën herë çmimet e artit skenik "Ikarus". "Haga" u shpërblye për performancën më të mirë. Krijuar nga autorja ukrainase Sasha Denisova dhe..

botuar më 24-03-28 9.31.PD

"Nga gazeta në muze" - karikaturat nga socializmi, të mbledhura në një ekspozitë

Një përpjekje për të rikthyer zhanrin e karikaturave në kushtet e sistemit totalitar të qeverisjes në Bullgari midis viteve 1944 dhe 1989 po bën ekspozita “Nga gazeta në muze”, e cila për të pestin muaj tashmë po tërheq vizitorët në Muzeun e Artit nga..

botuar më 24-03-23 9.30.PD

“Sofia Film Fest” viziton sërish Varnën

Më 22 mars, me filmin bullgar "Kurthi", në kryeqytetin tonë detar Varna fillon edicioni i XV-të i "Sofia Film Fest", njoftojnë organizatorët nga "Artin Vision". Nga  22 deri më 30 mars, adhuruesit e artit kinematografik në Varna mund të shohin një..

botuar më 24-03-22 6.55.PD