Programi i ditës

Radioja Kombëtare Bullgare © 2021 Të gjitha të drejtat janë të rezervuara

Shans për rimëkëmbjen e ekonomisë bullgare, por me disa “nëse”

Foto: pixabay

Me ndihmën e masave shpëtimtare kundër Covid-krizës  dhe të injeksioneve urgjente financiare në sistemin shëndetësor dhe financiar, vendi ynë ruan shansin të evitojë spiralin e krizës dhe me ndihmën e shpenzimeve buxhetore dhe të mjeteve evropiane të rimëkëmbë ekonominë gjatë dy viteve të ardhshme. Qeveria do të sigurojë afro 80 milion leva shtesë deri në fund të vitit për riorganizimin e sistemit shëndetësor për shkak të Covid-krizës dhe 40 milion leva të tjera  për ndihmë të bizneseve të prekura nga masat kufizuese – lokale, shkolla arsimore, palestra. Për këtë ngulën këmbë para disa javësh asociacionet e lokaleve. Tani ata e mirëpresin masën megjithëse nuk u zbatua në parametrat e saktë që ata dëshiruan – komentoi para BNR kryetari i Asociacionit të Lokaleve Riaçard Alibegov:

“Ne donim të mbulohen 80 për qind nga pagat e kontratës së punës. Atë që shteti mund ta bëjë është të sigurojë 80 për qind nga paga minimale e punës. Kjo është një diferencë e madhe dhe varet se kush për sa është i siguruar. Prapëseprapë është një hap i drejtë dhe përbën një ndihmë, sepse po flasim vetëm për objektet e mbyllura. Jam me shpresë se në dhjetor objektet të mund të hapen dhe vet të mbahen.”

Riaçard Alibegov

Masat antikrize të planifikuara deri në fund të vitit në mbështetje të bizneseve të prekura dhe të sistemit shëndetësor mund të merren përsipër nga buxheti në të cilin akoma ka një tepricë nga më se 600 milion leva. Nuk duhet të ketë shqetësime as për vitin e ardhshëm, nëse ekonomia jonë nuk mbyllet dhe qeveria mbështet të ardhurat dhe punësimin me ndihmën e planit të rimëkëmbjes i cili do të na lejojë qasje në fondin e rimëkëmbjes të BE-së, thotë ekonomisti Georgi Angellov:

“Këto janë nismat kryesore që do t'i mundësojnë Bullgarisë të marrë gati 49 miliardë leva gjatë 7 viteve të ardhshme. Çështja është që sa më shpejtë do të përgatiten ato dokumente, projekte dhe reforma, aq më shpejtë do të kemi akses në këto fonde. Është e mundur që edhe gjatë këtij viti ose vitit të ardhshëm një pjesë prej këtyre mjeteve të mund të shfrytëzohen.”

Georgi Angellov

Ekonomisti Georgi Angellov nuk shikon bazë për shqetësim nga deficiti i planifikuar buxhetor nga 4 për qind për vitin 2021, në se paratë do të shfrytëzohen për stimuj ekonomikë. Për më tepër – kjo do të ruajë shanset e vendit për rimëkëmbjen e shpejtë ekonomike, sidomos kur stimulohen të ardhurat, punësimi dhe konsumi i popullsisë.

“Më mirë është të veprohet në mënyrë parandaluese dhe të mos lejohet rritja e papunësisë. Kjo është masa më e lirë – thekson ekonomisti. - Nëse arrijmë një rritje të madhe të papunësisë, do të hyjmë në një spirale nga e cila do të na duhen vite për t'u dalë. Gradualisht duhet të fillojmë të mendojmë për masat, që stimulojnë firmat të cilët punësojnë dhe zgjerojnë prodhimin, megjithë krizën.”

Sa për parashikimet për rimëkëmbjen nga kriza, shumica prej tyre janë optimistike për Bullgarinë:

“Pothuajse të gjitha parashikimet janë se ka të ngjarë që në vitin 2022 të rimëkëmbemi nga kriza” – thekson Angellov.

Përgatiti në shqip: Svetllana Dimitrova

Më shumë nga rubrika

Standard & Poor's ripohoi vlerësimin e kreditit të Bullgarisë me një perspektivë të qëndrueshme

Agjencia ndërkombëtare e vlerësimit Standard & Poor's - S&P Global Ratings ka konfirmuar vlerësimin afatgjatë të kredisë së Bullgarisë në 'BBB/A-2', bëri të ditur Ministria e Financave. Pasojat ekonomike afatmesme të pandemisë janë të..

botuar më 21-11-30 11.01.PD

Bullgaria po vazhdon të marrë hua

Bullgaria po vazhdon të tërheqë borxhe të reja çdo të hënë të javës. Borxhi është i brendshëm, dmth. ai është ndaj bankave lokale, shoqërive të pensioneve dhe investitorëve të tjerë korporativë. Para pak kohe, ky trend u riafirmua me lëshimin nga..

botuar më 21-11-27 11.45.PD
Banka Popullore Bullgare

Bullgaria mori një borxh të ri të jashtëm prej 255 milionë euro

Më 22 nëntor, Banka Popullore Bullgare zhvilloi një ankand për shitjen e obligacioneve shtetërore me afat maturimi 7.5 vjet dhe një normë fikse vjetore prej 0.25 për qind. Kredia e radhës shtetërore është 255 milionë euro. Në vitin 2021, Ministria e..

botuar më 21-11-22 4.53.MD