Pritet një pik të ri të koronavirusit
“Do të ketë valë të dytë të Covid-19, sidomos me ardhjen e periudhës vjeshtë – dimër, kur do të përhapen edhe infeksione të tjera respiratorë prej viruseve.” Këtë e tha para BNT akademiku Bogdan Petrunov sipas të cilit patjetër do të ketë një pik tjetër të infeksionit. Ai theksoi, se tek ne masat kundër përhapjes së koronavirusit janë një nga më të butat në Evropë. “Padyshim vaksina BCG kundër tuberkulozit ndihmon në këtë situatë. Edhe studimet në Niderlandë e vërtetuan këtë”, shtoi akademiku. Sipas tij mbajtja e maskave ndihmon “uljen e sasisë së viruseve që hyjnë në organizmin njerëzor”. Akademiku Petrunov tha, se në sajë të masave të ndërmarra viti shkollor duhet të kalojë normalisht. Ai nuk përjashtoi mundësinë për mbylljen e klasave të veçanta.
Një bullgare merr pjesë në provat klinike për vaksinën kundër Covid-19
Bullgarja Marija Spirova me banim në Oksford është ndër 18 mijë vullnetarët e injeksuar me qëllim provë klinike të vaksinës kundër Covid-19. “Studimet u ndërprenë pasi dy prej vullnetarëve kishin simptoma shqetësuese”, tha Marija Spirova në një intervistë për BNR. Ajo shtoi se u bë vullnetare në provat e vaksinës pasi shikoi sesi bota u ndalua dhe sesi njerëzit filluan të jetojnë në frikë pasi u shpall pandemia.
155 raste të reja të koronavirusit
155 janë rastet e reja të Covid-19 në Bullgari të zbuluara gjatë 24 orëve të fundit. Kjo përbën 3.6 për qind nga 4312 PCR testet e realizuara. Këtë e tregojnë të dhënat e Portalit Unik Informativ. Gjatë 24 orëve të fundit vdiqën 7 veta, ndërsa 127 u shëruan. 734 pacientë ndodhen në spital, 46 prej të cilëve në reparte intensive. Rastet aktive të koronavirusit tek ne janë 4423. Që nga fillimi i epidemisë numri i të infektuarve me koronavirus arriti 18 216. Jetën e humbën 736 veta.
Gjyqtarë në protestë kundër Sistemit Unik Informativ Gjyqësor
Gjyqtarë nga Gjykata Rajonale e Sofjes dolën në protestë para godinës së Këshillit të Lartë Gjyqësor për të shprehur pakënaqësinë nga Sistemi Unik Informativ Gjyqësor. Pritet të paraqesin kërkesë të dytë për zgjidhjen e problemeve me softuerit të ri. Javën e kaluar më se 130 gjyqtarë nga gjykata më e madhe bullgare refuzuan të punojnë me programin e ri përderisa problemet nuk do të zgjidhen. Magjistratët thirrën për vendosjen e një drejtësie të vërtetë elektronike në kontekstin e pandemisë në rritje.
Në Greqi gjobohen me 150 euro të gjithë që nuk mbajnë maska
Nga 16 shtatori në vazhdim të dy javëve në krahinën greke Atika vendosen masa më të rrepta për shkak të situatës së ndërlikuar epidemiologjike. Mbajtja e maskave është e detyrueshme edhe në të hapur. Policia kontrollon dhe gjobon me 150 euro të gjithë që nuk e respektojnë këtë kërkesë. Tërë ditën në të gjitha kompanitë nëpunësit mbajnë maska. Mjekët grekë rekomandojnë që njerëzit në moshë mbi 65 vjeç të mbajnë maska kudo.
Gjithçka më të rëndësishme për COVID-19 në shqip mund të lexoni në seksionin tonë të posaçëm për koronavirusin.
Mund të gjeni informacion aktual për koronavirusin dhe masat në Bullgari në akoma 9 gjuhë në ueb sajtin e Radio Bullgarisë.
Eurodeputetët kanë frikë nga ndërhyrjet ruse në zgjedhjet e ardhshme të 9 qershorit, si dhe nga pronat e autoriteteve ruse në Bullgari. Kjo shënohet në një projekt-rezolutë të Partisë Popullore Evropiane për ndërhyrjen ruse në zgjedhjet e ardhshme..
Bullgaria vazhdon të vuajë nga problemet me mbrojtjen e të drejtave të njeriut, sipas raportit të Departamentit Amerikan të Shtetit për vitin 2023. Sipas dokumentit, ka raporte të besueshme për tortura dhe trajtim mizor të qytetarëve nga autoritetet..
Qeveria e përkohshme e kryeministrit Dimitër Gllavçev ka 20% miratim dhe 39% mosmiratim. Vetëm 11% vlerësojnë pozitivisht ndryshimet në Kushtetutë në pjesën për kabinetin zyrtar, sipas një sondazhi përfaqësues të agjencisë Trend, të porositur nga..
Të martën temperaturat minimale në vend do të lëvizin ndërmjet 6 dhe 11°, në Sofje 7°. Gjatë ditës do të mbajë mot me re dhe reshje shiu. Në..
Për zgjedhjet bullgare dhepër ato parlamentare evropiane, të cilat do të mbahen më 9 qershor, deri në këtë fazë është planifikuar hapja e seksioneve..
Shoqata Ukrainase e Përpunuesve të Qumështit synon të dyfishojë importin e lëndëve të para të saj në tregun bullgar. Kjo u bë e qartë në takimin e parë..