Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Covid-19 në Bullgari – Dita e 198

Foto: BGNES

Për mësimin në mjedis elektronik pragjet e të infektuarve do të caktohen nga ministri i shëndetësisë

“Ka të ngjarë që të imponohet një kalim më i gjerë te mësimi në mjedis elektronik” tha ministri i arsimit Krasimir Vëllçev në hapjen e vitit akademik në Universitetin e Ekonomisë në qytetin Svishtov. Ai shtoi se ministri i shëndetësisë do të caktojë pragjet e të infektuarve me Covid-19 mbi për mbylljen e shkollave. Tani për tani procesi i mësimdhënies vazhdon në shkollë, sepse epidemiologët nuk presin bum të përhapjes së koronavirusit.

Respektimi i rregulloreve do të sigurojë mbarëvajtjen e punës në shkollë

Sindikata “Arsim” pranë Konfederatës së Punës “Podkrepa” u shpall kundër idesë që Inspektoratet Shëndetësore Rajonale të gjobojnë mësues dhe drejtorë në se ka nxënës që janë pa maska në shkollë. Nga sindikata theksojnë se edhe në këtë situatë të vështirë nxënësit bullgarë do të marrin arsim me cilësi, gjë të cilën e kërkuan më se 92 për qind nga prindërit. Gjithashtu bëjnë thirrje që të respektohen rregulloret shkollore.

Profesori Kantarxhiev: “Nuk ka asnjë artikull shkencor kundër maskave”

“Nuk mendoj se do të mbyllen shkollat sepse fëmijët dhe prindërit janë njerëz të arsyeshëm”tha për BTV profesori doktor Todor Kantarxhiev, drejtor i Qendrës Kombëtare të Sëmundjeve Ngjitëse dhe të Parazitit. Ai shprehu shpresë se nuk do të ketë izolim të ri dhe qëndrim në shtëpi me fillimin e muajve të ftohtë. “Grumbullimi i njerëzve gjatë protestave nuk u bë shkak për rritjen e numrit të të infektuarve” tha profesori Kantarxhiev. Sipas tij ka tendencë për uljen e vogël të të prekurve nga koronavirusi.

Imunologu kritikoi deklaratat e papërgjegjshme duke përfshirë edhe ato të mjekëve, se virusi është i dobët dhe prandaj maskat nuk janë të domosdoshme. Nuk ka asnjë artikull shkencor kundër maskave”, theksoi profesori dhe shtoi, se me fillimin e sezonit të gripave mjetet mbrojtëse japin një siguri edhe më të madh.

44 raste të reja të Covid-19 në Bullgari

3.5 për qind nga 1249 PCR testet e realizuara gjatë 24 orëve të fundit janë pozitive. Këtë e tregojnë të dhënat e Portalit Unik Informativ. 6 veta vdiqën me koronavirus të konfirmuar, 22 – u shëruan. Në spital ndodhen 718 veta, 35 prej tyre në reparte intensive. 3 veta nga personeli mjekësor u infektuan me Covid-19 dhe kështu numri i përgjithshëm i të sëmurëve nga personeli mjekësor bëhet 1053 veta.

Deri tashti numri i të shëruarve është 13 580 veta, ndërsa ai i të vdekurve nga koronavirusi – 761.

Turizmi bullgar ka humbur të ardhura prej 800 000 mln eurosh

Kriza e koronavirusit e privoi turizmin bullgar nga 800 000 mln euro, thotë një analizë e Akademisë Bullgare të Shkencave për sfidat para sektorit në kushtet e pandemisë, transmetoi BTA.

Megjtihë masat e ndërmarra nuk mund të pritet se të ardhurat nga vendpushimet dimërore do të arrijnë të kompensojnë humbjet nga vera, sidomos duke pasur parasysh faktin se Austria nuk ka në plan të mbyllë vendpushimet e saj dimërore, shënohet në analizë.

Në qoftë se ka një valë të re te Covid-19 gjatë dhjetorit analizatorët rekomandojnë që të mos mbyllen hotelet, sepse festat e muajit dhjetor janë një mundësi e mirë për t’u kompensuar humbjet.

Rekomandohet edhe përmirësim i kushteve të transportit ajror deri në Bullgari.


Gjithçka më të rëndësishme për COVID-19 në shqip mund të lexoni në seksionin tonë të posaçëm për koronavirusin.

Mund të gjeni informacion aktual për koronavirusin dhe masat në Bullgari në akoma 9 gjuhë në ueb sajtin e Radio Bullgarisë.





Последвайте ни и в Google News Showcase, за да научите най-важното от деня!

Më shumë nga rubrika

Parashikimi i motit për 29 marsin

Ditën e premte do të jetë kryesisht me diell. Do të fryjë erë e dobët, në Bullgarinë Lindore - erë mesatare. Temperaturat gjatë ditës do të rriten - maksimumi do të jetë ndërmjet 21° dhe 26°, në Sofje - rreth 21°; Minimumi do të jetë kryesisht..

botuar më 24-03-28 7.25.MD

Presidenti nisi takimet me kryeministrat e mundshëm në detyrë

Presidenti Rumen Radev nisi konsultimet me kandidatët për ushtrues detyre të kryeministrit. Sipas ndryshimeve kushtetuese nga fundi i vitit 2023, kreu i shtetit mund të zgjedhë kryeministrin në detyrë nga një listë e kufizuar prej 10 kandidatësh. Bëhet..

botuar më 24-03-28 3.58.MD

ITN ktheu mandatin e tretë të paplotësuar për të formuar një qeveri menjëherë pas dorëzimit të tij

“Ka një popull të tillë” (ITN) falënderoi Presidentin Rumen Radev për besimin dhe ia ktheu mandatin e tretë për të formuar qeverinë. Dosja është kthyer bosh nga nënkryetari i grupit parlamentar të ITN-së Ivajllo Vëllçev me fjalët “Na vjen mirë që kësaj..

botuar më 24-03-28 12.10.MD