Radioja Kombëtare Bullgare © 2021 Të gjitha të drejtat janë të rezervuara

Covid-19 në Bullgari: Dita e 262

Vizatim - Dajana Vasileva, 10 vjeç
Foto: Shtëpia e Arteve

Numër më i lartë i të vdekurve dhe i të shëruarve nga Covid-19 në Bullgari gjatë 24 orëve të fundit

3146 janë rastet e reja të koronavirusit gjatë 24 orëve të fundit, tregon Portali Unik Informativ. Nga 7244 PCR teste të realizuara të infektuarit janë 43%.

Rastet aktive të infeksionit në vend janë 83,671, ndërsa që nga fillimi i pandemisë ato të konfirmuara të infeksionit janë 124 966. 6270 njerëz janë shtruar në spital, që është një rënie prej 80 pacientësh krahasuar me një ditë më parë. 399 janë në njësitë e kujdesit intensiv.

1702 njerëz u shëruan në 24 orët e fundit, që është numri më i lartë që nga fillimi i pandemisë. Numri i përgjithshëm i njerëzve të kuruar është 38 226. 189 pacientë kanë vdekur në 24 orët e fundit, që është edhe vlera më e lartë në harkun e shënuar kohor. Që nga fillimi i pandemisë, numri i të vdekurve arriti 3 069 veta.


Vetëm vaksinimi do të sigurojë imunitet grupor

Nuk mund të presim që vdekshmëria e koronavirusit të ndryshojë në vend brenda 10 ditësh. Ajo do të ndryshojë 2 javë pas zbatimit të masave të reja. Më shumë se 99% e njerëzve duhet të ndjekin masat dhe kjo nuk ndodh, tha para Televizionit Kombëtar Bullgar /BNT/ mjeku pulmonolog, Dr. Alexander Simidçiev.

“Ne jemi të ndarë nëse të mbajmë maska apo jo, nëse të ketë lockdown apo jo. Kjo na vështirëson që t’i përgjigjemi pandemisë në një mënyrë efektive” – tha gjithashtu Simidçiev.


Nuk ka rrezik për anulimin e vitit shkollor

Dr. Julian Petrov nga sindikata "Edukimi" bëri thirrje para Televizionit Kombëtar Bullgar /BNT/ për të zgjedhur mësimin në distancë për të gjithë vendin. Nuk përjashtohetmundësia për të mësuar edhe në verë, por në këtë fazë nuk ka rrezik që viti shkollor të anulohet, tha dr. Petrov.

Mësimi në distancë mund të jetë shumë i suksesshëm nëse bëhet siç duhet. Nxënësit e vegjël duhet të ndihmohen nga prindërit e tyre. Deficiti i madh i arsimit në distancë nuk është asimilimi i materialit, por edukimi dhe socializimi. "Studentët që janë të vëmendshëm dhe paraqiten mirë gjatë procesit të rregullt të të mësuarit, shënojnë rezultate edhe në mësimin në distancë," shtoi sindikalisti.


Biznesi bullgar këmbëngul për mbështetje financiare

Pasi dje u shpall domosdoshmëria e masave të reja kufizuese që pritet të hyjnë në fuqi më 27 nëntor, Dhoma Ekonomike Bullgare këmbënguli për një Program Kombëtar në Ndihmë të Biznesit Bullgarë. Qëllimi është që në sajë të tij të garantohet marrja e shpejtë e kompensimeve në llogari të shtetit.

Sot në letra dërguara Kryeministrit Bojko Borisov organizata të ndryshme profesionale që përfaqësojnë degë që do të preken nga bllokimi i dytë i mundshëm kërkuan nga qeveria masa ekonomike për të mbijetuar.


40 për qind prej bullgarëve e konsiderojnë Covid-19 armë biologjike

40 për qind nga bullgarët janë të mendimit se koronavirusi është një armë biologjike krijuar për të zvogëluar popullsinë e Tokës. Këtë e tregojnë të dhënat e një sondazhi i Agjencisë “Trend”.

33 për qind nga të anketuarit mendojnë se Covid-19 nuk është më i rrezikshëm se sa gripi sezonal.

Sipas 17 për qind – ky virus nuk ekziston dhe kjo është një mashtrim botëror. Në qershor 23 për qind e shprehën këtë qëndrim. Dallimi i detyrohet rritjes së numrit të të sëmurëve dhe të rasteve të vdekjes, ose faktit se njerëzit tashmë njohin një person që është i sëmurë ose ka pasur koronavirus.

45 për qind mendojnë se vaksinë ekziston por ajo fshihet në mënyrë që të përhapet sëmundja edhe më tej kështu që kompanitë farmaceutike të përfitojnë.



Gjithçka më të rëndësishme për COVID-19 në shqip mund të lexoni në seksionin tonë të posaçëm për koronavirusin.

Mund të gjeni informacion aktual për koronavirusin dhe masat në Bullgari në akoma 9 gjuhë në ueb sajtin e Radio Bullgarisë.


Më shumë nga rubrika

Covid-19 në Bullgari: Dita e 325

Zgjatën gjendjen e jashtëzakonshme epidemike Gjendja e jashtëzakonshme epidemike zgjatet deri më 30 prill. Qeveria miratoi vendimin dhe Kryeministri Bojko Borisov urdhëruar Ministrin e Shëndetësisë të përgatitë një urdhër me afate të..

botuar më 21-01-26 7.35.MD

Ushtarakë bullgarë dhe maqedonas fluturuan së bashku për në Bruksel

Shefi i Mbrojtjes së Bullgarisë Adm. Emill Eftimov dhe Shefi i Shtabit të Përgjithshëm të Ushtrisë së Maqedonisë së Veriut gjenerallejtënant Vasko Gyrçinovski nisën së bashku me një aeroplan bullgar nga Aeroporti “Vrazhdebna” për në Bruksel. Në 27..

botuar më 21-01-26 7.11.MD

Organizatat turistike deshën anulimin e testeve PCR

Për të shpëtuar të punësuarit në turizëm, Bordi Kombëtar i Turizmit dhe Dhoma Turistike Bullgare shpresojnë që të rishikohet kërkesa për test të detyrueshëm PCR për turistët që hyjnë në vend nga BE dhe vendet e treta. Përndryshe, hotelet janë të..

botuar më 21-01-26 6.33.MD