Ngjarjet historike nga ndonjë herë edhe tragjike u bënë shkak që grupe të mëdha shqiptarësh ta braktisin vendin e tyre dhe të kërkojnë strehë në troje të huaja. Nuk janë pak shqiptarët që gjetën shpëtim dhe mundësi për jetë të re dhe për nxjerrjen e bukës së gojës në trojet bullgare, ku banojnë edhe sot e kësaj dite. Ardhja e shqiptarëve në viset bullgare daton jo më vonë se sa rrëzimi i Shqipërisë nën sundimin turk në vitin 1385. Në fillim ata kanë ardhur si punëtorë bujqësorë gjatë verës, ndërsa gjatë dimrit si mjeshtër muratorë. Migrimi i shqiptarëve drejt viseve bullgare vazhdoi edhe pas çlirimit të Bullgarisë nga zgjedha turke në vitin 1878. Në atë kohë kurbetçinjtë shqiptarë u përfshinë në rimëkëmbjen e vendit bashkë me popullin bullgar.
Sot pasi u hoqën kufijtë midis dy shteteve tona edhe bullgarët edhe shqiptarët kanë mundësi të udhëtojnë lirisht. Shumë shqiptarë erdhën në Bullgari për të zhvilluar biznes të vet. Që të ruajnë identitetin dhe që të kujdesen më mirë për bashkatdhetarët e vet në skajet e ndryshme të botës shtetet krijojnë ministri dhe agjenci të cilat merren me problemet e diasporave përkatëse. Këto institucione krijojnë programe të ndryshme për të informuar më mirë qytetarët e interesuar brenda vendit dhe jashtë.
Një hap të tillë ndërmorën Agjencia Kombëtare e Diasporës dhe Agjencia e Sigurimit të Cilësisë në Arsimin e Lartë të Republikës së Shqipërisë. Ata arritën marrëveshje për dhënien e bursave shtetasve të huaj me origjinë shqiptare për të bërë studime në shkollat e larta në Shqipëri.
Kjo na dha arsye të bisedojmë me Ambasadoren e Republikës së Shqipërisë në Republikën e Bullgarisë, Shkëlqesinë e Saj Donika Hoxha.
Më shumë hollësi mund të dëgjoni në intervistën e Ambasadores Donika Hoxha të dhënë posaçërisht për Radio Bullgarinë.
Nënpresidentja Ilijana Jotova u takua me kryesinë e bashkisë shqiptare të Kukësit ku jeton pakica kombëtare bullgare. Ajo bisedoi me kryetarin e komunës së Kukësit Albert Halilaj dhe me nënkryetarin Agron Nuredinaj , i cili është pjesë e..
Shtëpia është vendi ku të gjitha problemet e pazgjidhura në shoqërinë tonë mund të shihen si me një xham zmadhues. Është e vështirë të flitet për zhvillimin e hershëm të fëmijës nëse fëmijët flenë në të njëjtin shtrat ose jetojnë në të njëjtën dhomë..
Pasojat e një sulmi terrorist në Rusi po jehojnë në të gjithë Evropën. Bombardimi i 22 marsit në sallën e koncerteve Crocus City Hall në rajonin e Moskës, në të cilin vdiqën më shumë se 140 njerëz, ngriti pyetjen - a është kërcënimi i sulmeve në shkallë..
Vdekshmëria e bletëve këtë dimër ishte vetëm 2-3 për qind për shkak të kushteve të mira të motit. Megjithatë, problemet me të cilat ballafaqohet sektori..
Jetojmë në kohë dinamike, në të cilat kufijtë midis vendeve po zbehen gradualisht dhe njerëzit kërkojnë mundësi për realizim në cepa të ndryshme të botës...