U miratua Plani Kombëtar për Vaksinimin kundër Covid-19
Në një mbledhje të Këshillit të Ministrave u miratua Plani Kombëtar për Vaksinimin kundër Covid-19. Këtë e njoftoi në një brifing Ministri i
Shëndetësisë profesor Kostadin Angellov. Në hartimin e planit u shfrytëzuan rekomandimet e Organizatës Botërore të Shëndetësisë në përputhje me veçoritë e shëndetësisë bullgare. Plani është i hapur për aktualizim në varësi të situatës, theksoi ministri. Parashikohet që vaksinat të vendosen në pesë etapa sipas parimit vullnetar. Më shumë hollësi mund të lexoni KËTU.
3280 janë rastet e reja të koronavirusit në Bullgari për 24 orët e fundit
3280 raste të reja të koronavirusit u zbuluan në Bullgari gjatë 24 orëve të fundit. Kjo përbën 36 për qind nga 9082 PCR testet. Më shumë të infektuar u regjistruan në Sofje -550, Burgas – 378, Varna – 359, Pllovdiv – 321. Këtë e tretojnë të dhënat e Portalit Unik Informativ. Në spital trajtohen 6766 pacientë me koronavirus, prej tyre 523 në reparte intensive. Për 24 orët e fundit u shëruan 1935 veta ndërsa 156 vdiqën. Që nga fillimi i pandemisë te personeli mjekësor u zbuluan 6624 raste të koronavirusit, prej tyre 205 për 24 orët e fundit.
Bullgaria është në vendin e 12-të në BE për nga sëmundshmëria nga Covid-19
Në një brifing pas mbledhjes së Këshillit të Ministrave kryeinspektori shëndetësor shtetëror Angell Kunçev njoftoi se sëmundshmëria nga Covid-19 në Bullgari për herë të parë që prej 3-4 javëve është ulur nën 600 për 100 000 veta të popullsisë. Kjo na radhit të 12-të në BE për nga sëmundshmëria. Ai shtoi se vdekshmëria 14-ditore mbetet e lartë dhe për nga ky tregues jemi në vendin e parë në BE. Pasi më 27 nëntor u vendosën masa suplementare antiepidemike pritet që pas 10-14 ditësh të regjistrohet ulja e numrit të njerëzve me infeksionin e koronavirusit në spitalet dhe në repartet intensive, si dhe e të vdekurve. Ndërkohë parlamenti miratoi në lexim të parë korrigjime ligjore për çlirim të përkohshëm nga TVSH të furnizimeve të vaksinave dhe testeve për Covid-19.
90 për qind e mjekëve e përgjithshëm mendojnë se Covid-19 nuk është arsye për pranimin e antibiotikëve
90 për qind e mjekëve të përgjithshëm nuk mendojnë se infektimi me Covid-19 është arsye për trajtimin me antibiotikë. Këtë e tregon një anketim online i Shoqatës Kombëtare të Mjekëve të Përgjithshëm në Bullgari. Këtë e njoftoi për BNR docenti Ljubomir Kirov, kryetar i shoqatës. Sipas 700 prej mjekëve të anketuar testet e shpejta të antigjenit duhet të konsiderohen baras me testet e tjera dhe të shfrytëzohen për hospitalizim në rast ndërlikimi të gjendjes shëndetësore të pacientit.
Gjithçka më të rëndësishme për COVID-19 në shqip mund të lexoni në seksionin tonë të posaçëm për koronavirusin.
Mund të gjeni informacion aktual për koronavirusin dhe masat në Bullgari në akoma 9 gjuhë në ueb sajtin e Radio Bullgarisë.
Eurodeputetët kanë frikë nga ndërhyrjet ruse në zgjedhjet e ardhshme të 9 qershorit, si dhe nga pronat e autoriteteve ruse në Bullgari. Kjo shënohet në një projekt-rezolutë të Partisë Popullore Evropiane për ndërhyrjen ruse në zgjedhjet e ardhshme..
Bullgaria vazhdon të vuajë nga problemet me mbrojtjen e të drejtave të njeriut, sipas raportit të Departamentit Amerikan të Shtetit për vitin 2023. Sipas dokumentit, ka raporte të besueshme për tortura dhe trajtim mizor të qytetarëve nga autoritetet..
Qeveria e përkohshme e kryeministrit Dimitër Gllavçev ka 20% miratim dhe 39% mosmiratim. Vetëm 11% vlerësojnë pozitivisht ndryshimet në Kushtetutë në pjesën për kabinetin zyrtar, sipas një sondazhi përfaqësues të agjencisë Trend, të porositur nga..
Të enjten në vend do të kalojë një front i ftohtë atmosferik. Në të gjithë Bullgarinë do të ketë reshje shiu dhe bubullima. Ka kushte breshëri...
Bullgaria do të ndihmojë Ukrainën në procesin e rimëkëmbjes së infrastrukturës energjetike. Kjo u bë e qartë në takimin e ministrit të energjetikës..
Lideri i GERB-it, Bojko Borisov, tha se nuk mund të ketë edhe një tjetër bashkëveprim me "Po e vazhdojmë ndryshimin - Bullgaria Demokratike" (PP-DB)..