Radioja Kombëtare Bullgare © 2021 Të gjitha të drejtat janë të rezervuara

A nisi me sukses stina verore nëpër det?

Foto: Krasimir Martinov

Pandemia nga Covid-19 doli e pamëshirshme ndaj sektorëve të shumtë në ekonominë e Bullgarisë, në këtë numër dhe ndaj turizmit veror. Jemi mësuar që muajt korrik dhe gusht t’i vëmë në “kulmin” e sezonit dhe kjo me të vërtetë qe kështu. Por deri tani! “Në sajë të korona-krizës, tanimë po llogarisim një kulm, por në uljen e numrit të pushuesve nëpër bregdetin bullgar të Detit të Zi.

Një vërejtje e reporterëve të ekipit tonë  nga ditët e para të muajit korrik saktësoi se, vendpushimet më të mëdha, më të shtrenjta dhe më elitare, në fakt  janë dhe më të cenuara nga korona-kriza. Në shumë vende aty, komplekse hotelesh të mëdha me katër dhe pesë yje u përngjajnë “qyteteve fantazmë”. Dhe përkundrazi - në vendet më të vogla dhe më të arritshme për turistin në masë, stina filloi të grumbullojë shpejtësi.

Në vendpushimin më të madh detar bullgar Sllënçev Brjag punojnë mezi rreth 40 hotele. Në të respektohen në mënyrë të përpiktë normat higjienike , por në pjesën më të madhe të rasteve personeli është më shumë sesa është numri i pushuesve, dëshmon korrespondenti i Radios Kombëtare Bullgare në qytetin Burgas Daniella Kostadinova. Karrige plazhi bosh, rrugica bosh, kolona prej taksive presin me orë të tëra , kurse nganjëherë dhe me ditë klientët e vet.

“Gjendja është e mjerueshme. Nuk ka klientë, nuk ka turistë , nuk ka asgjë - thonë shoferët e taksive. Mbase gjatë ditëve të ardhshme do të vijnë dhe më shumë të huaj, por ndaj momentit ata janë pak. Për një muaj si korriku kjo është asgjë. Kemi marrë masa kundra koronavirusit-lajmë vazhdimisht duart, mbajmë maska. Dhe presim klientë”.

Mezi midis 8 dhe 10 fluturime të çarterit në ditë regjistrohen në Aeroportin e Burgasit  në sfondin e 50 në ditë gjatë viteve të mëparshme. “Turizmi është mes degëve, të cilat Covid-kriza  preku më fortë. Ky është dhe sektori i cili do të rivendoset më me ngadalë” - komenton përpara Radios Kombëtare Bullgare Konstantin Zankov ekspert në Institutin për Analiza dhe Vlerësime në Turizëm .

“Po vëmë re rënie të mëdha dhe fluturime të anuluara. Shtete kyçe për turizmin në Bullgari dhe nëpër botë i mbyllën pothuajse krejtësisht kufijtë e veta për turizmin jashtë. Rusia është një prej tyre. Kurse ajo gjeneron  fluksin kryesor turistik. Situata është  dinamike dhe shumë ndryshuese. Por njerëzit nuk duhet të pushojnë të udhëtojnë. Duket se dhe në të ardhme do të mësohemi të jetojmë me Covid realitetin. Thjesht duhet të jemi të kujdesshëm në lidhje me rreziqet dhe t’i drejtojmë saktë.”


Interesi i konsumatorëve gjatë kësaj vere është i ridrejtuar drejt destinacioneve më pak të njohura, drejt shtëpive për miq dhe hoteleve të vogla - komenton akoma Konstantin Zankov. Kurse kohët e fundit një hov i stinës janë kampingjet. Nëpër bregdetin tonë jugor të Detit të Zi ato janë pothuajse plot - tregon Elena Dimitrova nga Radioja Kombëtare Bullgare - Burgas. Dhe kjo është fare e natyrshme, duke pasur parasysh veçimin, të cilën e propozon kjo formë e pushimit veror. Mbi 10% më shumë janë pushuesit në krahasim me vitin e mëparshëm, konstaton Elena Pinellova menaxhere e njërit prej kampingjeve më të preferuar tek ne “Gradina”:

Mes turistëve tradicional të bregdetit verior të Detit të Zi janë rumunët. Daniella Stojnova bisedon me Kantimiro Tullçën, një adhurues të bregdetit bullgar.

“Këtu më pëlqen jashtë mase. Unë vij këtu çdo vit. Erdha për katër ditë. Do të jem këtu deri ditën e premte. Më pëlqen Deti i Zi, klima është shumë e mirë. Dhe Bullgaria është shumë e bukur!”

Përpilues: Krasimir Martinov

Përgatiti në shqip: Nataniela Vasileva

Foto: Krasimir Martinov, campinggradina.com

Më shumë nga rubrika

Shpella “Dobrostanski Biser” pret vizituesit e saj të parë këtë stinë

Një nga shpellat më tërheqëse në Bullgari që ndodhet afër Asenovgradit do të hapet më 1 maj. Me rastin e fillimit të stinës së re turistike, 10 turistët e parë do të kenë mundësi ta vizitojnë falas. U njoftua se nuk do të lejohet hyrja..

botuar më 21-04-30 7.25.PD

Festat e Pashkëve – një gllënjkë ajër për hotelierët në qytetet Sandanski dhe Velingrad

Vendpushimet SPA në qytetet Sandanski dhe Velingrad presin që të jenë plotë  në periudhën e festave të Pashkës dhe  të Shën Gjergjit. Pronarët e hoteleve vendase dhe lokalet i respektojnë rekomandimet shëndetësore, lidhur me koronavirusin, kurse çmimet..

botuar më 21-04-28 2.57.MD

Kuadrot në turizëm – një nga problemet në këtë degë

Pandemia Covid-19 e shndërroi turizmin në një nga viktimat e saj më të mëdha, duke u përballur me një sërë problemesh të punësuarit në sektor. Ato lidhen si me pasigurinë nëse hotelierët do të kenë sezon të plotë veror dhe dimëror, ashtu dhe me..

botuar më 21-04-27 11.02.PD