Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Arsimi jashtë shtetit mbetet një mundësi për sukses për mijëra bullgarë

Foto: BGNES

Masat restriktive për kufizimin e infektimit nga koronavirusi në të gjithë botën i detyruan milionë turistë të mbeten në shtëpi sivjet, por u treguan të pafuqishme përpara dëshirës së shumë bullgarëve të rinj të nisen dhe të mësojnë në shkollat e larta jashtë kufirit. Pritet që gjatë vitit të ri shkollor numri i tyre të jetë midis 5000 dhe 5500. Kjo është me rreth 5% më pak në krahasim me numrin e atyre të cilët kanë aplikuar gjatë vitit të kaluar. Shkaku për uljen minimale nuk është kaq për shkak të frikës nga Covid-19, sa për shkak të numrit më të vogël të maturantëve të shkollës së mesme në vitin 2020 në vendin tonë.

Shtetet më tërheqëse, në të cilat bullgarët e rinj zgjedhin të vazhdojnë arsimin e vet janë Britania e Madhe, Holanda, Franca, Belgjika, Danimarka, Gjermania, Suedia e të tjera. Një pjesë e konsiderueshme prej tyre tashmë janë nisur për në universitetet në shtetet përkatëse, pavarësisht se që nga ky vit ato lejojnë një model të përzier të arsimit - online dhe me prani fizike.

Një ulje më serioze të interesit, kundrejt vitit të kaluar, ka ndaj arsimit në Britaninë e Madhe. Ky është viti i fundit, në të cilin mbeten të pandryshuara kushtet për studentët nga Bashkimi Evropian aty. Pas kësaj еdhe studentët bullgarë do të paguajnë taksa si këta, nga vendet jashtë Bashkimit Evropian.


Studentët e sapo pranuar bullgarë në universitetet britanike sivjet janë 1200, degët e preferuara janë shkencat kompjuterike, matematika, biologjia, drejtësia e të tjera. Të dhënat e përgjithësuara për qëndrimin ndaj arsimit jashtë vendit, janë të ofruara nga kompania më e madhe këshilluese - ndërmjetësuese midis universiteteve të huaja dhe studentëve të cilët aplikojnë nga Bullgaria. Për vit të 17 të radhës ajo organizon ekspozitën ndërkombëtare  “Arsimi botëror”, e cila për herë të parë zhvillohet në mënyrë virtuale dhe në një format pranimi.

"Na kërkuan qindra familje bullgare, të cilat pavarësisht nga kriza, po vazhdojnë ta konsiderojnë arsimin e fëmijëve të vet, si gjënë më të rëndësishme, pavarësisht nga rrethanat” - sqaroi për Radio Bullgarinë  Nikollaj Hristanov - menaxher në kompaninë këshilluese për arsimin botëror:  


“Universitetet investuan sivjet madje dhe më shumë, që të propozojnë një arsim me cilësi përmes online platformave të ndryshme.Taksat mbetën të pandryshuara - as më të ulëta, as më të larta, mbetën në nivelin që përpara pandemisë. Studentët preferojnë formën e pranisë fizike në universitet, por pavarësisht nga kjo i kënaq modeli hibrid, sipas të cilit ata mund të zgjedhin midis të dyve, me qenë se kjo i ndihmon për një përshtatje më të lehtë dhe një mbërritje më të vonë, duke pasur parasysh rrethanat. Por, po kështu duan të jenë në një mjedis ndërkombëtar, shoqërimi i tyre me studentë të tjerë dhe kontakti personal me pedagogët është me një rëndësi të madhe, që të jetë arsimi i plotë dhe me cilësi. Prijëse në dëshirat e kandidat-studentëve janë biznesi dhe degët ekonomike dhe programet kompjuterike - degë këto, të cilat japin mundësi për një realizim të mirë profesional pas diplomimit. Kërkohen akoma psikologjia, marrëdhëniet ndërkombëtare dhe specializimet e lidhura me dizajnin e lojërave elektronike, dizajnin interier dhe grafik. Mediat dhe komunikimet po kështu janë mes top programeve , të cilat ata i zgjedhin për të mësuar.

Provime pranimi sivjet nuk kishte. Një rol kryesor luante mesatarja nga arsimi i mesëm, motivacioni, veprimtaritë suplementare jashtëshkollore dhe zotërimi i mirë i gjuhës, në të cilën duan të mësojnë - anglisht, gjermanisht, frëngjisht - shton Nikollaj Hristanov dhe jep këtë këshillë:


“Ka universitete jashtë, të cilat kanë kërkesë që disa lëndë të caktuara të jenë mësuar gjatë arsimit të mesëm. Zgjedhja e herët është kryesorja për suksesin dhe kështu do të jetë edhe në të ardhmen”.

Përgatiti në shqip: Nataniela Vasileva

Foto: BGNES




Последвайте ни и в Google News Showcase, за да научите най-важното от деня!

Më shumë nga rubrika

Qytetarët në Bullgari tashmë mund të informohen në lidhje me parashikimet për ndotjen e ajrit

Shkencëtarët nga Instituti Kombëtar i Meteorologjisë dhe Hidrologjisë (NIMH) kanë krijuar një faqe ku përdoruesit mund të shohin parashikimin e ndotjes së ajrit me grimcat e imta të pluhurit. Cilësia e ajrit atmosferik në Bullgari vazhdon të jetë një..

botuar më 24-03-24 9.15.PD

Bashkia e Burgasit ofron informacione dhe shërbime të dobishme në një mjedis online

Portofoli dixhital i autoritetit lokal në Burgas, i njohur si " Smart Burgas " tani ka një shtesë të re - chatbotin " Smarty ". Ky është një mjet dixhital i dobishëm që bashkon shërbimet e Bashkisë në një kanal ndërveprimi të njohur dhe të lehtë për..

botuar më 24-03-24 8.10.PD

“Ora e Tokës” ose si ta ndryshojmë botën në 60 minuta

“Nëse secili prej nesh, pavarësisht se ku jemi, gjen 60 minuta kohë dhe ia jep Tokës, do të kemi fuqinë të mbrojmë shtëpinë tonë të përbashkët dhe ta lëmë atë më se të mrekullueshme për brezat pas nesh” – ja çfarë thonë organizatorët për eventin më të..

botuar më 24-03-23 8.30.PD