Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Covid-19 në Bullgari: Dita e 271

Foto: BGNES

Parlamenti miratoi propozimin e qeverisë për të përfshirë Bullgarinë në marrëveshjet e BE-së për blerjen e vaksinave kundër COVID-19

Vaksina nuk do të përfshihet në kalendarin e imunizimit të Bullgarisë. Ajo do të vendoset vetëm pas pëlqimit të informuar të pacientit, tha Ministri i Shëndetësisë Kostadin Angellov në Parlament, njoftoi BTA.

Me ndryshimet në Ligjin për Shëndetin Ministri mori të drejtën të vendosë izolim të detyrueshëm të të infekturave dhe të mbartësve të infeksionit, si dhe karantinë të detyrueshme të personave që janë në kontakt. Shkelësit e karantinës do të gjobohen me 2500 euro.

Në rast gjendjeje të jashtëzakonshme, ose të gjendjes së jashtëzakonshme epidemike Ministri mund të ndalojë përkohshëm edhe eksportin e ilaçeve.

3138 janë rastet e reja të koronavirusit nga 8478 teste

3138 janë rastet e reja të koronavirusit në Bullgari të regjistruara për 24 orët e fundit.

Kjo përbën 37 për qind nga 8478 PCR testet e realizuara.

Më shumë janë sapo të infektuarit në kryeqytetit – 624, Plovdiv – 337, Varna – 266, Burgas – 242.

Këtë e tregojnë të dhënat e Portalit Unik Informativ.

U shëruan 2206, ndërsa 159 veta me infeksionin e konfirmuar të koronavirusit vdiqën.

Në spital mjekohen 6635 pacientë me Covid-19, prej tyre 523 në reparte intensive.

Sipas të dhënave zyrtare rastet aktive në Bullgari te momenti i tanishëm janë 92 360.

Ndërkohë nga Organizata Botërore e Shëndetësisë bënë thirrje për të vazhduar respektimin e masave preventive shëndetësore megjithëqë pritet që vaksinimi kundër koronavirusit të fillojë muajit e ardhshëm.

Hotelet në pushimoren bregdetare Allbena mbeten të mbyllura për festat e fundvitit

Të gjitha hotelet në pushimoren Allbena në bregdetin verior bullgar mbeten të mbyllura për festat e fundvitit, megjithë mundësitë për sport dhe SPA jashtë sezonit aktiv. “Me më shumë rëndësi për të gjithë ne është të mbrojmë shëndetin e familjeve tona” tha para BNR Varna Krasimira Stojanova – përfaqësuese e Shoqatës Aksionare “Allbena”.

Në kompleks presin që sezoni i ardhshëm i verës të jetë sezon i rezervimeve në minutën e fundit.

Në pikëkalimet kufitare do të ketë broshura në gjuhë të huaj me informacion për Covid-19

Broshurat do të jenë në 9 gjuhë dhe do të përhapen në të gjitha kufijtë tokësorë dhe ajrorë për udhëtarët që vijnë në vend.

Mysafirët do të informohen se si destinacion Bullgaria ka vulë për siguri dhe higjienë Safe Travels Stamp nga Këshilli Botëror për Udhëtime dhe Turizëm. Botimi do të jetë në anglisht, gjermanisht, frëngjisht, rusisht, rumanisht, serbisht, greqisht, turqish dhe bullgarisht. Në të do të shënohen se çfarë masash të reja të ndërmarrin turistët në rast simptomash eventuale.

Gjithçka më të rëndësishme për COVID-19 në shqip mund të lexoni në seksionin tonë të posaçëm për koronavirusin.

Mund të gjeni informacion aktual për koronavirusin dhe masat në Bullgari në akoma 9 gjuhë në ueb sajtin e Radio Bullgarisë.




Последвайте ни и в Google News Showcase, за да научите най-важното от деня!

Më shumë nga rubrika

Presidenti nisi takimet me kryeministrat e mundshëm në detyrë

Presidenti Rumen Radev nisi konsultimet me kandidatët për ushtrues detyre të kryeministrit. Sipas ndryshimeve kushtetuese nga fundi i vitit 2023, kreu i shtetit mund të zgjedhë kryeministrin në detyrë nga një listë e kufizuar prej 10 kandidatësh. Bëhet..

botuar më 24-03-28 3.58.MD

ITN ktheu mandatin e tretë të paplotësuar për të formuar një qeveri menjëherë pas dorëzimit të tij

“Ka një popull të tillë” (ITN) falënderoi Presidentin Rumen Radev për besimin dhe ia ktheu mandatin e tretë për të formuar qeverinë. Dosja është kthyer bosh nga nënkryetari i grupit parlamentar të ITN-së Ivajllo Vëllçev me fjalët “Na vjen mirë që kësaj..

botuar më 24-03-28 12.10.MD

Mbledhja e veçantë e mbeturinave në Bullgari ende nuk është në nivelin e kërkuar

Në lidhje me miratimin e ardhshëm të Rregullores për paketimin dhe mbetjet e ambalazhimit, Shoqata Profesionale “Polimerë” organizon një diskutim për rolin e riciklimit. Sipas Cvetanka Todorova, kryetare e Shoqatës bullgare "Polimerë", grumbullimi..

botuar më 24-03-28 10.36.PD