Shkollat janë gati për punë në kushtet e Covid-19

Të gjitha shkollat në vend janë gati për fillimin e vitit të ri shkollor më 15 shtator në kushtet e gjendjes së jashtëzakonshme epidemike. Këtë e deklaroi gjatë hapjes së vitit të ri akademik të Universitetit të Trakisë në Stara Zagora Ministri i Arsimit Krasimir Vëllçev. Rreth 300 nga gjithsej 700 000 nxënësit në vend do ta fillojnë vitin e ri shkollor në shtëpi. Ata do të mësohen sipas një forme të posaçme për mësim në distancë, ndërsa mbetja e tyre në shtëpi është për shkak të rreziqeve të mundshme për gjendjen e tyre shëndetësore, bëri të ditur BNR-Stara Zagora.

Prindërit protestuan kundër maskave në shkollë

Para Ministrisë së Arsimit në Sofje sot u mbajt një protestë e prindërve të pakënaqur për shkak të mbajtjes së detyrueshme të maskave nga nxënësit në ambientet e mbyllura në shkollë, me përjashtim të dhomave të klasës, ku nxënësi mund të vendosë nëse të përdorë maskë apo jo. Sipas protestuesve mbajtja e maskave nuk duhet të jetë e detyrueshme, por e rekomandueshme, njoftojnë reporterët e BNR-së.

Masa 60/40 për shkak të Covid-19 do të vazhdojë edhe pas 1 tetorit

Masa 60/40 do të vazhdojë edhe pas 1 tetorit, por me kushte të ndryshuara. Këtë e deklaroi Ministrja e Punës dhe Politikës Sociale Denica Saçeva para biznesit dhe sindikatave, njoftoi reporterja Cetelina Saçeva. Sipas masës 60/40 shteti paguan 60% të pagave të punonjësve në firmat që janë më të prekura nga pandemia e koronavirusit, ndërsa 40% paguhen nga punëdhënësi. Vasil Velev nga Asociacioni i Kapitalit Industrial në Bullgari këmbënguli që shtetit të miratojë një legjislacion, i cili të veprojë në rast gjendjeje të jashtëzakonshme, siç është situata tani për shkak të Covid-19.

2.9% janë rastet e Covid-19 të zbuluara gjatë 24 orëve të fundit

27 janë të infektuarit me koronavirus në vend gjatë 24 orëve të fundit. Kjo përbën 2.9 për qind nga 927 PSR testet e realizuara. Këtë e tregojnë të dhënat e Portalit Unik Informativ. Gjatë 24 orëve vdiqën 3 veta, ndërsa 9 u shëruan. Kështu numri i përgjithshëm i të vdekurve që nga fillimi i pandemisë bëhet 720, ndërsa i të shëruarve – 12 767. Rastet aktive janë 4431. Në spital ndodhen 740 veta, prej tyre 53 – në repartet intensive.

Për shkak të pandemisë po vazhdon ulja e importit dhe eksportit bullgar

Po bien importi dhe eksporti bullgar muajin e radhës, tregon Instituti Kombëtar i Statistikave . Për shkak të pandemisë gjatë korrikut eksporti bullgar u ul 10.7 për qind në krahasim me të njëjtin muaji një vit më parë. U ul edhe importi 15.9 për qind. Saldoja e tregtisë së jashtme në korrik ishte negative 119 milion euro në krahasim me korrikun 2019 kur kishte deficit 312 milion euro. Për 7 muajit e parë të vitit 2020 eksporti i përgjithshëm i Bullgarisë u ul 7.5 për qind në krahasim me të njëjtën periudhë të vitit 2019. Në po këtë periudhë importi në vend u ngushtua 12.8 për qind. Saldoja e përgjithshme e tregtisë së jashtme për 7 muajit ka deficit nga 1.1 miliard euro, kundrejt deficitit nga 2.3 miliard euro një vit më parë.

Gjithçka më të rëndësishme për COVID-19 në shqip mund të lexoni në seksionin tonë të posaçëm për koronavirusin.

Mund të gjeni informacion aktual për koronavirusin dhe masat në Bullgari në akoma 9 gjuhë në ueb sajtin e Radio Bullgarisë.