Lehtësim i ri i masave kundër epidemisë
Që nga data 1 qershor në Bullgari lejohen vizitat në ambientet e mbyllura të restoranteve, restoranteve të ushqimit të shpejtë, pijetoreve, kafeneve, ëmbëltoreve. Lejohet gjithashtu përdorimi i pajisjeve sportive dhe i atyre për fëmijë në hapësirat e mbyllura. Është lejuar aksesi edhe tek sallat e argëtimit dhe të lojërave, me përjashtim të diskotekave, lokaleve të natës dhe piano-bareve. Më 1 qershor rivendosen edhe linjat e autobusëve deri në Greqi dhe Serbi. Më 1 qershor edhe Turqia hap për turistët pikëkalimet e saj në kufirin me Greqinë dhe Bullgarinë.
Pajisjet personale të sigurisë janë të detyrueshme për personelin e restoranteve
Pavarësisht nga urdhëresa e Ministrit të shëndetësisë Kirill Ananiev për mbajtjen e detyrueshme të maskave në vende publike në ambiente të mbyllura, për restorantet lejohen përjashtime. Kjo është shkruar në udhëzimet e shpallura sot për punën e restoranteve, hoteleve dhe bujtinave familjare. Rregullat e reja janë hartuar nga ministritë e turizmit dhe shëndetësisë. Tryezat detyrimisht duhet të ndodhen në distancë mes njëra-tjetrës të paktën 1,5 m. dhe së bashku në to mund të ulen jo më shumë se katër veta (më shumë njerëz mund të qëndrojnë në një vend vetëm në se janë prej një familjeje). Personeli, ndryshe nga klientët, detyrimisht duhet të mbajnë maska apo helmeta. Ata duhet të mbajnë dhe doreza dhe të dezinfektojnë tavolinat dhe karriget pas çdo një klienti.
Koronavirusi ndryshoi një traditë 144-vjeçare bullgare
Për herë të parë në historinë 144-vjeçare të kremtimit të Ditës së Revolucionarit Hristo Botev dhe të të Vdekurve për Lirinë dhe Pavarësinë e Bullgarisë të gjitha aktivitetet e lidhura me të u anuluan për shkak të koronavirusit. Më 1 qershor në qytetin Vraca nuk do të organizohet mitingu tradicional me fishekzjarrë për nder të poetit revolucionar Hristo Botev dhe çetës së tij. Kryetari i Bashkisë së qytetit Vraca Kalin Kamenov ftoi njerëzit që dëshirojnë të respektojnë sakrificën e Botevit dhe të çetës së tij të xhirojnë një video me vjershë të poetit Hristo Botev, ose të tregojnë ndonjë kujtim nga marshimi tradicional nga Kozlloduj deri në majën Okollçica duke e botuar atë në # “Ditë të Botevit 2020”.
Nuk ka të vdekur nga Covid-19 gjatë 24 orëve të fundit
Gjatë 24 orëve të fundit në Bullgari janë konstatuar 6 raste të reja të të infektuarve me koronavirus. Tre prej këtyre personave janë hospitalizuar. Nuk ka njerëz të vdekur me Covid-19. Numri total i rasteve të konfirmuara të koronavirusit në Bullgari është 2519.
Biznesi bullgar insiston për legjislacion të posaçëm dhe algoritëm veprimi në raste krizash
Asociacioni i kapitalit industrial në Bullgari insiston për zhvillimin e një debati të gjerë dhe jo të politizuar në shoqëri dhe për hartimin e legjislacionit dhe algoritmit të veprimit në raste të krizave të ardhshme me përmasat e asaj të Covid-19. Sipas industrialistëve në rast të një vale tjetër të epidemisë duhet të ketë parashikueshmëri, në mënyrë që të evitohen pasojat jo të favorshme. Ka nevojë dhe për caktimin e prioriteteve për zhvillim në kushtet e mjedisit të ri global social, politik dhe ekonomik. Arsyeja për këtë kërkesë është propozimi i Komisionit Evropian për plan me përmasa të mëdha për rimëkëmbje “të qëndrueshme, të bashkërenditur dhe të drejtë për të gjitha shtetet-anëtare” me buxhet prej 1,85 trilionë eurosh.
Filloi stina e re verore turistike në Bullgari
Me çeljen e stinës verore turistike më 1 qershor Bullgaria pret turistë nga 29 shtete, bëri të ditur Ministria e Turizmit. Shtetasit e Austrisë, Vendeve të Ulëta, Gjermanisë, Polonisë, Greqisë, Danimarkës, Rumanisë, Estonisë, Sllovakisë, Sllovenisë, Hungarisë, Finlandës, Qipros, Francës, Letonisë, Kroacisë, Lituanisë, Çekisë, Luksemburgut, Islandës, Norvegjisë, Lihtenshtajnit, Zvicrës, San Marinos, Andorës, Monakos, Vatikanit, Serbisë dhe të Maqedonisë së Veriut mund të hyjnë përmes të gjitha pikëkalimeve të vendit pa u vendosur në karantinë. Lista e vendeve do të ndryshojë në varësi të zhvillimit të gjendjes epidemike dhe vendimeve të qeverisë.
Autostrada deri në Serbi duhet të jetë e gatshme deri në fund të vitit
Pavarësisht nga vështirësitë e lidhura me epideminë e Covod-19, do të vazhdojë realizimi i autostradës “Evropa” dhe i gazsjellësit “Rryma Ballkanike”, janë të bindur Presidenti serb Aleksandër Vuçiç dhe Kryeministri Bojko Borisov. Autostrada jo vetëm se do të lehtësojë udhëtimin mes Bullgarisë dhe Serbisë, por është me rëndësi kyçe për këmbimin e mallrave mes Evropës dhe Azisë. Presim që autostrada të jetë e gatshme deri në fund të vitit, tha Borisovi. Së bashku ata inspektuan ndërtimin e gazsjellësit “Rryma Ballkanike”. Gjatësia e tij është 474 km.
Gjithçka më të rëndësishme për COVID-19 në shqip mund të lexoni në seksionin tonë të posaçëm për koronavirusin.
Mund të gjeni informacion aktual për koronavirusin dhe masat në Bullgari në akoma 9 gjuhë në ueb sajtin e Radio Bullgarisë.
Gjatë 24 orëve të ardhshme do të mbajë mot i vranët me reshje shiu në pjesën lindore të vendit. Vende-vende reshjet do të jenë intensive dhe të konsiderueshme në sasi. Në gjysmën perëndimore vranësitë do të çahen dhe do të zvogëlohen, gjatë ditës do..
Ushtruesi i detyrës së ministrit të punëve të jashtme, Stefan Dimitrov ka deklaruar se do të qëndrojë në detyrë derisa të ketë dekret presidencial për lirimin e tij. Kujtojmë se zëvendësimin e tij e ka kërkuar ministri në detyrë Dimitër Gllavçev një..
Nga tetori i vitit 2023 e deri më tani, më shumë se 2 milionë zogj - pula vezore - janë shkatërruar për shkak të shpërthimeve të gripit të shpendëve në Bullgari. Mbi 40% prej tyre janë prekur nga kjo sëmundje. Ivajllo Gëllëbov, kryetar i Unionit të..
Më 18 prill festojmë Ditën Botërore të Radio Amatorëve. Në këtë datë në vitin 1925, u themelua Organizata Ndërkombëtare e Radio Amatorëve IARU. Në..
Ambasadori i Iranit në Bullgari, Alireza Irvash, u thirr në një takim në Ministrinë e Punëve të Jashtme më 16 prill 2024 për shkak të sulmit të Iranit ndaj..
Për herë të parë në Bullgari afër Sandanskit (Bullgaria Jugperëndimore) mbollën një plantacion me 22 hektarë fëstëkë të Damaskut. Investimi i..