Bullgarë nga Maqedonia e Veriut ngritën padi kundër Agjencisë për Bullgarët jashtë Shtetit, bëri të ditur BGNES. Arsyeja për këtë është se institucioni, i cili përgjigjet për diasporat bullgare jashtë vendit, refuzon të lëshojë certifikata për prejardhje bullgare.

Të prekurit apelojnë politikën e re të Agjencisë që të mos i njohë dokumentet e Peshkopatës Bullgare dhe të statistikës së botuar në vitin 1900 nga Shoqata Letrare Bullgare (sot Akademia Bullgare e Shkencave). Në regjistrimin e bullgarëve në krahinën e Maqedonisë të bërë nga akademiku Vasill Kënçov janë numëruar të gjitha familjet bullgare në këtë krahinë, që asokohe ka qenë në kuadrin e Perandorisë Osmane.