Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

450 leva /230 euro/ mesatarisht pritet që të harxhojnë bullgarët në ditën e të premtes së zezë

Foto: arkiv

Kalimi i orëve sa më të gjata përpara kompjuterit ose pajisjes mobile, padyshim që çon deri në një ndryshim të zakoneve të shumta të krijuara në jetën e përditshme. Mes tyre kuptohet është dhe pazari, të cilin ne e realizojmë gjithnjë e më shumë online, dhe jo realisht nga dyqani. Për shkak të pandemisë nga Covid-19 dhe sfidat të cilat i solli ajo gjatë vitit 2020, online tregtia qe pjesa e vetme nga kjo degë, e cila nuk pësoi dëme serioze, madje dhe shtoi fitimet e veta në disa segmente, pavarësisht nga kriza e krijuar. Sipas të dhënave të shoqatës bullgare të tregtisë elektronike E-komers, online tregtia me mallra ushqimore shënon një rritje prej 100%, kurse kjo e lidhur me shtesat ushqimore dhe vitaminat - midis 40 dhe 60%. Një rënie në shitjet llogaritet tek rrobat, aksesorët si dhe shërbimet e lidhura me sektorët “Turizëm” dhe “Aviacion”, që është e pritur në sfondin e kufizimeve të rrepta kundra epidemiologjike, të cilat pengojnë një sërë udhëtimesh jashtë shtetit. Tendenca për një rritje mbase do të mbetet deri në fund të vitit, ku për këtë do të ndihmojë fushata tradicionale nëpër botë dhe tek ne  “E premtja e zezë”. Zyrtarisht dita e uljes së çmimeve duhet të jetë vetëm një - 27 nëntor, por një sërë dyqanesh online i shpallën uljet e tyre akoma gjatë muajit tetor. Një studim i qëndrimeve të konsumatorëve tregon se pritet që 70% e bullgarëve të shfrytëzojnë uljet e çmimeve të mallrave dhe shërbimeve të ndryshme, në kuadrin e fushatës të sivjetshme. Mbi një miliardë e gjysmë leva kanë qenë të harxhuar nga konsumatorët bullgarë në fushatën “E premtja e zezë” gjatë vitit 2019.

“Studimi i sivjetshëm tregon se bullgarët janë gati të harxhojnë mesatarisht rreth 450 leva gjatë kohës së kësaj fushate, që do të thotë se kanë besim, por nuk duhet të lejohet dhe një besim i tepruar” - sqaroi kryetari i Komisionit për mbrojtjen e konsumatorëve Dimitër Margaritov. Në intervistë ai bindi se organi i cili drejton akoma që nga muaji tetor ka filluar një vërejtje të online pazarit. Margaritov  rikujtoi se gjobat për dërgesa jo luajale tregtare, të cilat i imponon komisioni janë disa nga më të lartat-30 000 leva/15 000 euro/ gjatë shkeljes së parë dhe deri më 50 000 /25 500 euro/ gjatë shkeljes së dytë.


“Gjatë vitit të kaluar tre grupe pyetjesh i emociononin qytetarët - dërgesat e vonuara, harxhimi i stoqeve në një kohë shumë të shkurtër gjatë këtyre uljeve, si dhe uljet joreale. Lidhur me këto pyetje pas një vendimi ynë janë imponuar sanksione për praktika jo luajale.”

Derisa mund t’i besojmë një uljeje në përmasë të 50 deri më 80% nga çmimi është një pyetje e cila emocionon çdo njërin i tërhequr nga ofertat tërheqëse.

“Është shumë e rëndësishme, kur bëjmë pazar online, të ndjekim çmimet e produkteve, të cilat i kemi zgjedhur për t’i blerë, që të mund të jemi të sigurt se janë të ulura me kaq, sa pohon tregtari - sqaroi kryetari i Komisionit për mbrojtjen e konsumatorëve. U drejtoj apel konsumatorëve të krahasojnë çmimet në disa oferta, të cilat propozojnë produktin në fjalë dhe të jenë të arsyeshëm, meqenëse blerjet jo të nevojshme po kështu na godasin xhepin, ashtu si dhe uljet false.”  

Margaritov llogariti se gjatë viteve të fundit kultura blerëse e konsumatorëve dhe ndërgjegjësimi dhe informimi i qytetarëve, lidhur me të drejtat e tyre të kërkojnë kompensime ose të kthejnë mallin e blerë prej tyre, përmirësohet. Sipas tij kjo praktikë e mirë vihet re dhe në më shumë dyqane reale.

Dhe prapë së prapi, mënyra më e sigurt të marrim një ndihmë kompetente dhe në kohë po të ketë problem me një mall të blerë, është duke dhënë një sinjal për këtë në Komisionin për mbrojtjen e konsumatorëve.

Përpiloi: Joan Kolev

Përgatiti në shqip: Nataniela Vasileva



Последвайте ни и в Google News Showcase, за да научите най-важното от деня!

Më shumë nga rubrika

Nënë Kadire nga Gora

Te nashencit në Gorën e Kukësit (VIDEO)

Midis maleve të Sharrit, Korabit dhe Koritnikut ndodhet rajoni historiko-gjeografik i Gorës, popullsia e të cilit e quan veten "torbeshë", "bullgarë", "nashenci"... Sot kufiri verilindor i Shqipërisë e ndan Gorën në dy pjesë - në lindje, në të..

botuar më 24-03-29 1.10.MD

Një filial i Universitetit në qytetin Ruse do të hapet në Taraklia

Një filial i Universitetit Ruse do të hapet në qytetin moldavian Taraklia. Kjo u vendos me një dekret të Këshillit të Ministrave. Udhëheqja e Universitetit në Ruse përpiqet për të hapur një filial të tij në qytetin moldavian që nga viti 2016...

botuar më 24-03-28 5.32.MD

Në BE, shkalla e vdekshmërisë për shkak të një aksidenti kardiovaskular është më e larta në Bullgari

Çdo vit në BE ka më shumë se 6 milionë raste të reja dhe mbi 1.8 milionë vdekje që lidhen me sëmundjet kardiovaskulare, raporton BTA, duke cituar zëvendëskryeministren dhe ministren e punëve të jashtme në dorëheqje Maria Gabriel. Në një konferencë..

botuar më 24-03-28 11.23.PD