Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Lagja artistike e Plovdivit Kapana nis të gjallërohet përsëri

Foto: Facebook /Kapana Fest Bazar

Pandemia e Covid-19 dhe kufizimet kundër epidemisë ndikuan negativisht shumë ngjarje kulturore, të planifikuara muaj të tërë më parë.Shumë evente u anuluan, të tjera – u shtynë për pjesën e dytë të vitit me shpresën se atëherë jeta do të vazhdojë të ndjekë ritmin e vet të zakonshëm. Por ka dhe njerëz, të cilët nuk kanë durim dhe tashmë guxojnë të organizojnë aktivitete të dryshme.

Pavarësisht se gjendja e jashtëzakonshme epidemike vazhdon deri në fundin e muajit qershor, organizatori i “Kapana Fest” në Plovdiv është i qetë për zhvillimin sa më të mbarë të një ngjarjeje tjetër të parapëlqyer nga qytetarët dhe miqtë e Plovdivit. Bëhet fjalë për pazarin e sendeve të artit, ku “aktorët kryesorë” janë zanatçinjtë e Bullgarisë. Sipas Nikolla Sivkovit nuk do të ketë pengesa për zhvillimin e tij në periudhën 18-21 qershor, sepse:


Tregu gjithmonë organizohet në mënyrë, e cila u përgjigjet masave kundër epidemisë. Gjithmonë respektojmë higjienën e duhur dhe ambientet dezinfektohen para ardhjes së qiramarrësve. Objektet janë të ndara nga njëra-tjetra dhe në këtë mënyrë respektojmë distancën sociale. Klientët do të mbajnë distancën e duhur dhe nuk do të lejojmë grumbullimin në një vend të shumë njerëzve. Në secilën stendë janë siguruar dezinfektues dhe doreza, kurse shitësit do të mbajnë maska”.

Theksat në katër ditët të pazarit do të jenë veprat e 80 autorëve bullgarë, imagjinata e të cilëve nuk njeh kufi. Stolisje të punuara me dorë, lojëra tavoline, suvenire, libra, kombinime mbresëlënëse të shijeve të ushqimeve dhe pijeve të pazakonshme janë vetëm disa nga gjërat, të cilët do të tërheqin vëmendjen e vizituesve të lagjes.

Ekspozita fotografike “Copë toke” e Johana Trajanova do të provokojë njerëzit që të shikojnë natyrën me sy të tjerë, të ndiejnë njëkohësisht forcën dhe brishtësinë  e saj. Për këtë do të ndihmojë përzierja e vizionit dhe tingullit nën një kube druri në Stadiumin Romak të qytetit.

Adhuruesit e pllakave të gramafonit gjithashtu do të gjejnë vendin e vet në treg në stendën e posaçme muzikore. Aty mund të gjejnë seleksionim interesant të muzikës së viteve 60-90-të të shekullit të kaluar, të zgjedhur nga DJ Stefan Kolev – Skill.


Duke folur për “Kapana Fest” – festivali më i madh i qytetit të Plovdivit, ai di të zhvillohet në mes të verës, në gusht.

“Në shtator, kur zakonisht organizojmë festivalin, shpesh kemi punuar në stuhi shiu – tha Sivkov. – Gushti është muaji, në të cilin moti bëhet më i mirë, sepse korriku është muaji më i ngrohtë. Përveç kësaj në gusht zakonisht nuk ka ngjarje kulturore, kurse në shtator programi kulturor është plot. Ky do të jetë edicioni i dhjetë i festivalit, prandaj do t’u tregojmë njerëzve si dukej festivali në edicionin e vet të parë. Njëra nga skenat do të duket në të njëjtën mënyrë siç dukej para dhjetë vjetësh. Po përgatitim dhe skenat e tjera”.

Përgatiti në shqip: Jordanka Ivanova



Последвайте ни и в Google News Showcase, за да научите най-важното от деня!

Më shumë nga rubrika

U dhanë çmimet vjetore teatrore “Ikarus”

Në Ditën Botërore të Teatrit - 27 mars, në një ceremoni në Teatrin Popullor "Ivan Vazov", u dhanë për të 50-tën herë çmimet e artit skenik "Ikarus". "Haga" u shpërblye për performancën më të mirë. Krijuar nga autorja ukrainase Sasha Denisova dhe..

botuar më 24-03-28 9.31.PD

"Nga gazeta në muze" - karikaturat nga socializmi, të mbledhura në një ekspozitë

Një përpjekje për të rikthyer zhanrin e karikaturave në kushtet e sistemit totalitar të qeverisjes në Bullgari midis viteve 1944 dhe 1989 po bën ekspozita “Nga gazeta në muze”, e cila për të pestin muaj tashmë po tërheq vizitorët në Muzeun e Artit nga..

botuar më 24-03-23 9.30.PD

“Sofia Film Fest” viziton sërish Varnën

Më 22 mars, me filmin bullgar "Kurthi", në kryeqytetin tonë detar Varna fillon edicioni i XV-të i "Sofia Film Fest", njoftojnë organizatorët nga "Artin Vision". Nga  22 deri më 30 mars, adhuruesit e artit kinematografik në Varna mund të shohin një..

botuar më 24-03-22 6.55.PD