Nuk pritet mbyllje e të gjitha shkollave për shkak të koronavirusit
“Në asnjë mënyrë nuk mund të flasim për vatra të koronavirusit në shkollë. Nu do t’u përgjigjem spekulimeve se kur dhe nëse do të kalojmë tek forma e arsimit në distancë.” Këtë e deklaroi në studion e Televizion it Kombëtar Bullgar kryeinspektori shtetëror i shëndetësisë doc. Angell Kunçev.
Në klasat ku ka mbajtës të konstatuar të koronavirusit do të kalohet tek mësimdhënia në distancë për 14 ditë. Do të mbyllen edhe shkolla të veçanta, në qoftë se atje janë prekur disa klasa.
“Sivjet nuk do të ketë pushime për shkak të gripi, do të kalohet në mësimdhënie në mjedis elektronik”, tha gjithashtu doc. Kunçevi.
5.83% prej PCR testeve të fundit janë pozitive me Covid-19
276 janë rastet e reja me koronavirus në Bullgari nga 4 736 PCR testet e zhvilluara gjatë 24 orëve të fundit. Më shumë janë të infektuarit në Sofje – 52, pas kësaj radhitet Bllagoevgrad – 49 dhe Plovdiv – 29 raste të reja. 6 veta kanë vdekur. Gjithsej 814 pacientë me koronavirus mbeten në spital, 44 prej të cilëve janë në repartet intensive. Janë shëruar 150 veta. Këtë e tregojnë të dhënat e Portalit Unik Informativ deri në mesnatë.
Një vatër e Covid-19 u regjistrua në një hospis në Tërgovishte. Atje me koronavirus deri në momentin e tanishëm janë regjistruar 29 veta, njoftoi korrespondenti i BNR-së në Tëgovishte Evtim Petkov. Janë marrë të gjitha masat e domosdoshme të sigurisë dhe profilaksisë. Personeli disponon veshje mbrojtëse.
Kardiologë studiojnë pasojat e Covid-19 për zemrën
Në 8 qytete bullgare mjekë nga Instituti Bullgar i Kardiologjisë nisën të analizojnë pasojat e koronavirusit për zemrën. Deri tashti te 2/3 e njerëzve që u infektuan me Covid-19 konstatohet dëmtim i miokradit, tha për BNR docentja Jana Simova nga instituti. Ajo shtoi se te ¼ e këtyre pacientëve mund të zhvillohet insuficienca kardiake ose aritmi.
Urdhra të Ministrit të shëndetësisë në lidhje me zgjatjen e gjendjes së jashtëzakonshme epidemike
Me urdhër të ministrit të shëndetësisë nga 1 tetori për personat që mbërrijnë në Bullgari nga Ukraina kërkohet dokument për rezultat negativ nga PCR test.
Me një urdhër tjetër të ministrit të shëndetësisë lejohet zhvillimi i garave sportive në të mbyllur me publikë në rast se spektatorët janë të paktën në distancë fizike nga 1.5 metra, me zënien e vendeve jo më shumë se 50 për qind nga kapaciteti i impiantit sportiv.
Me po këtë urdhër qendrat për përkrahje të zhvillimit personal rifillojnë punën e tyre në përputhje me udhëzimet e hartuara nga Ministria e Arsimit dhe e Shkencës dhe Ministria e Shëndetësisë për veprimtari në kushtet e Covid-19.
7.3 për qind është papunësia në kushtet e Covid-19
Më se 320 milion leva nga Programi Operativ “Resurse Njerëzore” u mobilizuan deri tashti për përballimin e pasojave nga covid-kriza, tha për BNR ministrja sociale Zornica Rusinova. Ditët e afërta do të fillojë shpërndarja e pakove me ushqime në kuadrin e programit operativ për njerëzit në nevojë më të madhe. 7.3 për qind arriti papunësia ndërsa për ditë në zyrat e punësimit regjistrohen nga 1700 veta.
Gjithçka më të rëndësishme për COVID-19 në shqip mund të lexoni në seksionin tonë të posaçëm për koronavirusin.
Mund të gjeni informacion aktual për koronavirusin dhe masat në Bullgari në akoma 9 gjuhë në ueb sajtin e Radio Bullgarisë.
Të premten temperaturat minimale në vend do të lëvizin ndërmjet 2 dhe 7°, në Sofje 1°. Vranësirat do të jenë të konsiderueshme. Në mesditë do të ketë reshje shiu në rajonin Rilla-Rodope. Reshjet e shiut do të përfshijnë Bullgarinë Jugore deri në..
Gjykata e Apelit e Sofjes i la në paraburgim të përhershëm ish-drejtoreshën e Agjencisë Doganore Petja Bankova dhe biznesmenin Stefan Dimitrov. Vendimi nuk mund të apelohet. Sipas arsyeve të gjyqtarëve, ekziston supozimi i bazuar se të dy janë..
Kuvendi Popullor miratoi Strategjinë Kombëtare të Shëndetit deri në vitin 2030. Dokumenti përcakton tri qëllime kryesore: përmirësimin e qëndrueshëm të shëndetit dhe mjedisit; garantimin e sigurisë shëndetësore dhe reduktimin e pabarazive; menaxhim..
Lideri i “Vëzrazhdane” Kostadin Kostadinov ka bërë të ditur se po i paraqesin kërkesë për mosbesim qeverisë së përkohshme të Dimitër Gllavçevit. 67..
Të enjten temperaturat minimale në vend do të lëvizin ndërmjet 5 dhe 10°, në Sofje 5°. Do të jetë me re. Paradite do të ketë reshje shiu kryesisht në..
Presidenti Rumen Radev nuk tha nëse do të nënshkruajë dekretet për zëvendësimin e dy ministrave - të punëve të jashtme dhe të bujqësisë, siç kërkoi..