Çdo vit më 21 nëntor Kisha Ortodokse Bullgare feston Hyrjen e Hyjlindëses Mari në Tempull. Kjo është një nga 12 festat e mëdha të krishtera, të kremtuara si nga kisha e krishterë ortodokse ashtu dhe nga ajo katolike. Me vendim të Sinodit të Shenjtë të Kishës Ortodokse Bullgare që nga viti 1929 Hyrja e Hyjlindëses Mari në Tempull në Bullgari shënohet dhe si Dita e Familjes së Krishterë dhe e Rinisë Studentore Ortodokse. Festimi i saj përkon me Agjërimin e Krishtlindjes, kur hapim shpirtrat dhe zemrat tona për veprime të mira dhe për bekimin dhe urimin e Zotit mbi shtëpinë dhe familjen tonë. Në këtë ditë, në fund të shërbesave në kishat ortodokse, besimtarët marrin Kungimin e Shenjtë, që të fitojnë forca për shpëtim shpirtëror në luftën me të keqen - në vetvete dhe në botë.
Vajtja familjare në kishë në këtë ditë simbolizon dhe hyrjen në tempull të Maries trevjeçare, Nëna e ardhshme e Zotit. Kjo u rikujton akoma prindërve për detyrimet e tyre shpirtërore ndaj fëmijëve. Pasi shkon në kishë, familja mblidhet rreth tryezës, e cila nga ana e vet gjithmonë ka qenë simbol i lidhjes së fortë familjare. Tavolina në fund lihet pa u mbledhur, që të mund të vijë Nëna e Zotit gjatë natës, të hajë dhe të bekojë shtëpinë.
Më shumë për festën mund të lexoni në botimin Hyrja e Hyjlindëses Mari në Tempull - Dita e familjes së krishterë nga koleksioni i Radio Bullgarisë.
Sot mbushen saktësisht 20 vjet që kur Bullgaria u bë anëtare e plotë e NATO-s. Dhe nëse vendimi do të merrej sërish sot, 56% e bullgarëve do të votonin që vendi ynë të mbetet anëtar i Aleancës, ndërsa 28% janë të mendimit se duhet të jetë jashtë paktit...
26 Marsi është Dita e Trakisë – kështu data është e regjistruar në kalendarin zyrtar bullgar në vitin 2006, por festohej disa dekada më parë. Në këtë datë të vitit 1913, ushtria bullgare pushtoi Kështjellën e Edrenesë të konsideruar në atë kohë "të..
Ikja nga vendlindja dhe toka amtare dhe udhëtimi i gjatë përmes të huajës dhe të panjohurës - fati i të gjithë refugjatëve është i ngjashëm ndër vite, dhe arsyet janë gjithmonë të njëjta. Njerëzit dëbohen për shkak të luftës ose besimeve fetare, për shkak..
Sot mbushen saktësisht 20 vjet që kur Bullgaria u bë anëtare e plotë e NATO-s. Dhe nëse vendimi do të merrej sërish sot, 56% e bullgarëve do të votonin..