Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Rritje rekorde e pacientëve me Covid-19 dhe e vdekjeve

Foto: BTA

Një rritje rekorde e pacientëve të sëmurë nga koronavirusi gjatë 3 ditëve të fundit me 220 të prekur në çdo 100 mijë veta dhe një rritje e madhe e rasteve me vdekje me rreth 50% - këto të dhëna u parashtruan në brifingun e Ministrisë së Shëndetësisë. Vetëm gjatë javës së fundit numri i të infektuarve me Covid-19 është rritur me 102% kundrejt vitit të mëparshëm. Më shumë janë tek njerëzit në një moshë aktive midis 20 dhe 60 vjeç. Kurse mbi 2 mijë janë mjekët e infektuar - 37% prej tyre janë mjekë dhe 33% infermiere.

Me një të tretë është rritur numri i njerëzve, të cilët hyjnë në spital - prej tyre 7% aktualisht gjenden në repartet intensive, njoftoi zëvendës ministri i shëndetësisë Bojko Penkov.

Kurse drejtorët e spitaleve të mëdha të kryeqytetit -“Pirogov” dhe Aleksandrovska, prognozuan se, deri më 10 ditë numri i tyre do të arrijë 4 mijë gjatë 2300 vetave të hospitalizuar në këtë moment.

“Ekipet e reparteve të urgjencës janë të rraskapitura”, alarmon profesori Asen Balltov, drejtor i spitalit “Pirogov”.

Ai apeloi ndaj spitaleve private të ndajnë 10% nga shtretërit e tyre për pacientë të sëmurë nga koronavirusi. Që sot në spitalin më të madh tek ne hapen akoma dy reparte të tjera me nga 30 shtretër për mjekë të sëmurë dhe për pacientë ne një gjendje mesatarisht të rëndë.

Profesori Todor Kantarxhiev, drejtor i Qendrës Kombëtare mbi Sëmundjet Infektive dhe Parazitare, apeloi për një përdorim në masë të testeve të shpejta të antigjenit në repartet e pranimit të spitaleve në “Urgjencë” dhe nëpër shkolla, që të mund të kapen shpejt rastet e para dhe të mund të izolohen.

Laboratorët janë shumë të ngarkuar dhe rezultatet nga PCR testet gjatë javëve të ardhshme do të vonohen deri më 2-3 ditë, nënvizoi ai.

15 shkolla në rajone të ndryshme të vendit kanë marrë leje për të kaluar në një arsim në mjedis elektronik për nxënësit që nga klasa e parë deri në klasën e 7, informoi  ministri i arsimit Krasimir Vëllçev.

Ai tha akoma se, më shumë nxënës të karantinuar ka në kryeqytet. “Unë po vazhdoj të jem i mendimit, se shkollat nuk duhet të mbyllen të parat dhe duhet të veprohet në mënyrë lokale”, komenton ministri, por pohoi se, argumentet e tij gjithnjë e më shumë shfuqizohen duke pasur parasysh mjedisin e ndërlikuar epidemik.

Aktualisht Bullgaria gjendet në vendin e 21 për nga sëmundshmëria në Evropë dhe në vendin e 10 për nga vdekshmëria.

Përgatiti në shqip: Nataniela Vasileva

Foto: BTA




Последвайте ни и в Google News Showcase, за да научите най-важното от деня!

Më shumë nga rubrika

Mbi 900 fëmijë në vendin tonë janë në pritje të prindërve birësues, është dyfishuar numri i atyre që duan të birësojnë

Në fillim të këtij viti më shumë se 1600 familje kanë treguar gatishmëri për të birësuar një fëmijë dhe numri i fëmijëve për të cilët janë kërkuar birësues të përshtatshëm ka qenë pak më shumë se 900. Sipas të dhënave të Agjencisë së Ndihmës..

botuar më 24-03-28 8.54.PD
Doc. Iskren Ivanov

Doc. Iskren Ivanov: Bankierët kanë frikë se do të shpallen emrat e evropianëve me ndikim që ndihmuan dhe po e ndihmojnë Moskën

Një konsensus parimor se si të ndihmohet Ukraina për të blerë armë dhe municione - kjo është ajo që liderët evropianë arritën në Këshillin e fundit Evropian. Ose paratë të vijnë nga të ardhurat e grumbulluara nga asetet ruse të “ngrira” për..

botuar më 24-03-27 7.55.MD

Qeveria ndau fonde për komunitetet bullgare në regjion

Këshilli i Ministrave miratoi dhe ndau fonde deri në 2 100 000 leva në kuadër të Programit për të mbështetur organizatat e komuniteteve bullgare në Shqipëri, Serbi, Kasovë, Ukrainë dhe Moldavi dhe për qytetarët e Republikës së Maqedonisë së Veriut..

botuar më 24-03-27 4.49.MD